Elman Rəfiyev

Vikipediya, azad ensiklopediya
Jump to navigation Jump to search
Elman Rəfiyev
Elman Məmmədrza oğlu Rəfiyev
Elman Rəfiyev.jpg
İlk adı Elman Məmmədrza oğlu Rəfiyev
Doğum tarixi 19 yanvar 1971 (1971-01-19) (48 yaş)
Doğum yeri Sumqayıt, Azərbaycan SSR
Vətəndaşlığı Azərbaycan Azərbaycan
Peşəsi aktyor
Təhsili ali
Fəaliyyət illəri 1992-bu günə qədər
İstiqamət pantomim
Mükafatları "Azərbaycan Respublikasının əməkdar artisti" fəxri adı

Elman Rəfiyev (tam adı: Elman Məmmədrza oğlu Rəfiyev ; d. 19 yanvar 1971, Sumqayıt, Azərbaycan SSR) — Azərbaycanlı teatr və kino aktyor,Azərbaycan Dövlət Pantomima Teatrının direktoru, Azərbaycanın əməkdar artisti.

Həyatı[redaktə | əsas redaktə]

Elman Məmmədrza oğlu Rəfiyev 19 yanvar 1971-ci ildə doğulmuşdur.

1988-ci ildə Azərbaycan Dövlət Mədəniyyət və İncəsənət Universitetinin "Dram və kino aktyoru" fakültəsinə daxil olmuş və 1992-ci ildə universiteti fərqlənmə diplomu ilə bitirmişdir. 1998-ci ildə Gürcüstanda Robert Sturuanın beynəlxalq sənətkarlıq kursunda təhsil almış, 2000-ci ildə Bolqarıstanda Sofiya Yay Akademiyasında "Bədənlər və zaman" seminarında iştirak etmişdir. 1992-1993-cü illərdə Dövlət Gənclər Teatrında aktyor işləmişdir. 1994-2000-ci illərdə Gənc Tamaşaçılar teatrının nəzdində fəaliyyət göstərən Bəxtiyar Xanızadənin rəhbərlik etdiyi "Dəli yığıncağı" Pantomima teatr-studiyasında, 2000-ci ildən Dövlət Pantomim teatrında direktor müavini vəzifəsində çalışır, həmçinin aktyorluq fəaliyyətini davam etdirir. O, Əli Əmirlinin "Meydan" (Zabit), R.Əlizadənin "Tıq-tıq" (Cuk), "Laləli düzən" (Abon), Bəxtiyar Xanızadənin "Nağaraçılar" (Sırtıq), "Kvaksafon" (Qurbağa), "Şərqə səyahət" (Aparıcı), "Yaponiyaya səyahət" (Diktor), "Hindistana səyahət" (Motosikletçi), "3 badam, 1 qoz" (Qoz), "Zibillik pərvanələri" (Şah, Skripkaçı), "Eşq" (Vərəq), "Kölgə" (Polis), S.Mrocekin "Karol xofu" (Baba), Ə.Haqverdiyevin "Kimdir müqəssir?" (Şeytan), M.Musabəyovun "Şəngül, Şüngül, Məngül" (Nağılçı, Dəmirçi), Q. Məsimovun, Muğam Trio Dizlər Müğənni Şeyx Əttar "Uçuş" (5-ci saliq), Çingiz Aytmatovun "Manqurt" (Aparıcı), Üzeyir Hacıbəyovun "Dulusçu" (5–mim), Antuan de Sent-Ekzüperinin "Balaca şahzadə" (Qızılgül), Alber Kamyunun "İnsan" (Mason, Hakim), A.Məmmədovun "Korlar" (2-ci Kor) tamaşalarında oynamışdır. Luici Pirandellonun "Səs" (Silvio), Vaqif Səmədoğlunun "Yaşıl eynəkli adam 2-3" (İnzibatçı), Anarın "Nigarançılıq" (Aşbaz Əli), Aqşin Babayevin "Nekroloq" (Ruslan), Ramiz Həsənoğlunun "Bəylik dərsi" (Məzhəkəçi), Şərif Qurbanəliyevin "Təklif" (II dələduz) televiziya tamaşalarında, İzzət Əzizovun "Qaz" (Kaliqula), Ramiz Həsənoğlunun "Hüseyn Cavid" (Gənc dramaturq) filmlərində çəkilmişdir. B.Xanızadənin "Arzular aləminə səyahət" elmi-tədris filmində – Kloun Nini rolunda oynamışdır. Klounada janrında axtarışlarını davam etdirir. Səhnə təxəllüsü Kloun Ninidir.

Elman Rəfiyev Dövlət Pantomima teatrında hazırlanan bütün tamaşaların və A.Şaiq adına Kukla Teatrında "Kral" tamaşasının musiqi tərtibatçısıdır. O, 2006–cı ildə Xəzər Universitetində Üzeyir Hacıbəyovun "Arşın mal alan" (ingilis dilində) operettasına, daha sonra isə Fikrət Əmirovun "Sevil" operasına quruluş vermişdir.

