Göyərcik

Vikipediya, azad ensiklopediya
Jump to navigation Jump to search
Göyərcik
39°23′53″ şm. e. 46°29′00″ ş. u.
Ölkə  Azərbaycan
Rayon Qubadlı rayonu
Tarixi və coğrafiyası
Saat qurşağı
Göyərcik xəritədə

GöyərcikAzərbaycan Respublikasının Qubadlı rayonunun Göyərcik kənd inzibati ərazi dairəsində kənd.[1]

Tarixi[redaktə | mənbəni redaktə et]

1993-ci ildə Ermənistan Respublikası Silahlı Qüvvələri tərəfindən işğal edilib.

Kəndin dəqiq tarixi məlum deyildir. Kənd ətrafında tapılmış köhnə və uçub dağılmış tikinti qalıqları bu yaşayiş məntəqəsinin daha qədimlərə aid olduğunu göstərir. Göyərcik adı güman ki, bu məntəqəyə çox sonralar verilmişdir. Göyərcik adı köhnəlmiş söz kimi və ya o dövrün insanlarının yaşıllaşmış, yaşıllıq və s. kimi sözləri göyərmiş, göylük və s. kimi işlətməsini nəzərə alsaq bu yerin yaşıllıq və ya yaşıl vadi kimi mənalarını başa düşmək olar. Bu da ondan irəli gəlir ki, kəndin içərisindən axan bulaq və ətrafının yaşıllığa bürünməsi kəndə eycəskar gözəllik verir və buranın insan məskunlaşması üçün əlverişli bir məkan olduğundan xəbər verir.

Toponimikası[redaktə | mənbəni redaktə et]

Göyərcik kəndi Bərgüşad silsiləsinin yamacındadır. Yaşayış məntəqəsini XIX əsrin ortalarında qonşu Qiyaslı kəndindən köçüb gəlmiş ailələr salmışlar. Tədqiqatçıların bir qismi oykonimi "göylük, otluq, yaşıllıq" mənası ilə, digər qismi kürd dilindəki kuvər (arxac) sözü ilə, üçüncü qismi isə türkdilli kuvərçi/kuərçi tayfa adı ilə əlaqələndirir.[2]

Mədəniyyəti[redaktə | mənbəni redaktə et]

Kənddə bir mədəniyyət evi və bir orta məktəb var idi.

Tarixi abidələri[redaktə | mənbəni redaktə et]

Bu bölgənin tarixi çox qədimlərə aiddir. Kəndin ətrafından aşkarlanmış qədim yaşayiş məntəqələri buna əyani sübutdur.

Coğrafiyası[redaktə | mənbəni redaktə et]

Coğrafi baxımdan bu bölgə dağ və dağətəyi ərazilərdən ibarətdir. Kiçik Qafqaz dağ silsiləsinə aiddir. Kənd ərazi baxımından o qədər də böyk olmasa da florafaunası çox zəngindir. Flora etibarı ilə burada irili-xırdalı təqribən 63 növdə ağac bitir. Bunlardan Palıd, Vələs (Ulas), Dəmirqara, Qaragilə (Yemişan), Quşarmudu, Alma (yabanı), Armud (yabanı), Fındıq (yabanı), Qoz (yabanı), Zoğal, Zirzoğal, İtburnu, Tut, Üzüm (yabanı), Alça, Gərməşav, Dağdağan, Dovşan alması, Ağcaqayın, Vən, Qaraağac, Qozqara, Zirinc, Topulqa, Saqqız ağacı, Söyüd, İydə, Daşarmudu, Çağala, Mərmərik, Gəvən kolu, Ardıc, Ayıgılası və s. Fauna etibarı ilə bu bölgədə Ayı, Canavar, Çaqqal, Tülkü, Çöl pişiyi, Vaşaq, Cüyür, Dovşan, Porsuq, Qaban, Dağ keçisi, Kirpi, Oxlu kirpi, Sincab, Dələ, Sümbülqran, Kəklik, Bildirçin, Qartal, Çalağan, Şahin, Qaratoyuq, Bülbül, Torağay, və s.

Təbii sərvətləri[redaktə | mənbəni redaktə et]

Əhəng daşı, Əqiq çıxarılırdı.

İqlimi[redaktə | mənbəni redaktə et]

Kəndin iqlimini dəyişkən mülayim iqlim tipinə aid etmək olar.

Əhalisi[redaktə | mənbəni redaktə et]

Kənddə yaşayiş məntəqəsi kimi təqribən 23 ev (təsərrüfat) mövcud idi.

İqtisadiyyatı[redaktə | mənbəni redaktə et]

Kənd əhalisi taxılçılıq və heyvandarlıqla məşğul idi.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı" (PDF) (az.). stat.gov.az. 2019. 2020-04-16 tarixində arxivləşdirilib (PDF). İstifadə tarixi: 2020-04-16.
  2. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427

Xarici keçidlər[redaktə | mənbəni redaktə et]