Kənan Evrən

Kənan Evrən
türk. Kenan Evren
Türkiyə Respublikasının 7-ci prezidenti 7 noyabr 1982 — 9 noyabr 1989 faktiki 12 sentyabr 1980-dən
Sələfi	Fəxri Qorutürk
Xələfi	Turqut Özal
Türkiyənin 17-ci Baş Qərargah rəisi 7 mart 1978 — 1 iyul 1983
Sələfi	Semih Sancar
Xələfi	Nurəddin Ersin
Doğum tarixi	17 iyul 1917(1917-07-17)
Doğum yeri	Alaşəhər, Manisa, Osmanlı İmperiyası
Vəfat tarixi	9 may 2015 (97 yaşında)
Vəfat yeri	Türkiyə, Ankara
Dəfn yeri	Türkiyə Dövlət məzarlığı
Həyat yoldaşı	Səkinə Evrən (ev. 1944-1982, vəfat edib)
Uşaqları	qızları: Şenay, Gülay, Miray
Rütbəsi	General
Kənan Evrən Vikianbarda

Əhməd Kənan Evrən (türk. Ahmet Kenan Evren; d. 17 iyul 1917 - ö. 9 may 2015) — Türkiyə Respublikasının 7-ci prezidenti və 17-ci Baş Qərargah rəisi, Osmanlı İmperiyasında doğulmuş sonuncu prezident. O, 1980-ci il 12 sentyabr hərbi çevrilişi yolu ilə hakimiyyətə gəlmiş, 1982-ci ildə yeni konstitusiyanın qəbul edilməsindən sonra rəsmi olaraq prezident seçilmişdir.

Həyatı

Kənan Evrən 1917-ci ildə Manisanın Alaşəhər bölgəsində anadan olub.

Atası Xeyrulla bəy, anası Naciyə xanımdır. İbtidai və orta təhsilini Alaşəhər, Manisa, Balıkəsir və İstanbulda almış, Maltəpə Hərbi Litseyindən məzun olmuşdur.

1946-cı ildə Quru Qoşunları Akademiyasına daxil olmuş, 1949-cu ildə oranı bitirmişdir.

30 avqust 1964 tarixində general, 30 avqust 1974 tarixində isə Ordu generalı rütbələrinə layiq görülmüşdür.

7 mart 1978-ci ildə Türkiyə Silahlı Qüvvələrinin baş qərargah rəisi olmuşdur. Türk Silahlı Qüvvələrinin 12 sentyabr 1980-ci ildə hakimiyyətə əl qoymasında sonra Milli Təhlükəsizlik şurası rəhbəri və dövlət başçısı vəzifələrində olmuşdur.

7 noyabr 1982-ci il tarixində referendum yolu ilə həm konstitusiya qəbul edilmiş, həm də prezident seçilmişdir. İngilicə bilir. Evli və üç övlad atası idi.

9 may 2015-ci ildə vəfat etmişdir.