Amil Xəlil

Vikipediya, azad ensiklopediya
Jump to navigation Jump to search
Amil Xəlil
Amil Bəhlul oğlu Xəlil
Amil Xəlil.jpg
Doğum tarixi 13 noyabr 1991 (1991-11-13) (27 yaş)
Doğum yeri Bakı, Azərbaycan
Vətəndaşlığı Azərbaycan Azərbaycan
Uşağı yoxdur
Atası Bəhlul Xəlilov
Milliyyəti Azərbaycanlı
İxtisası tarixçi, jurnalist
Fəaliyyəti Sayt, TV
Fəaliyyət illəri 2011[1]-h.h.
Tanınır Aparıcı, jurnalist

Amil Xəlil (tam adı: Amil Bəhlul oğlu Xəlil; 13 noyabr 1991; Bakı, Azərbaycan) – Azərbaycanlı araşdırmaçı jurnalist və aparıcı.

Həyatı[redaktə | əsas redaktə]

Amil Bəhlul oğlu Xəlil 13 noyabr 1991-ci ildə Bakı şəhərində anadan olub. Lakin sənədlərdə doğum tarixi 18 yanvar 1992-ci il qeyd edilib. 1998-ci ildə Biləcəridə yerləşən 284 saylı məktəbdə orta təhsil almağa başlayıb. Bir il sonra orta təhsilini həmin qəsəbədə yerləşən 45 saylı orta məktəbdə davam etdirib. Orta məktəb illərindən tarixə həvəsi olub. İrəvanKərkük xəritələrinin yeni versiyalarının hazırlanmasında iştirak edib. Hələ uşaq yaşlarından həvəskar şəkildə virtual olaraq aparıcılıq və müxbirlik edib. Sinif yoldaşlarından müsahibələr alıb məktəb jurnallarında çap etdirib. Taxtadan hazırladığı mikrafonlar hələ də qalmaqdadır. 2009-cu ildə Biləcəridə yerləşən 45 saylı orta məktəbi əlaçı kimi bitirən Amil Xəlil 2010-cu ildə ali məktəbə daxil olur və 2014-cü ildə ali təhsili başa vurur. Tarixjurnalistika üzrə təhsilini ala-ala uşaqlıqdan sevdiyi jurnalist sənəti üzrə çalışmağa başlayır.

Fəaliyyəti[redaktə | əsas redaktə]

2009-cu ildə özünün yaratdığı “Kanal Baku” sayt və internet kanalının rəhbəri olur. Sayt qısa zamanda TV xəbər videolarını yayımlayan yeganə saytlardan biri olur.

2011-ci ildə ATV kanalında araşdırmaçı müxbir kimi çalışmağa başlayır. Nanə Ağamalıyeva ilə birgə “Gün Keçir” adlanan verilişdə işləyib.[2] Ölkənin ən qəribə məkanlarından eksklüziv görüntülər təqdim edib. Daha sonra İradə İsaqla bir neçə layihələrdə araşdırmaçı jurnalist kimi fəaliyyət göstərib. “Düz Üzünə” “Səbəbkar” verilişlərində maraqlı araşadırmalar təqdim edib.[2]

2016-cı ildə “Lider” Tv-də çalışmağa başlayıb.[1] Bir az sonra aparıcısı və rəhbəri olduğu “Bura Vətəndir!” adlı layihə ilə tamaşaçıların görüşünə gəlir.[3][4] Tarix və Milli Dəyərlər şüarı ilə efirdə yayımlanan veriliş qısa vaxtda hər kəs tərəfindən maraqla qarşılanıb.[5][6] Yeganə verilişlərdən biri olub ki, baxdıqca nələrsə öyrənilib. Verilişin 6-cı buraxılışı böyük səs küyə səbəb olmuşdur. Səbəb isə Amil Xəlilin “erməni batan” ərazini ortaya çıxartması olub. Ucar-Kürdəmir qoşunlarının şücayətindən danışan kəndlilər çəkiliş qrupu ilə birgə həmin əraziyə yollanmışlar.[7]

2017-ci ildə Space Tv-yə dəvət alan aparıcı hazırda da həmin kanalda çalışır. “Olar? Olmaz!” adlanan layihə ilə hər gün tamaşaçıların görüşünə gələn teleaparıcı bu verilişdə də ilklərə imza atıb.[8] İnsanların sosial problemlərini işıqlandırmaqla bərabər ən çox reydlər keçirən proqramdan biri olub. Donuz ətinin kolbasa sexinə yollanması anından tutmuş, at ətinin dönər əti adı altında satılmasını ifşa edən görüntülərə kimi araşdırmalar təqdim edib. 2 mövsümdür davam edən veriliş indi hər gün yox həftənin şənbəbazar günləri yayımlanır. Yeganə verilişlərdən biridir ki, tez-tez açıq rüşvət görüntüləri təqdim edib. Məhz bu səbəbdan teleaparıcı rüşvətə qarşı çıxan jurnalistlərdən hesab edilir.[2] Daha sonra “Operatiov Hissə” “Qarşı-Qarşıya” layihələrdə aparıcı kimi fəaliyyət göstərib.

Teleaparıcının digər layihəsi hazırda yayımlanan “Gəl Dərdini Danış” kriminal sosial layihəsidir. İnsanlar şübhəli və qaranlıq məsələləri bu verilişdə danışıb yardım alılar. Qeyd edək ki, bu layihə də ilklərdəndir.

Subaydır[4], bir qardaşı var.

