Kanada azərbaycanlıları

Kanadada azərbaycanlıları

Ümumi sayı
275,000
Yaşadığı ərazilər
Ontario, Kvebek, Britaniya Kolumbiyası, Alberta
Dili
Azərbaycan dili,İngilis dili,Rus dili,Fars dili
Dini
İslam
Qohum xalqlar
Türk xalqları

Kanada azərbaycanlıları — tarixi Azərbaycandan kənarda yaşayan Azərbaycan diasporunun Kanadada yaşayan etnik azərbaycanlıların təşkil etdiyi hissəsinin adı. Azərbaycandan, İrandan, Şərqi Avropadan və Türkiyədən gələrək Kanadada məskunlaşmışdırlar. Azərbaycan diasporasının məlumatına görə Kanadada 275 min azərbaycanlı yaşayır, onlardan 100 mini İran azərbaycanlıları, 50 mini Kanadada anadan olmuş azərbaycanlılar, təqribən 125 mini isə başqa ölkələrdən gəlmiş azərbaycanlılardır.

Tarixi

Kanadada məskunlaşmış ilk azərbaycanlılar 1930-cu illərdən ərazidə məskunlaşmış İran azərbaycanlılarıdır. Azərbaycan mühacirlərinin ikinci dalğası isə 1950-ci illərə təsadüf edir.

İmmiqrasiyanın üçüncü dalğası soyuq müharibə dövrünə, Kanadaya çox sayda SSRİ-dən immiqrantın, o cümlədən azərbaycanlıların gəldiyi dövrə təsadüf edir. Dördüncü dalğa 1979-cu ildən sonraya, İran İslam İnqilabı baş verdiyi dövrə təsadüf edir. Bu zaman çox sayda etnik iranlılar, o cümlədən azərbaycanlılar Kanadaya mühacir etdilər. Beşinci dalğa isə SSRİ-nin dağıldıqdan sonrakı dövrə təsadüf edir.

Statistika

Ontario	2,250
Britaniya Kolumbiyası	445
Kvebek	325
Alberta	295
Yeni Şotlandiya	35
Saskaçevan	35
Nyu-Brunsvik	35
Nyufaundlend və Labrador	35

(Mənbə: Kanada 2006 rəsmi əhali sayıları)

Azərbaycan diasporasının məlumatına görə azərbaycanlılar əsasən Ontario vilayətində yaşayırlar. Bunlar əsasən İran azərbaycanlılarıdır. Azərbaycanlılar Kanadanın digər vilayətlərində də yaşayırlar.

Xarici keçidlər

• İsmayılov, Elnur. "Toronto Azərbaycan Evinin iş prinsipi və ənənəvi "paxlava" diasporu".