Barama İnnovasiya və Sahibkarlıq Mərkəzi
| Barama İnnovasiya və Sahibkarlıq Mərkəzi | |
|---|---|
| Ümumi məlumatlar | |
| Tipi | Biznes inkubator |
| Sənaye | |
| Təsis tarixi | 2009 |
| Rəhbərlik | |
| Təsisçi | |
| barama.az | |
10 ildən artıqdır ki fəaliyyət göstərən Barama İnnovasiya və Sahibkarlıq Mərkəzi, Azercell Telekom MMC və PAŞA Bankın dəstəyi ilə 2009-cu ildə yaradılan Azərbaycanın ilk biznes inkubatorudur. Mərkəzin əsas məqsədi Azərbaycanda rəqəmsal ekosistemi böyütməkdir.[1] Sosial şəbəkələrdə yayılan məlumatlara görə mərkəz fəaliyyətini dayandırıb, lakin mərkəz tərəfindən açıqlama verilməyib.
Fəaliyyəti
[redaktə | mənbəni redaktə et]Barama İnnovasiya və Sahibkarlıq Mərkəzi İnnovasiya Laboratoriyası, Biznes İnkubator və Sahibkarlıq dəstəyi, İş Həlləri və Tərəfdaşlıq sahələrindən ibarətdir.[2]
2017-ci ilə qədər Mərkəz 300-dən çox tədbirə ev sahibliyi etdi, 3500 müraciət toplayaraq 45 startapı işə salıb.[1]
Bundan əlavə, ABŞ-nin Virciniya ştatında bir startap yaradılması və 6 startap müəssisəsinin inkişaflarını gücləndirmək üçün Kaliforniyanın Silikon Vadisini ziyarət etməsinə səbəb oldu.[2]
2019-cu ildən bəri Barama İSM Azərbaycan İnnovasiyalar Agentliyi tərəfindən dəstəklənir.[2]
2017-ci ilin yanvarın 18-dən Barama İnnovasiya və Sahibkarlıq Mərkəzi Azərbaycan İqtisadi İslahatların Təhlii və Kommunikasiya mərkəzi ilə əməkdaşlığa başlayıb.[3]
2017-ci il iyunun 3-də Gəncə şəhərinin Azərbaycan Texnologiya Universitetinin nəzdində fəaliyyət göstərəcək yeni mərkəzinin açılışı olub.[4]
2017-ci il dekabrın 21-də Azercell və "Azərbaycan Britaniya Kolleci" arasında imzalanan əməkdaşlıq memorandumuna əsasən Barama İnnovasiya və Sahibkarlıq Mərkəzi tərəfindən məktəblilər üçün xüsusi təlim proqramları təşkil olundu. "Sahibkarlıq məktəbi", "İT məktəb" və "İT Media" adlı 3 hissədən ibarət olan proqramda sahibkarlığın əsasları, uğurlu startapların nümunələri və təqdimatlar, proqramlaşdırmanın əsasları kimi təlimlərin aparıldı.
Bundan əlavə, şagirdlərə məktəbdən real biznes aləminə daxil olanadək dəstəyin göstərilməsi, praktiki seminarların aparılması, yay-qış məktəbi proqramlarının, məktəblilər arasında Hackaton yarışmalarının təşkili və İT üzrə Olimpiadalara hazırlıq kurslarında məktəblilərin iştirakı da proqrama daxildir. Əməkdaşlıq çərçivəsində məktəbdə şagirdlər üçün Barama İnnovasiya və Sahibkarlıq Mərkəzinin ofisi açılması da daxildir.[5]
Barama İnnovasiya və Sahibkarlıq Mərkəzi həmin ildə məktəblilər üçün daha bir layihə həyata keçirdi. "Coding Kids – Summer IT School" adlı layihə çərçivəsində uşaqlara 6 həftə ərzində İnformasiya Texnologiyalarına və Kompüter elmlərinə giriş, Kodlaşdırma Texnikası, Mobil Tətbiqlərin Yazılması, Verilənlər Bazası, C++ Proqram dilinin öyrənilməsi və digər maraqlı mövzular tədris edilib.
