Qaraqan

Vikipediya, açıq ensiklopediya
(Elxan Zeynallı səhifəsindən istiqamətləndirilmişdir)
Keçid et: naviqasiya, axtar
Qaraqan
Elxan Zeynallı
Elxan Zeynallı Bakı Caz Mərkəzindəki konsertində, 2014
Elxan Zeynallı Bakı Caz Mərkəzindəki konsertində, 2014
Ümumi məlumatları
Doğum adı Elxan Aqşin oğlu Zeynallı
Ləqəbləri Qaraqan, BlackBlood, Qarğa, Dərzi
Doğum tarixi 3 aprel 1987 (1987-04-03) (29 yaş)
Bakı
Vətəndaşlıq Flag of Azerbaijan.svg Azərbaycan
Üslublar rap, hip-hop, spoken word poetry
Peşəsi Raper, yazıçı
Fəaliyyət illəri 2007 - indiyə kimi
Müкafatları İlin gənci, AYB-nin ən gənc üzvü.
Veb saytı www.qaraqanmusic.com

Qaraqan (tam adı:Elxan Aqşin oğlu Zeynallı) — Azərbaycanlı repçi, musiqiçi, yazıçı, jurnalist, filosof, Azərbaycan Yazıçılar Birliyinin üzvü, Milli Kitab mükafatı müsabiqəsinin ilk qalibi. Hal-hazırda 8 romanın müəllifidir.[1]

Həyatı[redaktə | əsas redaktə]

Elxan Zeynallı 3 aprel 1987-ci ildə Bakı şəhərində anadan olmuşdur. 7 yaşında məktəbə gedib. 2005-ci ildə Türkiyə Dəyanət Vəqfi Bakı Türk Liseyini (TDV-BTL) bitirmişdir. Həmin il Bakı Dövlət Universitetinin Jurnalistika fakültəsinə daxil olmuşdur.

Karyerası[redaktə | əsas redaktə]

2007-ci ildə yaranan H.O.S.T. qrupunun solistidir. Qrup üzvləri 2012-ci ildən etibarən solo ifa edirlər

2007-ci ilin sonlarından yazıçılıq fəaliyyətinə başlayıb. 7 romanın və maraqlı hekayələrin müəllifidir. Əsərlərində ədalət hissi təbliğ olunur. 2007-ci ildə AYB-nin ən gənc üzvü seçilir. 2007-ci ildə "A" romanı Azərbaycanda bestsellerə çevrilir. 2008-ci ildə bir müddət Amerikada yaşayır. 2008-ci ildə Azərbaycan səviyyəsində "İlin Gənci" adına layiq görülür. 2009-cu ildə Prezident təqaüdü ilə təltif olunur. 2009-cu ildə "Bir milyon dollarım olsaydı" romanı ən çox satılan kitab olur. 2010-cu ildə hərbi xidmətdə olur. Rus dilində yazdığı "Исповедъ Одного Извpaшeнцa" romanı rusdilli kütlə üçün nəzərdə tutulur. 2011-ci ildə "Qısa qapanma" adlı solo konserti baş tutur. 2011-ci ildə "Uşaq yardım" kampaniyasında iştirak edir və "Bir" trekinə klip çəkilir. 2012-ci ildə "Dəniz vağzalı"nda "Beşikdən Məzara" adlı konserti keçirilir. 2012-ci ildə Ankara və İstanbul konsertləri baş tutur. 2012-ci ildə "A" romanı ABŞ-da çap olan ilk azərbaycanlı yazıçıların kitabı olur. 2012-ci ildə fantastik-dram-faciə üslubunda yazılan "Mələk" romanı MDB ölkələrində bestsellerə çevrilir. 2013-cü ildə "Коpоткое Зaмыкaние" adı altında Moskva konserti baş tutur. 2013-сü ildə "Evakuasiya" adlı romanı maraqla qarşılanır.2013-cü ilin Noyabr ayında trilogiyanın birinci hissəsi "Birinci addım Beş anonim milyonçu" təqdim edilir.. 2014-cü ilin Dekabr ayının 27-sində yazıçının "Üç addım" trilogiyasının "İkinci addımı" çapdan çıxır. Elə həmin gün oxucuları ilə BMM-də görüşən yazıçı kitabını təqdim edir və kitabdakı mövzularla bağlı seminar keçir.Görüşdə iştirak edən 250 nəfər oxucuya imzalı kitab verilir.

