Yusifbəyli

Vikipediya, açıq ensiklopediya
Keçid et: naviqasiya, axtar
Kənd
YUSİFBƏYLİ
A-Qubadli.PNG
Qubadlı rayonu
Ölkə Azərbaycan
Region Zəngəzur
Rayon Qubadlı rayonu
Koordinatlar 39°19′01″ şm. e. 46°42′07″ ş. u. / 39.31694° şm. e. 46.70194° ş. u. / 39.31694; 46.70194Koordinatlar: 39°19′01″ şm. e. 46°42′07″ ş. u. / 39.31694° şm. e. 46.70194° ş. u. / 39.31694; 46.70194
Saat qurşağı UTC+04:00
Xəritəni aç/bağla
Yusifbəyli (Azərbaycan)
Red pog.png

YusifbəyliAzərbaycan Respublikasının Qubadlı rayonunun inzibati ərazi vahidində kənd.

Coğrafi Yeri[redaktə | əsas redaktə]

Yusifbəyli kəndi Qubadlı rayon mərkəzindən 23 km cənub-şərqdə yerləşir. Dəniz səviyyəsindən 730 metr yüksəklikdə yerləşir. Həkəri çayının sol sahilində İncə düzündə yerləşir. Ərazisindən Laçın - Həkəri şose yolu keçir. Həkəri dəmir yolu stansiyası ilə arasındakı məsafə 24 km-dir. Kənd şimaldan Əfəndilər , cənubdan Həmzəli, şərqdən Cəbrayıl rayonunun Dağtumas kəndi və qərbdən Yuxarı Mollu kəndi ilə həmsərhəddir.

Toponimikası[redaktə | əsas redaktə]

Yusifbəyli oyk., diiz. Qubadlı r-nunun Həmzəli i.ə.v.-də kənd. Həkəri çayının sahilində, İncə düzündədir. Yerli tələffüzdə Usubbəyli kimi işlənir. Kənd vaxtilə Yusif-bəy adlı şəxs tərəfindən salındığına görə onun adım daşıyır.[1]

Tarixi[redaktə | əsas redaktə]

Kənd Hacı Cəbrayıl bəyin babası Yusif bəyin adına salınıb. Əhalisi, əsasən, Yusif bəyin törəməsi olduğu üçün kənd Yusifbəyli adlandırılıb. Yerli tələffüzdə Usubbəyli kimi işlənir[2]. Kənd XVIII əsrdə salınıb. Yusifbəyli kəndi ərazisində Söyüdlü bağ, Ərikli bağ, Kəhriz, Ayazgörməz, Mirzə dərəsi, Quyu dərəsi, Maşın Yolu dərəsi, Araba yolu, Keçisaqqalı dərəsi, Sarılıq, Dəyirman dərəsi, Kələyin düzü, Dingin qabağı, Yastı təpə, Dəlləklər, Gəyən düzü, Xəlil bəy bağı, Dəyirman arxı, İncə bulağı, Dəvəaynağı, Məcid yurdu, Yusif yurdu, Yoncalıq, Muxtar bulağı, Qazax Qənbər talası, Hacı Cəbrayıl yurdu, İncə kəhrizi kimi yer adları mövcuddur[3]. Yusifbəyli kəndinin mərkəzində XVIII əsrə aid məscid vardır[4]. Çələbi ocağı Hacı Qaraman, Orta əsr qəbiristanlığı, Dəvə oynağı, Üngür, Ovuq ya da Dağ koğuşları (ərəbcə: mağara, kaha - tarixi IV əsrə qədər çatır. Onlar insan yaşayış məskənləri olmuşlar.) kəndin tarixiliyinin göstəriciləridir.

Kəndin Tanınmışları[redaktə | əsas redaktə]

  • Maral Çələbi (Hacı Qaraman Çələbi nəslindən, rəhmətə gedib)
  • Məhyəddin Çələbi
  • Bahyəddin Çələbi
  • Musa Çələbi
  • Məmməd Hacıyev Qiyasəddin oğlu - (2-ci dünya müharibəsi veteranı, rəhmətə gedib)
  • Sahib Hacıyev Məmməd oğlu - (1993-cü ildə Qubadlı rayon maarif müdiri)
  • Zaman Hacıyev Məmməd oğlu - (Riyaziyyat müəllimi)
  • Mehdi Hacıyev Məmməd oğlu - (Polkovnik - leytenant, Qarabağ müharibəsi iştirakçısı)
  • Qurban Hacıyev Hümbət oğlu[5] - 2-ci dünya müharibəsi “Qırmızı Bayraq” ordenli (rəhmətə gedib).

İşğal Tarixi[redaktə | əsas redaktə]

1993-ci ildə Ermənistan Respublikası Silahlı Qüvvələri tərəfindən işğal edilib. Qubadlı rayonu işğal olunarkən Yusifbəyli kəndində girov götürülmüş 1932-ci il təvəllüdlü Dostuyev Həsən Qənbər oğlu ilə aparılmış söhbətlə əlaqədar yazılmış 10.01.1995-ci il tarixli arayışda göstərildiyinə görə, ermənilər onu girov götürüb "KAMAZ" maşınına mindirmiş, həmin maşınla kəndi gəzib gözəgəlimli evləri yandırmışlar. Daha sonra Həmzəli kəndində gəzərək salamat binaları yandırmışlar[6].

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  2. Azərbaycan toponimlərinin ensiklopedik lüğəti. 2-ci cild, Yusifbəyli. Səh.288
  3. Çingiz Salmanov, QUBADLININ YER-YURD ADLARI (Mononimləri), Yusifbəyli kəndi səh.117, Sumqayıt - 2015
  4. Qubadlı rayonu, http://www.armenianvandalism.az/az_gubadly.html
  5. Qubadlı rayon İcra Hakimiyyətinin rəsmi internet səhifəsi. Qubadlı rayonunun TARİXİ, http://www.qubadli-ih.gov.az/page/11.html
  6. Azərbaycan Respublikası Xarici İşlər Nazirliyi rəsmi internet səhifəsi, Vandalizm aktları http://mfa.gov.az/content/834