2019-cu il mayın 22-də Lənkəranda Lənkəran Dövlət Universiteti nəzdində Barama İnnovasiya və Sahibkarlıq Mərkəzinin yeni ofisinin açılış mərasimi keçirilib. Mərkəzin rəhbəri İmran Bağırov yeni istifadəyə verilən mərkəzin əsas məqsədinin kənd təsərrüfatı və texnologiyanı birləşdirmək, bu sahədə ixtisaslı kadrlar, proqramçılar yetişdirmək olduğunu bildirib.[6]
2019-cu ilin iyulunda Barama İnnovasiya və Sahibkarlıq Mərkəzi səfər qrantları üçün qəbul elan edib. Belə ki, sentyabrın 9-dan 12-dək Macarıstanın paytaxtı Budapeştdə təşkil olunacaq "ITU Telecom World" sərgisində iştirak etmək istəyən seçilmiş startaplar üçün bütün xərcləri öz üzərinə götürüb.[7]
2021-ci il yanvarın 30-dan Gənc Hüquqşünaslar Şəbəkəsi Barama İnnovasiya və Sahibkarlıq Mərkəzi ilə birgə əməkdaşlığı başlamışdır. Əməkdaşlıq çərçivəsində Baramanın "İnkubasiya 2021" proqramına qoşulan startaplara Şəbəkəmizin peşəkar hüquqşunasları tərəfindən "Data Protection", "Privacy Policy" kimi sahələrdə mentorluq dəstəyi təmin ediləcəkdir.[8]
Barama İnkubasiya Proqramı
[redaktə | mənbəni redaktə et]Barama İnkubasiya proqramının hədəfi yerli startapların sahibkarlıq biliklərini və bacarıqlarını zənginləşdirmək, mentor dəstəyi vermək, uğurlu biznes alətləri və vasitələri ilə məhsulunu daha tez inkişaf etdirmək metodları haqqında məlumatlandırmaq və dünya bazarına çıxış yollarını göstərməkdir.[9] İntensiv 12 həftəlik proqramda dəyər təklifi, məhsulun inkişafı, biznes modeli, habelə hüquqi və maliyyə sahələrində dəstək daxil olmaqla, müxtəlif sahələrdəki mentorlar və mütəxəssislər tərəfindən dəstəklənir.[1]
Proqram Azərbaycan və ingilis dillərində, onlayn və oflayn keçirilir.[9]
İstinadlar
[redaktə | mənbəni redaktə et]- ↑ 1 2 3 http://innovationagency.az/biznes-inkubasiya-merkezi/ Arxivləşdirilib 2021-04-25 at the Wayback Machineİnnovasiyalar Agentliyi
- ↑ 1 2 3 https://barama.az/ Arxivləşdirilib 2021-04-26 at the Wayback Machine Barama
- ↑ "Azərbaycanda Startap olmaq asandır!" Arxivləşdirilib 2021-09-25 at the Wayback Machine. Azercell. 19.01.2017
- ↑ "Gəncədə "Barama" İnnovasiya və Sahibkarlıq mərkəzi açılıb" Arxivləşdirilib 2017-06-30 at the Wayback Machine. Salamnews. 03 iyun 2017
- ↑ "Barama məktəblilər üçün yeni layihəyə başlayır" Arxivləşdirilib 2021-04-28 at the Wayback Machine. ABC. 22.12.2017
- ↑ "Barama İnnovasiya və Sahibkarlıq Mərkəzi artıq Lənkəranda" Arxivləşdirilib 2021-04-28 at the Wayback Machine. AzərTac. 23.05.2019
- ↑ "Barama İnnovasiya və Sahibkarlıq Mərkəzi səfər qrantları üçün qəbul elan edir" Arxivləşdirilib 2021-04-28 at the Wayback Machine. Aqreqator. 9 iyul 2019
- ↑ "GƏNC HÜQUQŞÜNASLAR ŞƏBƏKƏSININ BARAMA İNNOVASIYA VƏ SAHIBKARLIQ MƏRKƏZI ILƏ BIRGƏ ƏMƏKDAŞLIĞI" Arxivləşdirilib 2021-04-28 at the Wayback Machine. YLN
- ↑ 1 2 ""Barama İnkubasiya 2021" proqramı davam edir" Arxivləşdirilib 2021-04-28 at the Wayback Machine. Xəbərlər.az