İmamzadə türbəsi (Nehrəm)
| İmamzadə türbəsi Nehrəmdə | ||
| Abidə haqqında məlumat | ||
|---|---|---|
| Orijinal adı: | İmamzadə türbəsi | |
| Tikili: | Türbə son dövrlərdə yenidən bərpa edilib | |
| Ölkə: |  Azərbaycan |
|
| Şəhər: | Babək | |
| Bölgə: | Naxçıvan Muxtar Respublikası | |
| Kənd: | Nehrəm | |
| Tikintisi haqqında məlumat | ||
| Tamamlanıb: | XVIII əsr | |
| Memarlıq üslubu: | Naxçıvan memarlıq məktəbi | |
| Digər məlumatlar | ||
| Vəziyyəti: | İlkin görünüşündə günümüzə çatıb | |
İmamzadə türbəsi — Babək rayonunun Nehrəm kəndində XVIII əsrə aid memarlıq abidəsi.
Türbə bir çox dəyişikliklərdən, təmir və bərpa işlərindən sonra dövrümüzədək qalmışdır. Planının kvadrat formasında olması, divarlarındakı oyuqlar və mərkəzi otağın günbəzlə örtülməsi abidənin ilk məscid tiplərinə aidliyini göstərir. İndi də dəfn mərasimləri keçirilən qəbiristanlığın mərkəzində yerləşən Nehrəm İmamzadəsi türbəsi məscid, təkyə və s. yardımçı binalardan ibarət böyük kompleksdir. Kompleksin özəyini təşkil edən türbənin içərisində ziyarət obyekti olan bir qəbir var. Qəbrin üstü sənduqə formasında olub gəclə örtülmüş, üzərinə qara örtük salınmışdır. Zəvvarlar qəbri ziyarət edir, nəzir verir, qurban kəsirlər. Qəbrin üzərində onun kimə aid olmasını bildirən kitabə yoxdur. Əhali arasında yayılan rəvayətə görə qəbirdə şiələrin yeddinci imamı Museyi-Kazımın oğlu Seyid Əqil dəfn olunmuşdur. Türbənin daxilində, divarlarda, mehrabın cənub, baş və sağ tərəfində günbəzvari çərçivələrdə dini xarakterli kəlamlar verilir və türbə daxilindəki xəttatlıq işlərinin Mehdi adlı sənətkara məxsus olduğu göstərilir. Kompleks ətraflı tədqiq edilməmişdir.
[redaktə] Həmçinin bax
Bu məqalənin azərbaycan dili əlifbasının ərəb qrafikası ilə qarşılığı vardır. Bax: نهرم ایمامزاده توربه سی
