Darkənd türbəsi

Darkənd türbəsi
Abidə haqqında məlumat
Orijinal adı:	Darkənd türbəsi
Ölkə:	Azərbaycan
Şəhər:	Ordubad
Bölgə:	Naxçıvan Muxtar Respublikası
Kənd:	Darkənd kəndi
Tikintisi haqqında məlumat
Tamamlanıb:	XIV-XV əsrlər
Memarı:	?
Memarlıq üslubu:	Naxçıvan memarlıq məktəbi
Digər məlumatlar
Vəziyyəti:	Xarabalıqları qalıb

Darkənd türbəsi — Naxçıvan Muxtar Respublikasının Ordubad rayonunun Darkənd kəndində yerləşən türbə.

Türbə kompozisiyası və dekorativ elementləri ilə fərqlənir. Darkənd türbəsi kərpicdən hörülmüş, orta hissəsi bürcvarı türbələr biçimində olub, yuxarı hissədən günbəzlə tamamlanır. Türbənin üzərindəki tünd-bənövşəyi rəngli kaşı və adi bişmiş kərpicdən hörülmüş sadə naxışlar yeganə bəzək elementidir. Üzərində kitabə olmadığından türbənin tarixini dəqiq müəyyənləşdirmək mümkün deyildir. Lakin kompozisiya quruluşu, üzərindəki kaşı bəzəklərinin rəngi abidənin Qarabağlar və Bərdə türbələrindən daha sonra tikildiyi ehtimalını irəli sürməyə imkan verir. Bu ehtimala əsasən Darkənd türbəsinin XIV əsrin axırlarında və ya XV əsrin əvvəllərində inşa edildiyi güman olunur.

Bu məqalənin azərbaycan dili əlifbasının ərəb qrafikası ilə qarşılığı vardır. Bax: دارکند توربه سی