Yaşar Zeynalov

Vikipediya, azad ensiklopediya
Naviqasiyaya keçin Axtarışa keçin
Yaşar Zeynalov
Doğum tarixi (63 yaş)
Doğum yeri Bakı
Milliyyəti azərbaycanlı[1]
Vətəndaşlığı Türkiyə Türkiyə
Fəaliyyəti rəssam
Mükafatları "Azərbaycan Respublikasının əməkdar rəssamı" fəxri adı

Yaşar Zeynalov (5 aprel 1960, Bakı) — Azərbaycan Rəssamlar İttifaqının üzvü, Azərbaycan Respublikasının əməkdar rəssamı.

Həyatı[redaktə | mənbəni redaktə et]

Yaşar Zeynalov 5 aprel 1960-cı ildə Bakı şəhərində anadan olmuşdur. Rəsimə 1975–1979-cu illər arasında Bakıda Əzim Əzimzadə adına Azərbaycan Dövlət Rəssamlıq Məktəbində başlamışdır. 1979-cu ildə bu məktəbin məzunu olaraq, 1979–1985-ci illər arasında təhsilinə İ. Y. Muxina adına Sankt-Peterburq Rəssamlıq Akademiyasında davam etmişdir.

Fəaliyyəti[redaktə | mənbəni redaktə et]

1987-ci ildə Azərbaycan Rəssamlıq Akademiyasında müəllim işləməyə başlamış və 1994-cü ilə qədər bu vəzifəni davam etdirmişdir.

Yaşar Zeynalov 40-dan çox cizgi filmində rəssam kimi çalışmış və 500-dən çox kitab üçün illüstrasiyalar üzərində işləmişdir.

Rəssam Yaşar Zeynalovun əsərləri Bakı, Moskva, Sankt-Peterburq, Riqa, Tallin, Tbilisi, Minsk, Kiyev, Berlin, İstanbul, Ankaraİzmirdə 4 fərdi və 50-dən çox qrup sərgisində sənətsevərlərə təqdim edilmişdir. Sənətçinin şəkilləri Azərbaycan, Türkiyə, Rusiya, Almaniya, Amerika, Hollandiya, Avstriya, İngiltərə, Yaponiya, Səudiyyə Ərəbistanıİraqda bir çox böyük kolleksiyalarda yer almaqdadır.

2005–2008-ci illəri arasında İstanbul Böyükşəhər Bələdiyyəsinin Topkapı Mədəniyyət Parkında yerləşən "Panorama 1453 Tarix Muzeyi" nin inşasında Baş Rəssam vəzifəsində çalışmışdır.

2012-ci ildə Harbiye Hərbi Muzeyi üçün "Mohaç döyüşü" dioramını;

2016-cı ildə Konyada "Zindankale" dioramasını;

2017-ci ildə Konya İslam Mədəniyyət Mərkəzində "Konyanüma" panoramasını;

2018-ci ildə "Bursa 1326" panoramasını;

2018-ci ildə "Manisa Mesir Macunu Festivalı" nın dioramasını hazırladı.[2]

1989-cu ildən Gənc Rəssamlar İttifaqının və 2005-ci ildən Azərbaycan Rəssamlar İttifaqının üzvüdür.

Yaşar Zeynalov hal-hazırda İstanbulda yaşayır və "Panorama 1915" -Çanaqqala döyüşü[3] Panorama Muzeyi və Etimesqut bələdiyyəsinin "Türk Tarixi Parkı" üçün "Ərgənəqon dastanı", "Malazgird döyüşü", "İstanbulun fəthi", "Sakarya döyüşü" dioramalarının qurulması davam etməkdədir.[4]

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. Painter Yaşar Zeynalov
  2. "Mesir macunu tarihinin yaşatıldığı müze". 2022-09-23 tarixində arxivləşdirilib. İstifadə tarixi: 2020-04-26.
  3. ‘Çanakkale Zaferi’ Çanakkale 1915 Panoramik Müzesi
  4. "Panorama 1453". 2022-08-22 tarixində arxivləşdirilib. İstifadə tarixi: 2020-04-26.