Yaşar Gülər

Yaşar Gülər
türk. Yaşar Güler
Türkiyə Cümhuriyyətinin milli müdafiə naziri
Vəzifədədir
3 iyun 2023-cü ildən
Əvvəlki	Hulusi Akar
Türkiyə Respublikası Silahlı Qüvvələri Baş Qərargahı 30-cu rəisi
10 iyul 2018 – 3 iyun 2023
Əvvəlki	Hulusi Akar
Türk Silahlı Qüvvələri Quru Qoşunları Komandanı
23 avqust 2017 – 10 iyul 2018
Türkiyə Respublikası Jandarma Qüvvələri komandanı
28 iyul 2016 – 21 avqust 2017
Türkiyə Respublikası Silahlı Qüvvələri Baş Qərargahı II rəisi
30 avqust 2013 – 28 iyul 2016
Əvvəlki	Hulusi Akar
Sonrakı	Ümid Dündar
Şəxsi məlumatlar
Doğum tarixi	18 sentyabr 1954(1954-09-18) (70 yaş)
Doğum yeri	Ərdəhan, Ərdəhan ili, Türkiyə
Təhsili	Quləli Hərbi Liseyi[d], Türkiyə Quru Qoşunları məktəbi, MEBS Məktəbi və Təhsil Mərkəzi[d]
Fəaliyyəti	əsgər
Hərbi xidmət
Qoşun növü	Türkiyə Quru Qoşunları
Rütbəsi	Dörd ulduzlu general
Təltifləri	Türkiyə Silahlı Qüvvətləri Şərəf Medalı Türk Silahlı Qüvvələrinin Üstün Cəsarət və İgidlik Medalı Türk Silahlı Qüvvələrinin Fərqli Xidmət Medalı
Vikianbarda əlaqəli mediafayllar

Yaşar Gülər (18 sentyabr 1954, Ərdəhan) — Türkiyənin milli müdafiə naziri, Türkiyə Silahlı Qüvvələrinin generalı, Türkiyə Respublikası Silahlı Qüvvələri Baş Qərargahının 30-cu rəisi (2018–2023).

Həyatı

Yaşar Gülər 1954-cü il yanvarın 1-də Ərdahanda anadan olub. 1972-ci ildə Türkiyə Quru Qoşunları Hərbi Məktəbində təhsil almağa başlayıb. 1974-cü ildə akademiyanı bitirərək hərbi karyerasını qurmağa yönəlib. İlk olaraq, Türkiyə Quru Qoşunlarında xidmətə daxil olub. Yaşar Gülər 10 il ərzində müxtəlif piyada və rabitə birliklərində xidmət etmiş, sonra onlardan birinin komandirliyinə yüksəlmişdir. 1986-cı ildə o, Türkiyənin Hərbi Ordu Kollecini fərqlənmə diplomu ilə bitirərək heyət zabiti rütbəsini aldı.

General rütbəsində

Yaşar Gülər 2001-ci ildə briqada generalı, 10-cu Piyada Briqadasının komandanı, həmçinin Baş Qərargahın Planlaşdırma və Koordinasiya şöbəsinin rəisi vəzifəsinə yüksəlmişdir. 2005-ci ildə diviziya generalı rütbəsinə layiq görülmüşdür. Yaşar Gülərhəmən il Baş Qərargahda xidmət etməyə başlamışdır. O, həmçinin Baş Qərargahda xidmətlə yanaşı, Ankaradakı Türk Silahlı Qüvvələrinin Rabitə və Elektron İnformasiya Sistemləri Məktəbinə də rəhbərlik etmişdir. 2009-cu ildə 2-ci ildən çox general-leytenant rütbəsi ilə xidmət etdiyi 4-cü Ordu Korpusunun komandanı təyin edildi. 2011–2013-cü illərdə silahlı qüvvələrin kəşfiyyat rəisi, daha sonra 2013-cü ildə Baş Qərargah rəisinin müavini oldu.

2016–2017-ci illərdə general rütbəsinə yüksəldi. Yaşar Gülər 2016-cı il iyulun 26-da Türkiyə Jandarma qüvvələrinin komandanı təyin edildi. 2017–2018-ci illərdə quru qoşunları komandanı vəzifəsini icra etmişdir. Türkiyə prezident Rəcəb Tayyib Ərdoğan tərəfindən 10 iyul 2018-ci il tarixdə Milli Müdafiə Naziri vəzifəsinə təyin olunan Hulusi Akarın yerinə Silahlı Qüvvələrin Baş Qərargah rəisi təyin edildi.

Hərbi çevriliş cəhdi

15 iyul 2016-cı il dövlət çevrilişinə cəhd gecəsi Baş Qərargaha daxil olan qiyamçı hərbçilər idarədə olan Baş qərargah rəisi Hulusi Akar, Quru Qoşunları komandiri Salih Zeki Çolak, Hava Qüvvələri komandiri Abidin Ünal ve Jandarma Baş komandiri Galip Mendi ilə yanaşı Yaşar Güləri də girov götürdülər. Onlar Gülərin əllərini arxasına bağlayaraq, gözlərini örtmək məqsədilə başına torba keçirdilər. Adyutant Mehmed Akkurt da qiyamçı əsgərlər arasında idi. Gülər, Akkurtun ona istehza ilə "Komandir, narahat olma, bu bir təlimdir" deməsini xatırlayır. Daha sonra general Yaşar Gülər vertolyotla zorla Akıncı Hava Bazasına aparılmışdı.

Şəxsi həyatı

Yaşar Gülər əslən Bayburtdandır. Demet Güler ilə evlidir və bir övladı, iki nəvəsi var. İngilis dilində sərbəst danışır.