Novruz bayatıları

Vikipediya, azad ensiklopediya
Jump to navigation Jump to search

Novruz bayatıları— bayatı xalq şerinin əski nümunəsidir. Örnəklərdə Novruz bayramı ve onun ənənələri öz əksini tapmışdır. Şərq xalqları klassik musiqisindeki 12 muğam ve altı avazatdan əlavə qeydə alınmış 24 şöbədən biri. [1]

Bayatılar[redaktə | əsas redaktə]


Ordan axan arxdımı?
Üzündə duvaxdımı?
Novruz gəlib yetişdi,
Ayrı duran vaxtdımı?!


Men aşiqəm ayazdı,
Qış dərdlidi, nasazdı,
Onu bu derdə salan
Qarşıdan gələn yazdı.


Men aşiq ahar oldu,
Seher yox, nahar oldu,
Qışın ehdini kesen
Çiçekli bahar oldu.



Bu şeirdi, qezeldi;
Solub düşen xezeldi.
Çerşenbelerin ilki
Yalançıdı, Əzeldi.

Əzizim, bülbülem men,
Boy atmış sünbülem men,
Çerşenbeler içinde
Üçüncüyem, Gülem men.

Sürü deyil, naxırdı,
Qazan dibi paxırdı.
Sonuncu çerşenbenin,
Öz adı İlaxırdı.

Güneş nurun saçıbdı,
Soyuq qorxub qaçıbdı.
Meşelerde, bağlarda
Novruzgülü açıbdı.


Deyirmanda den oldu,
Kef-damağı şen oldu,
Novruz bayramı geldi,
Gece-gündüz ten oldu.

Men aşiq xoşa geldi,
Oxudu coşa geldi.
Sevimli bahar fesli
Novruzla qoşa geldi.


İp yumağın seridi,
Teri zehmet teridi,
Havaya isti geldi,
Suyun buzu eridi.

Seslendi xoruz banı,
Açıldı sübhün danı,
İlin yaz fesli geldi,
Qızdı torpağın canı.


Gün adı Qodu oldu,
Bir adı Dodu oldu,
Novruzda çərşənbənin
Tonqalı, odu oldu.


Beldən açdım qəməni,
Suladım bağ-çəməni,
Novruzun nişanəsi
Səmənidi, səməni.


Mən aşiqəm alışar,
Zəhmət çəkər, çalışar.
Novruz günü gələndə
Küsülülər barışar.


Mən aşiqəm deyərlər,
Badam, püstə yeyərlər,
Novruz günü adamlar
Təzə paltar geyərlər.


Mən aşiqəm üzülər,
Qara gözlər süzülər,
Novruzun süfrəsinə
Yeddi nemət düzülər.


Atı çapdım cilovla,
Balıq tutdum tilovla,
Açdım Novruz süfrəsin,
Bayram keçdi plovla.


Uca dağın qaşı var,
Ətəyində daşı var.
Novruzun süfrəsində
Zəfəranlı aşı var.


Mən aşiqəm oyular,
Həm doğranar, soyular.
Novruzun süfrəsinə
Mütləq balıq qoyular.[1]


Həmçinin bax[redaktə | əsas redaktə]

Gəraylı

Qoşma

Tuyuq

İstinadlar[redaktə | əsas redaktə]

  1. 1,0 1,1 Novruz bayramı ensiklopediyası, Bakı, 2008 , "Şərq Qərb", 208 səh