Vikipediya:Səhifə silmə kriteriyaları

Vikipediya, açıq ensiklopediya
Jump to navigation Jump to search
↱ VP:SSK
Green check.png Bu səhifə Vikipediyanın rəsmi prinsiplərindən biridir. Səhifənin məzmunu, bütün vikipediyaçılar tərəfindən eyni dərəcədə riayət edilməsi tələb olunan qaydalardan ibarətdir. Səhifədə redaktə etmədən öncə, bu dəyişikliklərin Vikipediyaçılar tərəfindən dəstəkləndiyindən əmin olun. Düzgün hesab etmədiyiniz məqam varsa məqalənin müzakirə səhifəsində bunu aydın şəkildə ifadə edin.


Qayda səsvermə nəticəsində qəbul edilmişdir.

Səhifə silmə kriteriyaları — Vikipediyada istifadəçilərin əməl etməli olduğu qaydalardan biri. Qaydalar məqalə, kateqoriya və şəkillərin silinməsi üçün tərtib olunmuşdur.

Məqalənin silinməsi təklifi

Məqaləyə {{Sil}} və ya {{Silinməyə namizəd}} şablonu əlavə etməzdən öncə onun tarixçəsinə və müzakirə səhifəsinə baxmaq vacibdir. Ola bilsin ki, məqalənin silinməsi ilə bağlı təkliflər əvvəllər də olmuşdur. Lakin ümumi razılıq nəticəsində saxlanmasına qərar verilmişdir. Tarixçə səhifəsinə baxmaqla bəzən məlum olur ki, məqalə əvvəllər Vikipediya qaydalarına uyğun hazırlanmışdır. Lakin digər istifadəçilərin redaktələri nəticəsində Vikipediya stilinə uyğun olmayan hala salınmışdır. Bu halda məqaləni normal vəziyyətə qaytarmaq mümkündür.

Əgər məqalənin silinməsi ilə əlaqədar əvvəllər heç bir təklif edilməyibsə və ya saxlanması ilə əlaqədar verilmiş arqumentlər sizə yetərli görünmürsə, məqalənin silinməsini təklif edə bilərsiniz. Məqalənin silinib və ya qalmasında tərəddüd edirsinizsə, məqalənin adını Vikipediya:Silinməyə namizəd məqalələr səhifəsinə daxil edin və viki-cəmiyyətin fikrini öyrənin.

Müzakirə edilmədən silinən məqalələr

Müzakirə edilmədən silinən məqalələr aşağıda göstərilən şərtləri ödəməlidir:

  • Reklam və spam xarakterli məqalələr;
  • Boş məqalələr (çox qısa və heç bir informasiya daşımayan məqalələr (məsələn, Filankəs - rejissor)) (Ən sadə məzmun qaydası: Məqalə başlıqdan və bu başlığı çox sadə şəkildə də olsa ifadə edən ən azı bir cümlədən ibarət olmalıdır.);
  • Vandalizm nəticəsində yaradılmış məqalələr;
  • Məqalə başlığı səhv yazılmış yönləndirilən məqalələr (məsələn, Fizuli);
  • Eyni və ya çox yaxın məzmuna malik başqa məqalənin mövcud olması;
  • Məzmunu mötəbər mənbələrlə əsaslandırılması mümkün olmayan məqalələr, o cümlədən istifadəçilərin mənbələrə əsaslanmayan özfəaliyyəti;
  • Digər dillərdə yazılmış məqalələr.

Silinməsi müzakirə tələb edən məqalələr

Silinməsi müzakirə tələb edən məqaləyə {{Silinməyə namizəd}} şablonu daxil edilir və məqalə Vikipediya:Silinməyə namizəd məqalələr səhifəsində müzakirəyə çıxarılır.

Silinməsi müzakirə tələb edən məqaləyə aiddir:

  • Məqalədə etibarlı mənbə yoxdursa;
  • Məqaləyə {{Qaralama}} şablonu daxil edilsə də, uzun müddət (6 aydan artıq) redaktə olunmursa;
  • Məqaləyə {{İş gedir}} şablonu daxil edilsə də, uzun müddət (3 aydan artıq) redaktə olunmursa;
  • Məqalədəki məlumatın ensiklopedik əhəmiyyəti şübhə altındadırsa;
  • Məqalə mübahisə və konflikt yaradırsa və digər yollarla konflikti dəf etmək mümkün deyilsə.

