Həzrə türbələr kompleksi
Vikipediya, açıq ensiklopediya
| Həzrə türbələr kompleksi | ||
 |
||
| Abidə haqqında məlumat | ||
|---|---|---|
| Orijinal adı: | Həzrə türbələri | |
| Tikili: | Kompleksə dörd türbə daxildir | |
| Ölkə: |  Azərbaycan |
|
| Şəhər: | Qəbələ | |
| Kənd: | Həzrə | |
| Tikintisi haqqında məlumat | ||
| Başlanıb: | XV əsr | |
| Tamamlanıb: | XVI əsr | |
| Memarlıq üslubu: | Şirvan-Abşeron memarlıq məktəbi | |
| Digər məlumatlar | ||
| Vəziyyəti: | İlkin görünüşündə günümüzə çatıb | |
Qəbələ rayonunun Həzrə kəndində, meşə içərisindəki sahəsi 3,5 hektara yaxın, orta əsr qəbristanında tariximiz üçün çox maraqlı olan abidələr qalmaqdadır. Bu abidələr Şirvan-Abşeron memarlıq məktəbinə aid türbələrdən və sənduqələrdən ibarətdir. Türbələrin portallarında və sənduqələrin üzərində nəfis işlənmiş kitabələr həkk olunmuşdur. Qəbristanda dörd türbə vardır:
- 1. Şeyx Bahəddin türbəsi (1446-cı il);
- 2. Şeyx Mənsur türbəsi (XVI əsr);
- 3. Şeyx Məhəmməd türbəsi (XV əsr);
- 4. Türbə (XVI əsr).
Qəbristandakı sənduqələr də diqqəti cəlb edir. Həkkak və xəttatlar ərəb əlifbasının xüsusiyyətlərindən istifadə edərək sənduqə və başdaşlarına vurduqları naxışlarla yanaşı abidələrin bəzəyində haşiyə, qaytan və cürbəcür xalçalar şəklində kitabə motivləri də işlətmişlər.