Elman Rəfiyev Gürcüstanda (Tiflis, 14-28 noyabr 1998-ci il, "Hamletsiz Hamlet" sənətkarlıq kursu; Tiflis, aprel 1999-cu il, "Teatr+Video" festivalı; Tiflis, 17 sentyabr–8 oktyabr 2000-ci il, "Qızıl maska" Beynəlxalq Teatr Festivalı; Tiflis, 16-19 iyun 2009-cu il, "Azərbaycan mədəniyyət günləri; Tiflis, 4-6 oktyabr 2009-cu il, Beynəlxalq Teatr Festivalı), Rusiyada (Moskva, 26-30 aprel 1999-cu il, "Azərbaycan mədəniyyət günləri"; İrkutsk, 30 avqust–8 sentyabr 2002-ci il, "Mimolyot" 6-cı Beynəlxalq Pantomima və Müasir Plastika Festivalı; Moskva, 17-19 aprel 2007-ci il, "Azərbaycan mədəniyyət günləri"; Moskva, 9-11 oktyabr 2007-ci il, "Bibliobraz" Beynəlxalq Festivalı), Fransada (Paris, 1999-cu il, "Dədə Qorqud-1300"; Paris, 23-25 may 2008-ci il, UNESCO "Leyli və Məcnun" layihəsi), Türkiyədə (Ankara, 18-28 noyabr 1999-cu il, 4-cü beynəlxalq teatr festivalı; Ankara, 7-17 noyabr 2001-ci il, 6-cı beynəlxalq teatr festivalı; Ankara, 17-27 oktyabr 2002-ci il, "Ethos" Uluslararası Teatr Festivalı; Trabzon, 1-13 may 2006-cı il, 7-ci Uluslar arası Karadeniz tiyatro festivalı), Bolqarıstanda (Sofiya, 18 iyul–4 avqust 2000-ci il, İfaçılıq sənətləri üzrə yay akademiyası – "Bədənlər və zaman", "Fildenkrayz metodu", "Ağ buto" seminarları), İranda (Tehran, 4-10 noyabr 2000-ci il, 1-ci Beynəlxalq Pantomima Festivalı; Tehran, 3-10 mart 2002-ci il, "Dostluq" teatr festivalı), Almaniyada (Potsdam, 17-23 iyun 2001-ci il, Unidram festivalında, "XXI-ci əsrin yuxuları" Sankt-Peterburq Mədəniyyət mərkəzinin Artur Şnitslerin "Pyerettanın örtüyü" beynəlxalq layihəsi; Berlin, 13-19 iyun 2008-ci il, "Azərbaycan mədəniyyət ili"), Hollandiyada (Amsterdam, 9-15 dekabr 2002-ci il, "Oud-Wesr Thuis Best" Beynəlxalq mədəniyyətlərarası festival), Avstriyada (Vyana, 10-14 aprel 2003-cü il, "Arzular aləminə səyahət" layihəsində; Vyana, 9-15 aprel 2007-ci il), Ukraynada (Kiyev, 7-14 may 2003-cü il, "Kiyev-Travnevi" 5-ci Beynəlxalq Teatr Festivalı), Tatarıstanda (Kazan, 30 may-6-iyun 2005-ci il, "Nouruz" Türkdilli xalqların teatr festivalı), Misirdə (Qahirə, 20-30 sentyabr 2005-ci il, 17-ci Beynəlxalq Eksperemintal teatr Festivalı; 10-20 oktyabr 2008-ci il, 20-ci Beynəlxalq Eksperemintal teatr Festivalı), Finlandiyada (İmatra, 14-17 iyun 2007-ci il, "Ağ və Qara" Beynəlxalq Teatr Festivalı), Ərəbistanda (Ər-Riyad, Dammam, Ciddəh 10-14 noyabr 2007-ci il, "Azərbaycan mədəniyyət günləri") beynəlxalq teatr festivallarında iştirak etmişdir.

2000-ci ilin aprel ayında Dövlət Pantomima Teatrının direktoru müavini, 2009-cu ildə isə direktoru vəzifəsinə təyin olunmuşdur.

9 may 2012-ci il tarixdə Əməkdar artist fəxri adına layiq görülmüşdür.