Layihələri[redaktə | əsas redaktə]

Bura Vətəndir!” verilişi. Lider Tv-də yayımlanan maraqlı proqramlardan biri.[5] Yeganə verilişlərdən biri olub ki, Azərbaycanın əzəli torpaqlarında çəkiliş həyata keçirib. Amil Xəlilin təqdimatında yayımlanan veriliş Borçalı-Başkeçid ərazisində, Qədim Azərbaycan torpağı olan Iğdır və ətrafında teleməkanda ilk dəfə olaraq çəkiliş gerçəkləşdirib. Təbriz, Xoy, Ərdəbildən salamlar çatdırıb. Kərkük vilayətindən tamaşaçıların görüşünə gəlib. İrəvanın düz sərhəddindən və Metsamor atom stansiyasını görüntülüyən yeganə aparıcılardan biri olub. Metsamor və İrəvanın sərhəddən çəkilişi vaxtı operator səhətində yaranan problemlə əlaqədar çəkilişi yarımçıq saxlasa da, Amil Xəlil özü bir planla çəkiliş edib və açıqlamalar verib. Ölkə daxili çəkilişlərdə isə vətənpərvərliyi aşılayıb.[6][7] Proqramı bir növ dərslik kimi tamaşaçılara təqdim edib.[4][1][3]

Olar? Olmaz!” verilişi.[1] 270-dən çox buraxılışı yayımlanıb. Reydlərlə zəngin olan verilişdə insan sağlamlığı və haqsızlıqlara qarşı mübarizə əsas məqsədlərdən biri olub. Gizli çəkilişlərlə maraqlı görüntülər əldə edilib. Dönər ətlərinin mənbəyini olduğu kimi göstərməklə bərabər insanların cibinə girən sahibkarlar “Olar? Olmaz!” verilişində ifşa edilib. Qarabağ adını daşıyan onlarla kafe verilişin çəkilişindən sonra bağlanılıb. Amil Xəlil “Həssas adlar” adı altında tez-tez qeydə aldığı görüntülərlə bir daha xalqın rəğbətini qazanmışdır. Veriliş hazırda da “Space Tv”-də davam edir.[2][8]

Gəl Dərdini Danış[1] – sosial kriminal layihə. Şübhəli qalan cinayətlərin danışıldığı yeganə proqram. Həfət içi hər gün yayımlanan veriliş müafiq qrumların da diqqətindədir. Qısa müddətdə işıqlandırdıqları problemlər dərhal həllini tapıb. Son günlərin ən çox izlənən layihələrindən biridir.

Operativ Hissə” – ölkədə baş verən kriminal hadisələrin təfərrüatlarını təqdim edib. Daha sonra yeni layihəyə görə “Operativ Hissə”-ni başqa həmkarı təqdim edib.

Qarşı-Qarşıya” – gündəmdə duran əsas məsələlər müzakirəyə çıxarılıb və müvafiq qonaqla açıq söhbət edilib. Layihə 1 mövsüm davam edib. Hazırda yayımı dayandırılıb.

İstinadlar[redaktə | əsas redaktə]

  1. 1,0 1,1 1,2 1,3 1,4 Tahirə Əlirzayeva. "“Haqqımda deyirlər ki, iki bacısı var” - Azərbaycanlı teleaparıcıdan qalmaqallı açıqlamalar"(azərb.)). metbuat.az (13 sentyabr 2018). 30 sentyabr 2018 tarixində arxivləşdirilib. İstifadə tarixi: 30 sentyabr 2018.
  2. 2,0 2,1 2,2 2,3 Əli Novruzəliyev. "Azərbaycanlı teleaparıcını çəkilişdə döyüb, kamerasını sındırdılar: Bu çox dəhşətli bir hadisə idi... - FOTO"(azərb.)). Milli.Az (14 avqust 2018). 15 avqust 2018 tarixində arxivləşdirilib. İstifadə tarixi: 30 sentyabr 2018.
  3. 3,0 3,1 "Стартует новый телепроект "Bura Vətəndir" - ФОТО - ВИДЕО"(rus.)). day.az (17 mart 2017). 19 mart 2017 tarixində arxivləşdirilib. İstifadə tarixi: 30 sentyabr 2018.
  4. 4,0 4,1 4,2 "Azərbaycanı tanıdan veriliş - "Bura vətəndir"in aparıcısı Amil Xəlillə MÜSAHİBƏ"(azərb.)). a24.az (13 may 2017). 30 sentyabr 2018 tarixində arxivləşdirilib. İstifadə tarixi: 30 sentyabr 2018.
  5. 5,0 5,1 "Bura Vətəndir – Ağsuda Amil Xəlil ilə (VİDEO/FOTO)"(azərb.)). trend.az (1 may 2017). 2017-04-031 tarixində arxivləşdirilib. İstifadə tarixi: 30 sentyabr 2018.
  6. 6,0 6,1 "İllər sonra Qəmlo və Kərbəlayı İsmayılın nəvələri Amil Xəlilə nələri danışdı?"(azərb.)). milli.az (6 may 2017). 9 iyun 2017 tarixində arxivləşdirilib. İstifadə tarixi: 30 sentyabr 2018.
  7. 7,0 7,1 "Ermənilərin kütləvi qırıldığı ərazi - Ucardan veriliş - VIDEO - FOTO"(azərb.)). milli.az (15 aprel 2017). 21 may 2017 tarixində arxivləşdirilib. İstifadə tarixi: 30 sentyabr 2018.
  8. 8,0 8,1 ""Olar? Olmaz!" ən çox izlənən veriliş oldu (VİDEO)"(azərb.)). baku.ws (24 yanvar 2018). 29 mart 2018 tarixində arxivləşdirilib. İstifadə tarixi: 30 sentyabr 2018.

Həmçinin bax[redaktə | əsas redaktə]

Xarici keçidlər[redaktə | əsas redaktə]