Nizami Rəmzi
| Nizami Rəmzi | |
|---|---|
| Nizami Rəmzi oğlu Baxşıyev | |
 | |
| Təxəllüsü | Rəmzi |
| Doğum tarixi | 20 dekabr 1947 |
| Doğum yeri | |
| Vəfatı | 19 yanvar 1997 (49 yaşında) |
| Vəfat yeri | |
| Vəfat səbəbi | yol-nəqliyyat qəzası |
| Həyat yoldaşı | Leyla və Sevda |
| Uşağı | 1 qızı var |
| Vətəndaşlığı | |
| İxtisası | orta |
| Təhsili | Ticarət texnikumu |
| Fəaliyyəti | şair və musiqiçi |
| Fəaliyyət illəri | 1988–1997 |
| Əsərlərinin dili | Azərbaycan dili |
| Janr | Folklor janrı |
Nizami Rəmzi (tam adı: Nizami Rəmzi oğlu Baxşıyev; 20 dekabr 1947, Bakı – 19 yanvar 1997, Bakı) — Azərbaycanlı meyxanaçı.
Həyatı[redaktə | əsas redaktə]
Nizami Rəmzi oğlu Baxşıyev 1947-ci il dekabırın 20-də Yasamalda anadan olub.
N.Rəmzi Bakıdakı 176, 158, və 159 saylı məktəblərdə orta təhsil almış, sonra isə 1967-ci ildə Ticarət texnikumunu birirmişdir. Əmək fəaliyyətinə sürücü kimi başlamışdır.[1]
Rəmzi 1988-ci ildə "Meyxana" folklor ansamblının yaradıcısı olub, meyxananı adi toy, el şənliklərindən böyük sənət ocaqlarına, səhnələrinə çıxarıb. İlk dəfə Müslüm Maqomayev adına Azərbaycan Dövlət Filarmoniyasında (1989) və Heydər Əliyev Sarayında meyxana janrını geniş auditoriya qarşısında nümayiş etdirib.[2]
Meyxanaçılar arasında ilk dəfə kinofilmə ("Qəzəlxan") və sənədli filmə ("Göy qurşağı") çəkilib. Xarici ölkələrə də meyxananı ilk dəfə Nizami Rəmzi çıxarmışdır. O, Türkiyə, Rusiya, Almaniya, İran, Gürcüstan, Özbəkistan və digər ölkələrdə meyxana söyləyib.[2]
Nizami Rəmzi R.Behbudov adına Dövlət Mahnı Teatrı ansambılının müşayiəti ilə lentə almış, ilk dəfə "caz-meyxana"nın təməlini qoymuşdur.[2]
Nizami Rəmzi 1997-ci ilin yanvarın 19-da Bakı şəhəri 28 May prospektində - dostu, meyxana ustası Kəbir Azəri ilə birgə yol qəzasında həlak olub.[2]
Ailəsi[redaktə | əsas redaktə]
Sevda Baxşıyeva və Leyla ilə evli olmuşdur.
Yaradıcılığı[redaktə | əsas redaktə]
Onun "Gör neçə illərdi yalan görmüşəm", "Sən nə qoymusan, nəyi axtarırsan", "Dəyirmanımızı", "Yazıldı dastanı Azərbaycanın", "Lay-lay Azərbaycan", "Biləsən Vahid", "Vəziryan", "Qarbaçov", "Xilaskarımız" adlı məşhur meyxanaları xalqımızın yaddaşında dərin izlər buraxıb. "İlahi", "Kimsəsizler kimsəsi", "Şəm onu yandıracaqdır", "Etdi İlahim", "Azərbaycanım", "Pərvanə tapılmır", "Ana", "Özü", "Darıxır", "Kərbəla Vaqiəsi" və s. qəzəllər şairin yaradıcılığının rəmzidir[1].
Filmoqrafiya[redaktə | əsas redaktə]
İstinadlar[redaktə | əsas redaktə]
- ↑ 1,0 1,1 "Nizami Rəmzi" (azərb.). qeribazeriler.ucoz.com (Çərşənbə axşamı, 2009-01-20, 22.43).
- ↑ 2,0 2,1 2,2 2,3 Jalə. "Nizami Rəmzi işığına toplaşanlar" (azərb.). LENT.AZ. news.lent.az (26.01.2013 / 17:09).
Xarici keçidlər[redaktə | əsas redaktə]
- Kulis.az. "Nizami Rəmzinin günümüzlə səsləşən məşhur meyxanası" (azərb.). kulis.az.
- Nadir Bədəlov. "Nizaminin sevdası... (Sevda Baxşıyeva həyat yoldaşı Nizami Rəmzi haqqında)" (azərb.). EL jurnalı. anspress.com (26.06.2010 15:18).
