Korab-Koritnik Təbiət Parkı
| Korab-Koritnik Təbiət Parkı | |
|---|---|
 | |
| Sahəsi | |
| Yaradılma tarixi | 2011[2] |
| Yerləşməsi | |
| 41°47′ şm. e. 20°33′ ş. u.HGYO | |
| Ölkə | |
|
|
|
Korab-Koritnik Təbiət Parkı (alb. Parku Natyror i Korab-Koritnikut) ― Albaniyanın şərqində yerləşən təbiət parkı. Park nəsli kəsilməkdə olan heyvan və bitki növlərinin qorunmasına xidmət edən Avropa yaşıl kəmərinin bir hissəsini təşkil edir.[3] Ərazi vadilər, çaylar, buzlaq gölləri, mağaralar, kanyonlar, o cümlədən sıx iynəyarpaqlı və enliyarpaqlı meşələrdən ibarət 555.5 m² dağlıq ərazinin əhət edir.[4][5] Beynəlxalq Təbiəti Qoruma Birliyi (IUCN) parkı IV kateqoriyaya daxil etmişdir.[6]
Korab-Koritnik Təbiət Parkı şimaldan Kosovo ilə sərhəddən başlayaraq cənubda Şimali Makedoniya sərhəddindəki Deşa dağlarına qədər uzanır. Təbiət parkı Korab dağlarının və Koritnik dağının adını daşıyır. Korab zirvəsi 2,764 metr (9,068 ft) yüksəkliyi ilə həm Albaniya, həm də Şimali Makedoniyanın ən yüksək zirvəsidir. Dağ həm də Avropada birdən çox ölkə üçün ən yüksək nöqtə olan iki zirvədən biri və Avropanın ən məşhur 18-ci dağ zirvəsidir.[7][8] Zirvə paçalanmış dağ massividir və əsasən Paleozoy dövrünə aid şist və əhəng daşından və həmçinin Triasa aid ciddi şəkildə zədələnmiş gips süxurlarından ibarətdir. Dağın qərb yamacı dik qaya divarlarından, şimal yamacı isə dağınıq qayalardan ibarətdir.[9]
Təbiət parkında rütubətli, soyuq qışı və quru, isti yayı olan mülayim, rütubətli kontinental iqlim hakimdir. Böyük yüksəklik fərqi ilə əlaqədar olaraq ərazidə zəngin iqlim müxtəlifliyi, flora və faunaya rast gəlinir. Meşələr enliyarpaqlı və iynəyarpaqlı ağac növləri və müxtəlif yabani çiçək növlərindən ibarətdir. Bitki örtüyü hündürlüyə görə dəyişir: dəniz səviyyəsindən etibarən qarışıq enliyarpaqlı meşələr, 400–900 metr (1,300–3,000 ft) arasında palıd meşələri, 1,000–2,000 metr (3,300–6,600 ft) arasında isə iynəyarpaqlı və fıstıq meşələri aydın seçilir. Dağ çəmənliklərinin yamacları daha çox yarpaqlı meşələrlə örtülmüşdür. Parkda ən çox yayılmış ağac növləri ağ şam, avstriya şamı, bosniya şamı, balkan şamı və qara qızılağacdır. Şərq vələsi, tüklü palıd, makedoniya palıdı və çöl ağcaqayınının da daxil olduğu palıd meşələrinə isə daha aşağı hündürlüklərdə rast gəlmək olar.
Parkın faunası isə 37 məməli növü ilə təmsil olunur. Bölgədə qonur ayı, boz qurd, balkan vaşaqı,[10] cüyür, qaban, gəlincik, meşə dələsi və sincab kimi böyük məməlilərə rast gəlinir. Park berqut, qərb tetrası, şahin, sar, qırğı, yapalaq, ağbaş kərkəs, adi bonazi tetrası da daxil olmaqla sıx quş populyasiyalarına ev sahibliyi edən yaşayış yerlərinə sahibdir.[11]
Qalereya
[redaktə | vikimətni redaktə et]-
Korab dağları -
Korab zirvəsi -
Koritnik dağı -
Həmçinin bax
[redaktə | vikimətni redaktə et]
İstinadlar
[redaktə | vikimətni redaktə et]- ↑ World Database on Protected Areas. 1981.
- ↑ 1 2 3 4 Nationally designated areas (CDDA) (ing.).
- ↑ "RRJETI I ZONAVE TË MBROJTURA NË SHQIPËRI" (PDF). mjedisi.gov.al (Albanian). səh. 2. 2017-09-05 tarixində orijinalından (PDF) arxivləşdirilib. İstifadə tarixi: 2017-09-05.
- ↑ "Korab - Koritnik Natural Park Management Plan" (PDF). researchgate.net (English). səh. 9. 2021-03-27 tarixində arxivləşdirilib. İstifadə tarixi: 2021-03-25.
- ↑ "Vlerësimi Strategjik Mjedisor për Planin e Integruar Ndersektorial te Bregdetit" (PDF). planifikimi.gov.al (Albanian). səh. 44. 2017-10-28 tarixində orijinalından (PDF) arxivləşdirilib. İstifadə tarixi: 2017-10-27.
- ↑ IUCN, Ümumdünya Təbiəti Mühafizə Fondu, Plantlife. "Important Plant Areas of the south and east Mediterranean region" (PDF). portals.iucn.org (ingilis). səh. 75. 2019-02-01 tarixində arxivləşdirilib (PDF). İstifadə tarixi: 2021-03-25.
- ↑ "The King of the Mountains" (PDF). dmwcorg.tk (English). səh. 24. 2019-04-02 tarixində arxivləşdirilib (PDF). İstifadə tarixi: 2021-03-25.
At 2764 meters Korab peak is one of only two summits in Europe which are the highest point for more than one country.
- ↑ "EUROPE ULTRA-PROMINENCES 99 Peaks with Prominence of 1,500 meters or greater". peaklist.org (ingilis). 2019-01-09 tarixində arxivləşdirilib. İstifadə tarixi: 2021-03-25.
- ↑ "Korab - Koritnik Natural Park Management Plan" (PDF). researchgate.net (ingilis). səh. 25. 2021-03-27 tarixində arxivləşdirilib. İstifadə tarixi: 2021-03-25.
- ↑ "Balkan Lynx Conservation". fightingforhope.wordpress.com (ingilis). 9 avqust 2013. (#cite_web_url)
- ↑ "Korab - Koritnik Natural Park Management Plan" (PDF). researchgate.net (ingilis). səh. 41. 2021-03-27 tarixində arxivləşdirilib. İstifadə tarixi: 2021-03-25.