Musiqi fəaliyyəti[redaktə | əsas redaktə]

Albomlar[redaktə | əsas redaktə]

Qısa Qapanma (2009)[2] [3]

  1. Öz Dünyam
  2. Mən və Sən ft Ayka
  3. Bir
  4. H.O.S.T'çu
  5. Praqa ft Ayka
  6. Metamarfoz
  7. Mənim Dərdim
  8. Sən Yoxsan (vokal:Ayka)
  9. Dost
  10. Hərb Və Sülh
  11. Qan Və Qum
  12. Dön
  13. Qısa Qapanma (vokal:Ayka)
  14. Qar
  15. Hardadır?
  16. İnsanlar
  17. Ağ Atlı Şahzadə ft Ayka
  18. Cinayət Və Cəza
  19. Sadəcə Bir Rəqs
  20. Yol ft Ayka
  21. Həqiqət Axtarışları ft AİD ft ProMete
  22. Azad Azərbaycan ft ProMete ft AİD ft Ayka


İşıq (2011)[4] [5]

  1. Qaraqan Qayıtdı!
  2. Öz Başına
  3. BlackBerry ft Səbinə Babayeva
  4. Bowling
  5. Mən İnanmıram
  6. Söndür Dünyanı
  7. Aysel ft Aysel
  8. Salam Can
  9. Shaggy (skit)
  10. Mr. Loba-Loba ft Nadir (Nağd Pul)
  11. Kağız Gəmilər
  12. İşıq
  13. Valideynlər
  14. Qadın Ətri
  15. Dekabr və Payızım
  16. Baş Rolda Özüm
  17. Sakit Okean
  18. 1, 2, 3!
  19. Sevgilimə (Hardadır? 2)
  20. Həyatın Qanunları
  21. QARAQAN'alogiya
  22. Oyuncaq
  23. Sevgi Qonaq Gəlir ft Aysel
  24. Güc Var ft Aysel (Etiraf Otağı 2)


Leykemiya (2012)[6] [7]

  1. Intro
  2. Leykemiya
  3. Əlvidalarımı Payladım
  4. Mələk
  5. Söz Qarı
  6. Aç Balaca Qanadlarını
  7. Gübrə
  8. Dua
  9. Salam Allah
  10. Get
  11. Başqa Həyatlar
  12. Bir Neçə Saatlıq
  13. Son
  14. Outro

Yazıçılıq fəaliyyəti[redaktə | əsas redaktə]

  • A (2007)
  • Bir Milyon Dollarım Olsaydı (2009)
  • Исповедь Одного Извращенца (2011)
  • A (ingilis dilində) (2012)
  • Mələk (2012)
  • Evakuasiya (2013)
  • Birinci Addım (2013)
  • İkinci Addım (2014)
  • Üçüncü Addım (2015)

Konsertlər[redaktə | əsas redaktə]

Qısa qapanma[redaktə | əsas redaktə]

27 noyabr 2010-cu il tarixində Qaraqanın solo konserti baş tutur. Bu H.O.S.T-un 2010-cu il tarixində sonuncu konserti olur.

"Mənim Qaranlığım" (Hip-Hop Musicial)[redaktə | əsas redaktə]

12 aprel 2011-ci il Azərbaycan Opera və Balet Teatrında Qaraqanın "Mənim qaranlığım" adlı konserti keçirilir. Elə həmin gün "İşıq" albomu da işıq üzü görür. Azərbaycanda ilk dəfə balet və pantomimin müşayiəti ilə keçirilən hip-hop musical konsertə müxtəlif yaş qruplarına mənsub tamaşaçılar gəlir. Tədbirin rəsmi qonaqları sırasında ABŞ-ın Azərbaycandakı səfirliyinin əməkdaşları, siyasətçilər, şou-biznes nümayəndələri olur.Tədbirin birinci hissəsini pantomima aktyoru Pərviz Məhərrəmov açır. Pantomim rəqsinin ardınca proqram Qaraqanın musiqiləri və klipləri ilə davam edir. Konsetdə, həmçinin, H.O.S.T qrupunun üzvü PRoMete, Miri Yusif və gənc şair Əli Xəyyam da çıxış edir.

