Sultan Qafarzadə

Sultan Qafarzadə
Sultan Qafarzadə
Azərbaycan Kommunist Partiyası Mərkəzi Komitəsinin üçüncü katibi
	6 iyun 1946 – 5 fevral 1955
Birinci katib	Mircəfər Bağırov (1933-1953); Mir Teymur Yaqubov (1953-1954); İmam Mustafayev (1954-1959)
Azərbaycan SSR Ali Sovetinin sədri
	6 mart 1944 – 23 mart 1947
Əvvəlki	Yusif Yusifov
Sonrakı	Əziz Əliyev
Azərbaycan Kommunist Partiyası Mərkəzi Komitəsinin katibi
	3 yanvar 1941 – 5 mart 1944
Birinci katib	Mircəfər Bağırov
Azərbaycan Kommunist Partiyası Kirovabad Şəhər Komitəsinin birinci katibi
	4 dekabr 1940 – 27 mart 1941
Azərbaycan Kommunist Partiyası Bakı Şəhər Komitəsinin üçüncü katibi
	5 yanvar 1939 – 2 dekabr 1940
Birinci katib	Mircəfər Bağırov
Azərbaycan Kommunist Partiyası Oktyabr Rayon Komitəsinin birinci katibi
	Yanvar 1939 – 1940
Şəxsi məlumatlar
Doğum tarixi	1908
Doğum yeri	Bakı, Bakı quberniyası, Rusiya imperiyası;
Vəfat tarixi	1955
Vəfat yeri	Bakı, Azərbaycan SSR, SSRİ;
Partiya	Ümumittifaq Kommunist (bolşeviklər) Partiyası (1927–);
Təhsili	Sov.İKP MK yanında Ali Partiya Məktəbi[d];
Fəaliyyəti	siyasətçi
Təltifləri

Sultan Əsədulla oğlu Qafarzadə (1908, Bakı – 1955, Bakı) — Azərbaycan Kommunist Partiyası Mərkəzi Komitəsinin üçüncü katibi, Azərbaycan SSR Ali Sovetinin sədri, Azərbaycan Kommunist Partiyası Mərkəzi Komitəsinin katibi, Azərbaycan Kommunist Partiyası Kirovabad Şəhər Komitəsinin birinci katibi, Azərbaycan Kommunist Partiyası Bakı Şəhər Komitəsinin üçüncü katibi, Azərbaycan Kommunist Partiyası Oktyabr Rayon Komitəsinin birinci katibi.

Həyatı

Sultan Qafarzadə 1908-ci il tarixində Bakı şəhərində doğulmuşdur. Əmək fəaliyyətinə Pionerlər Evinin rəhbəri kimi başlamışdır.^[1]

Siyasi fəaliyyəti

Sultan Qafarzadə aktiv şəkildə Komsomolda fəaliyyət göstərmişdir. O, 1925–1931-ci illərdə Komsomol təşkilatlarında rəhbər vəzifələrdə çalışmışdır. Bakı, Şamaxı, Quba qəza komsomol komitələrində katib, Ümumittifaq Lenin Kommunist Gənclər İttifaqı Dağıstan Vilayət Komitəsinin katibi vəzifələrində çalışmışdır.^[1]

Sultan Qafarzadə 1927-ci ildən Sovet İttifaqı Kommunist Partiyasının üzvü olmuşdur.^[2]

Sultan Qafarzadə bir müddət Zaqatala MTS-nin siyasi şöbəsinin müdiri vəzifəsində çalışmışdır. Sultan Qafarzadə daha sonra Azərbaycan Kommunist Partiyası Zaqatala, Qax, Qaryagin, Kürdəmir və Xaçmaz rayon komitələrində katib, Azərbaycan Kommunist Partiyası Mərkəzi Komitəsində məsul vəzifələrdə çalışmışdır. O, 1939-cu ildən Azərbaycan Kommunist Partiyası Oktyabr Rayon Komitəsinin birinci katibi,^[2] Azərbaycan Kommunist Partiyası Bakı Şəhər Komitəsinin üçüncü katibi, 1940-cı ildən Azərbaycan Kommunist Partiyası Kirovabad Şəhər Komitəsinin birinci katibi, 1941-ci ildən Azərbaycan Kommunist Partiyası Mərkəzi Komitəsində kadrlar üzrə katib, Azərbaycan Kommunist Partiyası Mərkəzi Komitəsinin katibi, 1944-cü ildən isə Azərbaycan SSR Ali Sovetinin sədri vəzifəsində çalışmışdır.^[1]

Sultan Qafarzadə II çağırış SSRİ Ali Sovetinin deputatı olmuşdur. O, 513 nömrəli Təzəkənd seçki dairəsi üzrə III çağırış SSRİ Ali Sovetinin deputatı seçilmişdir.^[1]

Təltifləri

Sultan Qafarzadə 27 aprel 1940-cı il tarixində "Lenin" ordeni ilə təltif olunmuşdur.^[3]

İstinadlar

↑ ¹ ² ³ ⁴ Qafarzadə Sultan Əsədulla oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 84.
↑ ¹ ² "Arxivlənmiş surət". 2018-08-25 tarixində arxivləşdirilib. İstifadə tarixi: 2017-09-18.
↑ "Arxivlənmiş surət". 2022-03-02 tarixində arxivləşdirilib. İstifadə tarixi: 2022-05-17.

[:0-1] ¹ ² ³ ⁴ Qafarzadə Sultan Əsədulla oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 84.

[kb-2] ¹ ² "Arxivlənmiş surət". 2018-08-25 tarixində arxivləşdirilib. İstifadə tarixi: 2017-09-18.

[3] "Arxivlənmiş surət". 2022-03-02 tarixində arxivləşdirilib. İstifadə tarixi: 2022-05-17.

[1]

[2]

[3]