Az əhəmiyyətli məqalələr

Vikipediyada məqalənin əhəmiyyətlilik dərəcəsini təyin etmək çox zaman çətinlik törədir. Belə ki, məqalənin əhəmiyyətliliyi nəzəri və subyektiv anlayışdır. Lakin məqalənin əhəmiyyətli olmasını təyin etmək üçün ilk olaraq mövzu ilə əlaqədar etibarlı mənbələrin təyin edilməsidir. Məqalənin mövzusu haqqında etibarlı mənbələrdə heç bir informasiya yoxdursa, məqalə silinməlidir.

Həqiqətə uyğunluğu

Məqalənin silinməsinə səbəblərdən biri də oradakı informasiyanın həqiqətə uyğun olmamasıdır. Bu zaman məqalənin bütün informasiyası və ya mətnin çoxluğu şübhə yaradarsa, silinə bilər. Əgər məqalənin müəyyən bir hissəsindəki mətn şübhə yaradırsa, məqalənin silinməsini təklif etmək düzgün deyil. Məqalədəki informasiyanın həqiqi olması ilə bağlı şübhələrə son qoymaq üçün yeganə üsul - həmin informasiyaya etibarlı mənbələrdən istinad əlavə etməkdir (etibarlı mənbələrdən istinadlar nə qədər çox olarsa, məqalənin doğruluğuna əminlik daha çox olar).

Etibarlı mənbə ilə əsaslandırılmayan məqalə müzakirə aparılmadan Vikipediyadan silinə bilər və buna görə məqaləni silən idarəçiyə irad bildirilməsi etik deyil. Etibarlı mənbə olmayan məqaləni silən idarəçi Vikipediyanın əsas prinsiplərinə uyğun olaraq hərəkət etmiş olur.

Silinməyə namizəd olan səhifələrdə nəzərə alınmalı məqamlar

Əgər məqalədəki çatışmazlıqlar asanlıqla aradan qaldırıla bilərsə, onu müzakirəyə çıxarmayın, çalışın çatışmazlıqları özünüz aradan qaldırasınız. Məqalənin ciddi redaktəyə ehtiyacı varsa və indiki halında Vikipediya stilinə uyğun deyilsə, silinməsi təklif oluna bilər.

Çatışmazlıqlar dedikdə nəzərdə tutulur:

  1. Müəllif hüquqlarını pozan mətnin olması. Əgər məqalədəki mətnin bir hissəsi plagiatdırsa, onu özünüz də silə biləsiniz. Lakin mətnin plagiat olması sübut olunmalıdır.
  2. Əgər məqalə Vikipediya qaydalarına uyğun olaraq strukturlaşdırılmayıbsa, yəni, başlıqlara ayrılmayıbsa, bu məqalənin silinməsi üçün ciddi arqument ola bilməz.
  3. Məqalədəki informasiya eyni mövzulu digər məqalədəki informasiyanın davamıdırsa və ya müəyyən məqamlar təkrarlanırsa, bu məqalələri birləşdirən şablondan istifadə edin: {{Təkrarlanan məqalə}}
  • "Silinməyə namizəd səhifələr" səhifəsinə bir gündə maksimum 3 məqalənin silinməsi ilə bağlı təklif vermək olar. 3-dən artıq məqalənin silinməsi haqqında təklif yalnız eyni tipli məqalələr haqqında ümumi qərar qəbul edildikdə mümkündür.
  • "Silinməyə namizəd səhifələr" səhifəsinə yalnız qeydiyyatdan keçmiş istifadəçilər məqalənin silinməsi ilə bağlı təklif edə bilər. İP ilə yalnız müzakirələrdə iştirak etmək olar. İP ilə səsvermə nəzərə alınmayacaq.

Məqalənin silinməyə namizəd olan məqalələr siyahısından çıxarılması

Məqalə silinməyə namizəd olan məqalələr siyahısından çıxarıla bilər:

  • Məqalə ensiklopedik əhəmiyyət daşıyırsa və Vikipediya stilinə uyğundursa;
  • Məqalənin silinməsi kukla və ya yeni qeydiyyatdan keçmiş (500 redaktədən az redaktə etmiş) istifadəçi tərəfindən təklif olunursa;
  • Silinməsi üçün səbəb göstərilməyibsə;
  • Məqalə "Silinməyə namizəd məqalələr" səhifəsində artıq müzakirəyə çıxarılıbsa və qalması haqqında qərar verilibsə.

İstifadəçi yuxarıda göstərilən qaydalara məhəl qoymadan məqaləni silinməyə namizəd verirsə, əvvəlcə xəbərdarlıq edilir. Xəbərdarlığa məhəl qoymayan istifadəçi müəyyən müddətə bloklanır.