Коpоткое Зaмыкaние[redaktə | əsas redaktə]

24 mart 2013-cü il tarixində QaraQanın Moskva şəhərində solo konserti baş tutur. "Moskva Hall" adlı məkanda öz həmvətənləri ilə görüşür.Daha sonra konsert proqramı QaraQanın musiqiləri ilə davam edir.

Son Renessans[redaktə | əsas redaktə]

08 noyabr 2014-cü ildə "Opera və Balet" teatrnda Qaraqanın daha bir konserti baş tutur.O 3il sonra yenidən öz dinləyiciləri ilə bu səhnədə görüşür. Bu konsert çoxlarının yaddaşına həkk olunur.Konserdə canlı musiqi,orkestr,teatral səhnələr və yeni albomdan mahnılar ilk dəfə səslənir.

SXSW musiqi festivalı[redaktə | əsas redaktə]

Müəyyən müddət ərzində Qaraqan Amerikada oldu. Səbəb SXSW Festivalındakı çıxışlar və Ştatlar üzrə konsert proqramlar olmuşdur. SXSW dünyanın ən böyük musiqi festivallarından biridir. Öz miqyası və populyarlığına görə Qərbin ən böyük musiqi festivalıdır. Bu Festival Amerikada Texas ştatının paytaxtı olan Austin şəhərində keçirilir.  Bu yalnız musiqi deyil həm də, film, start-up festivalıdır. Twitter, Foursquare kimi məşhur proqramlar ilk uğurlarını burada qazanıb. Eləcə də Katy Perri bu festivalda çıxışı ilə məşhurlaşıb. Festivalda iştirak üçün yerli və beynəlxalq 15.000-20.000 musiqi qrupu arasından yalnız 1000-1500 ifaçı seçilir. Festivalda çıxış edən məşhur rap ifaçıları arasında Eminem, 50Cent, Kanye West, Lil Wayne və digərlərinin adını çəkmək olar. "Dünyanın ən məşhur rap ifaçıları ilə eyni səhnəni bölüşmək bizim üçün çox xoş olacaq" deyən Qaraqan Austin, Houston şəhərlərində yaşayan bütün həmyerlilərimizi konsertinə dəvət etmişdir. Festivaldakı “Metamarfoza” adı altında 8 – 18 mart arası konsertlərimizdən sonra Qaraqanın Texas Universitetində tələbələrlə görüşü və kitabların təqdimatı oldu. Daha sonra Los Angeles, Hollivudda Amerika üçün yeni albom yazılışlarına start verildi.

İstinadlar[redaktə | əsas redaktə]

  1. "Qaraqan'ın kitabları"(azərb.)). qaraqanmusic.com. http://qaraqanmusic.com/#kitablar.
  2. "Qısa Qapanma (albom)"(azərb.)). youtube.com. 2009. https://www.youtube.com/playlist?list=PLYjo9wDzi6ndY4CX9u9AqgU8xbEfBWvMI.
  3. "Qısa Qapanma (albom)"(azərb.)). qaraqanmusic.com. 2009. http://qaraqanmusic.com/album/qisa_qapanma.
  4. "İşıq (albom)"(azərb.)). youtube.com. 2011. https://www.youtube.com/playlist?list=PLYjo9wDzi6ncD7UrLGAq8rpk4jPfw6kXu.
  5. "İşıq (albom)"(azərb.)). qaraqanmusic.com. 2011. http://qaraqanmusic.com/album/ishiq.
  6. "Leykemiya (albom)"(azərb.)). youtube.com. 2012. https://www.youtube.com/playlist?list=PLXxOGHeGmhifJdExTwEMOcjSEZJlxfgyZ.
  7. "Leykemiya (albom)"(azərb.)). qaraqanmusic.com. 2012. http://qaraqanmusic.com/album/leykemiya.

Həmçinin bax[redaktə | əsas redaktə]

Xarici keçidlər[redaktə | əsas redaktə]