Teatr səhnəsindəki rolları[redaktə | əsas redaktə]

Azərbaycan Dövlət Pantomim Teatrı[redaktə | əsas redaktə]

Tamaşanın adı Rol Premyera Rejissor Müəllif Rəssam Musiqi tərtibatçısı
Muğam-trio "Dizlər" Müğənni Qurban Məsimov YoxN YoxN
Korlar 2-ci kor A. Məmmədov YoxN YoxN
Dejavü YoxN Bəhruz Vaqifoğlu
Səbinə Hacıyeva
Səbinə Hacıyeva YoxN HəY
Pantomim buketi Müğənni Bəxtiyar Xanızadə Bəxtiyar Xanızadə YoxN HəY
Zibillik pərvanələri Şah
Skripkaçı
Bəxtiyar Xanızadə Bəxtiyar Xanızadə YoxN HəY
Eşq Vərəq Bəxtiyar Xanızadə Bəxtiyar Xanızadə
(Uilyam Şekspirin sonetləri əsasında)
YoxN HəY
Maska YoxN Bəxtiyar Xanızadə Bəxtiyar Xanızadə YoxN HəY
Adsız YoxN Nargilə Qəribova Nargilə Qəribova YoxN HəY
Kesa və Morito YoxN Bəxtiyar Xanızadə Ryunosuke Akutaqava YoxN HəY
Mən və mən[1] YoxN Ceyhun Dadaşov Ceyhun Dadaşov YoxN HəY
Məlikməmməd 4 aprel 2008 Bəxtiyar Xanızadə Bəxtiyar Xanızadə
(Azərbaycan xalq nağılı əsasında)
YoxN HəY
Çərçivə 21 iyul 2009 Əflatun Abdullayev Əflatun Abdullayev YoxN HəY
Tıq-tıq xanım YoxN 26 dekabr 2010 Nargilə Qəribova Abdulla Şaiq YoxN HəY
Balaca şahzadə Qızılgül Bəxtiyar Xanızadə Antuan de Sent-Ekzüperi YoxN HəY
Unutmayaq 14 aprel 2012 Bəhruz Vaqifoğlu Bəxtiyar Xanızadə YoxN HəY
Fəlakət və insan YoxN YoxN YoxN YoxN HəY
No comment 14 iyun 2012 Bəxtiyar Xanızadə
Bəhruz Vaqifoğlu
Əflatun Abdullayev
Bəxtiyar Xanızadə YoxN YoxN
Dulusçu 5-ci Mim Bəxtiyar Xanızadə Üzeyir Hacıbəyov
Bəxtiyar Xanızadə
YoxN HəY
Manqurt Aparıcı 5 oktyabr 2013 Ceyhun Dadaşov Çingiz Aytmatov YoxN YoxN
Ora-bura[2] Kloun Nini 15 mart 2014 YoxN YoxN YoxN HəY
Son ştrix 6 dekabr 2014 Bəxtiyar Xanızadə
Bəhruz Vaqifoğlu
Bəxtiyar Xanızadə
Bəhruz Vaqifoğlu
YoxN YoxN
Hamlet 5 iyun 2015 Bəxtiyar Xanızadə Uilyam Şekspir YoxN YoxN

Filmoqrafiya[redaktə | əsas redaktə]

  1. Nigarançılıq (film, 1998) - Əli; nökər
  2. Yaşıl eynəkli adam-2 (film, 1999) - restoran işçisi
  3. Nekroloq (film, 2001) - Ruslan
  4. Salur Qazanın evi talandığı boy (film, 2001) - döyüşçü
  5. Yaşıl eynəkli adam-3 (film, 2002) - köməkçi
  6. QAZ (film, 2005) - imkanlı oğlan
  7. Kişiləri qoruyun (film, 2006) - şadlıq evinin işçisi
  8. Bəylik dərsi və ya keçmişdən gülməcələr... (film, 2007) - məzhəkəçi
  9. Cavid ömrü (film, 2007) - gənc bolşevik
  10. Kəndim+nizə qayıdın!? (film, 2007) - Maykl
  11. Günaydın, mələyim! (film, 2008) (plastik həll üzrə rejissor)
  12. Qala (film, 2008) - Seyid
  13. Ölüm növbəsi (film, 2009) - cavan oğlan
  14. Aramızda qalsın (film, 2011-2013) - Nəriman
  15. Mürafiə vəkillərinin hekayəti (film, 2011) - Bədəl
  16. Sirr (serial, 2012) - Tahir Əsədullayev
  17. Sübhün səfiri (film, 2012) - Fridrix Bodenştedt
  18. Qanun naminə (teleserial, 2013) - Mirzəağa
  19. Ata ocağı (film, 2017) (bədii serial)

Mənbə[redaktə | əsas redaktə]

  • Samirə Behbudqızı (19.05.2014 09:39). "Əməkdar artist: "Tamaşadan sonra gəlib dedi ki, nişanını qaytarır"" (azərb.). olaylar.az. İstifadə tarixi: 2014-05-20.

İstinadlar[redaktə | əsas redaktə]

  1. Ceyhun Dadaşov (28.08.2016). "Mən və Mən. Rejissor: Ceyhun Dadaşov" (azərb.). Youtube.com. İstifadə tarixi: 2016-09-02.
  2. “Ora-bura” getmələr...

Xarici keçidlər[redaktə | əsas redaktə]

Portalkino.jpg
Azərbaycan kino sənəti portalı