Narşərab

Vikipediya, azad ensiklopediya
Jump to navigation Jump to search
“Narşərab” qətranı

Narşərab — (azərb. nar + şərab‎) Azərbaycan mətbəxinin milli kulinariya markası hesab olunan, adından göründüyü kimi nar şirəsindən hazırlanmış[1], adətən balıq və ət yeməklərində xüsusən kababda ədviyyat kimi istifadə olunan sous ya qətran. Narşərab sayəsində yeməklər yüngül turşməzə dad verirlər. Geniş tətbiqini tapmış narşərab xüsusi qablaşdırılmış şəkildə satılır. Əlbəttə ev şəraitində hazırlanmış narşarablar öz rəng və tam xüsusiyyəti ilə daha da seçilirlər. Ev şəraitində hazırlanmış narşərablar tərkibində konservant və rəng qatışıqlarının olmaması ilə seçilirlər. Nar meyvəsinin malik olduğu keyfiyyətlər: yüksək miqdarda vitamin C, meyvə turşuları, antioksidləşdiricilər tam şəkildə narşərabda da öz əksini tapmışdır.

Tərkibi[redaktə | əsas redaktə]

Narşərabın tərkibi əsasən nar meyvəsinin tərkibi ilə eynidir. Bura 10 % limon turşusu və 45 % şəkər daxildir. Qətrana əlavə olaraq keşniş, reyhan, darçın, dəfnə yarpaqları bəzən qara və qırmızı istiot da qatılır.

Nar ağacda.JPG
Nar çiçəyi.JPG
Nar Azerbaijani.JPG
Nar: ağacı, çiçəyi və meyvəsi

Hazırlanması[redaktə | əsas redaktə]

Turş və şirinlik dərəcəsindən asılı olaraq götürülmüş (ənənvi narşərabı üçün turş nar meyvəsindən istifadə etmək lazımdır.) müvahiq növ nar təmizlənərək dənələri bir qazana yığılır. Adətən 15 kq nardan 1 litr, təxminən 1 kq nar dənələrindən isə 250-300 ml narşərabı almaq mümkündür. Qazan od üstündə vaxtaşırı qarışdırılaraq nar dənələri əzilir. Bu zaman qarışdırmaq üçün taxta qaşıqlardan istifadə edilir. Metal qaşıq istifadə edilərsə bu zaman nar turşusu metal ilə reaksiyaya girə bilər. Dənələrdən ayrılmış tumlar ağardıqda qazan addan götürüb süzülür. Süzülmüş şirə təzədən qazanda oda qoyularaq 130-150 dərəcə isidilmiş sobada bəhməz halına gələnə qədər 5 saat bişirilir. Şirənin yanmaması üçün onu vaxtaşırı qarışdırmaq lazımdır. Qətran alınan ya qatılaşana qədər (şirə 20 %-ə qədər buxarlandırılır) onu qaynadırlar və hazır olana yaxın odu söndürüb üzərinə bir qədər duz əlavə edirlər. Narşərab bişdikdən sonra soyudulub şüşə qablara boşaldılır. Uzun müddət istifadəyə yararlı olması üçün işıq düşməyən və sərin bir yerdə saxlanılmalıdır.

İstifadə[redaktə | əsas redaktə]

Food Gechresh Azerbaijan 03.jpg
Balıq ləvəngisi.jpg
Nere bastirma azerbaijani.JPG
Baliq bastirma azerbaijani.JPG
İstifadə olunan ət və balıq yeməkləri

İstinadlar[redaktə | əsas redaktə]

  1. НАРШАРАБ в кулинарном словаре  (rus.)

Xarici keçidlər[redaktə | əsas redaktə]