Cavad Mircavadov

Vikipediya, azad ensiklopediya
Jump to navigation Jump to search
Cavad Mircavadov
Cavad Mircavadov.jpg
Doğum tarixi 19 yanvar 1923(1923-01-19)
Doğum yeri
Vəfat tarixi 24 iyun 1992(1992-06-24) (69 yaşında)
Fəaliyyəti rəssam
Mükafatları "Azərbaycan SSR əməkdar incəsənət xadimi" fəxri adı — 1988

Cavad Mirhaşım oğlu Mircavadov (19 yanvar 1923(1923-01-19), Bakı24 iyun 1992(1992-06-24)) — azərbaycanlı rəssam[1], Azərbaycan SSR əməkdar incəsənət xadimi (1988)[2].

Həyatı[redaktə | əsas redaktə]

C.Mircavadov 1923-cü il yanvarın 19-da Bakıda doğulub. 1949-1954-cü illərdə Leninqradda yaşamış, Dövlət Ermitajında fəhlə kimi çalışmışdır.[2].

1954-cü ildə Leninqraddan Bakıya qayıdaraq 10 il ərzində öz təcrübələrində təsviri sənət üçün ənənəvi olmayan materiallardan – metal, daş, qum, bitum, qatran və sementdən istifadə etməyə başlayıb. 1992-ci ildə o Kopenhagen-Moskva qatarında yol gedərkən vəfat edib[2].

Yaradıcılığı[redaktə | əsas redaktə]

Cavad Mircavadov bir çoxları tərəfindən Azərbaycan rəssamlığında müasir istiqimətin banisi kimi tanınır. Bu rəssam Azərbaycan rəssamlıq məktəbinin ən parlaq novatorlarından biridir.

Cavad yazırdı:

"Mən Azərbaycanda doğulmuşam, lakin yaradıcılığımla Qolfstrimlə Sakit okeandan, Eskimoslar torpağı ilə Afrika kontinentinindən gələn küləklərin qovuşduğu yerə ucalmışam".

Ermitajda saxlanılan XX əsrin Qərb rəssamlıq şedevrlərinin və Böyük Pyotr adına antropologiya və etnoqrafiya muzeyində Afrika, Okeaniya, İndononeziya və Yaxın Şərq xalqlarının ənənəvi incəsənətinin öyrənməsi rəssamın çoxillik müstəqil işinin əsasını qoyur. İlk baxışdan Mircavadovun rəsmləri sadədir- şeytanlar, hiyləgər və şivəli qadınlar, dəvələr, atlılar sanki uşaqlıqdan bizə tanış olan nağıllardan canlanıb. Lakin bu xoş, sevindirici dünyaya daha diqqətlə baxdıqda onların heç də “uşaq oyunu” olmadığını başa düşürsən. Qara kontur, fiqurları naxışlı mühitə “basılmış” personajları simasızlaşdırır, onların xarakteri, mahiyyəti gözlər əvəzinə boş qara kəsikləri olan maskalar arxasında gizlədilir. Cavadın əsərlərindəki boyalar sanki bütpərəst sayağı bəzəkləri dəyişərək daxili təşviş və potensial təhlükənin ifadəsinə çevrilir. Bu xeyirlə-şərin, gözəlliklə-eybəcərliyin, mübarizliklə-ətalətin əsrlərlə davam edən mübarizəsinin Mircavad təxəyyülündən süzülüb tablolara hopan həyat səhnələridir.

Ekspozisiyada rəssamın - “Çəpərdə” (kətan, yağlı boya), “Avinyon qadınları” (kağız), “Ağlayan” (kağız), “Kollaj” (kağız), “Qorxu” (kətan, yağlı boya), “Qaçırılma” (kətan, yağlı boya), “Reylefli kompozisiyada qırıntılar” (fanera; qum, nitro, boyaitum), “Triada. Dik-Tik” (kətan. Yağlı boya), “Tanrı” (orqalit), “Atılmış at” (kətan, yağlı boya), “Cadugər Qabon” (kətan; yağlı boya) əsərləri nümayiş etdirilir.

İstinadlar[redaktə | əsas redaktə]

  1. Əsrlərin qovuşağında: Cavad Mircavadov
  2. 1 2 3 Ləman Mustafaqızı (22.11.2013 / 22:36). "Cavad Mircavadovun əsəri məşhur "Sotbis" hərracında" (azərb.). news.lent.az. İstifadə tarixi: 2014-06-07.