2008 Yay Olimpiya Oyunları
XXIX Yay Olimpiya Oyunları |
|
| Şəhər | Pekin,  Çin |
| İştirakçı ölkələr | 204 |
| İştirak edən idmançılar | 11 028 |
| Medalların sayı | 28 idman növü üzrə 302 komlekt |
| Keçirilmə tarixi | 8 - 24 avqust 2008 |
| Açılışı edən | Hu Çzintao |
XXIX Olimpiya Oyunları və ya 2008 Yay Olimpiya Oyunları (ing. 2008 Summer Olympics, fr. Jeux Olympiques d'été de 2008, çin. 2008年夏季奥林匹克运动会) - 8-24 avqust 2008-ci il tarixlərində Çinin paytaxtı Pekin şəhərində keçirilmişdir. Bu şəhərdə keçirilməsi barədə qərar Beynəlxalq Olimpiya Komitəsinin 13 iyul 2001-ci ildə Moskvada toplanan 112-ci sessiyasında verilmişdi. Keçirilmiş səsvermənin nəticəsinə əsasən Çin paytaxtı Toronto, Paris, İstanbul və Osakanı qabaqlamışdı.
Pekinlə yanaşı bəzi oyun növləri üzrə yarışlar Honkonq, Tyançzin, Çzindao, Çzinhuandao, Şanxay və Şenyan şəhərlərində keçirilmişdir.
Oyunların açılış mərasimi Çin standart vaxtına görə 08.08.08-ci il tarixində saat 08:08:08-də Pekin milli stadionunda baş tutdu. 28 idman növü üzrə keçirilən 302 yarışda 204 ölkədən 11 000-dən artıq atlet iştirak edirdi. Çernoqoriya, Marşall adaları və Tuvalu komandaları ilk dəfə bu Olimpiya oyunlarında debüt etmişdilər.
Mündəricat |
[redaktə] Rəmzləri
[redaktə] Emblemi
Oyunların Təşkilat komitəsi 2003-cü ilin martında Çin Olimpiya Komitəsinə 1985-ci ildən bəri göndərilən eskizlər arasından 30 layihəni seçərək Beynəlxalq Olimpiya Komitəsinə göndərdi. Həmin layihələr arasından seçilən emblemin tanıtımı 3 avqust 2003-cü ildə Pekindəki Səma məbədində keçirildi. Bu emblem "Rəqs edən Pekin" adını almışdır. O, 3 hissədən ibarətdir: Olimpiya həlqələri, ingilis dilində "Beijing 2008" yazısı və idmançı fiquruna bənzəyən kalliqrafik üsulla yazılmış "çzin" (京, paytaxt) heroqlifi.
[redaktə] Tilsimləri
Oyunların tilsimləri Olimpiadanın başlamasına 1000 gün qalmış, 2005-ci il noyabrın 11-də elan edilmiş Uğur uşaqlarıdır (çin. 福娃 [fuva]). Çin fəlsəfəsinə görə onların sayı 5-ə bərabərdir: balıq, nəhəng panda, od, Tibet antilopu və qaranquş. Adları isə müvafiq olaraq Bey-bey, Çzin-çzin, Huan-huan, İn-in və Ni-nidir. Əgər bu adların birinci hissələrini ard-arda oxusaq onda "Bey-çzin huan-in ni" (北京欢迎你), yəni "Pekin sizi salamlayır" ifadəsi alınacaq.
[redaktə] Şüarı
26 iyun 2005-ci ildə Çin Olimpiya Komitəsi oyunların şüarının "Bir dünya, bir arzu" (ing. One World, One Dream; çin. 同一个世界同一个梦想) ifadəsi olacağını elan etdi. Bu şüar 210 000 variant arasından seçilmişdir.
[redaktə] Televiziya yayımı
XXIX Olimpiya Oyunları HD texnologiyası ilə yayımlanan ilk Olimpiada olmuşdur və ekran başında 4 milyard tamaşaçı topladığı hesab olunur.
[redaktə] Azərbaycan idmançılarının çıxışı
Pekin Yay Olimpiya Oyunlarında Azərbaycan 10 idman növü üzrə 44 idmançı ilə təmsil olunmuş, 1 qızıl, 2 gümüş və 4 bürünc medal qazanmışdır. Medal qazanan idmançılar aşağıdakılardır:
- Kişilər:
-
Cüdo.
73 kq. Elnur Məmmədli - I yer.
100 kq. Mövlud Mirəliyev - III yer.
55 kq. Rövşən Bayramov - II yer.
60 kq. Vitali Rəhimov - II yer.
96 kq. Xetaq Qazyumov - III yer.
-
Boks.
57 kq. Şahin İmranov - III yer.
- Qadınlar:
55 kq. Mariya Stadnik - III yer.
[redaktə] Ölkələrin göstərdiyi nəticələrı
| Medalların ümumi sayı |  |
||||
|---|---|---|---|---|---|
| № | Ölkə |  Qızıl |
 Gümüş |
 Bürünc |
Ümumi |
| 1 | Çin |
51 | 21 | 28 | 100 |
| 2 |  ABŞ |
36 | 38 | 36 | 110 |
| 3 |  Rusiya |
23 | 21 | 28 | 71 |
| 4 |  Böyük Britaniya |
19 | 13 | 15 | 47 |
| 5 |  Almaniya |
16 | 10 | 15 | 41 |
| 6 |  Avstraliya |
14 | 15 | 17 | 46 |
| 7 |  Cənubi Koreya |
13 | 10 | 8 | 31 |
| 8 |  Yaponiya |
9 | 6 | 10 | 25 |
| 9 |  İtaliya |
8 | 10 | 10 | 28 |
| 10 |  Fransa |
7 | 16 | 17 | 40 |
[redaktə] Xarici keçidlər
|
|
|
|---|---|
| Yay Olimpiya Oyunları | 1896 • 1900 • 1904 • 1906 (sayılmır) • 1908 • 1912 • |
| Qış Olimpiya Oyunları | 1924 • 1928 • 1932 • 1936 • |
|
|
|
|---|---|
| Yeniyetmələrin Yay Olimpiya Oyunları | 2010 • 2014 • 2018 |
| Yeniyetmələrin Qış Olimpiya Oyunları | 2012 • 2016 |
 |
Olimpiya Oyunları ilə əlaqədar bu məqalə qaralama halındadır. Məqaləni redaktə edərək Vikipediyanı daha da zənginləşdirin. |
