Berti Foqts
| Berti Foqts | |||
 |
|||
| Şəxsi məlumatlar | |||
|---|---|---|---|
| Doğum tarixi: | 30 dekabr 1946-cı il | ||
| Doğum yeri: | Düsseldorf,, Almaniya | ||
| Milli komanda karyerası | |||
| İl | Milli komanda | Oyun (qol) | |
Berti Foqts - Almaniyalı futbol mütəxəssisi, Azərbaycan Milli Futbol Komandasının baş məşqçisi.
Mündəricat |
Həyatı [redaktə]
Əsl adı Hans-Hubert Vogts olan Berti Foqts, 30 dekabr 1946-cı il tarixində Almaniyanın Düsseldorf əyalətinin Büttgen şəhərində anadan olmuşdur. Futbolçu karyerasına 1959-cu ildə, 13 yaşında olarkən, Büttgen şəhərinin eyni adlı uşaq futbol komandasında oynamaqla başlamışdır.
Peşəkar futbolçu karyerasında cəmi bir futbol klubunun şərəfini qorumasına baxmayaraq, böyük uğurlar əldə etmişdir. 1965-ci ildə Münhenqladbax şəhərinin "Borussiya" klubunda sağ müdafiəçi mövqeyində oynamağa başlayan Foqst, klubun tərkibində 5 dəfə Almaniya çempionu, bir dəfə Almaniya kubokunun və iki dəfə UEFA kubokunun sahibi olmuşdur.
Nümayiş etdirdiyi gözəl oyun sayəsində "Teryer" ləqəbini alan Berti Foqts 1979-cu ildə, 33 yaşında olarkən, peşəkar futbolçu karyerasını bitirmişdir. Karyerası boyunca cəmi 419 oyun keçirən Foqst, bu oyunlarda 32 qol vurmuşdur. Avrokuboklarda bu göstərici 64 oyunda – 8 qoldur.
Milli komandadakı oyunları və karyerasının ən parlaq zirvəsi [redaktə]
Berti Foqst AFR-in gənclər yiğmasının tərkibində 9, 23 yaşa qədər olan Milli komandada 3 və ölkənin əsas yiğmasının tərkibində 96 oyun keçirmişdir. Foqts alman futbolunun tarixinə, Milli Komandanın tərkibində ən çox oyun keçirmiş futbolçulardan biri kimi daxil olmuşdur. 20 oyunda o, meydançaya "komandanın kapitanı" sarğısı ilə çıxmışdır. Karyerasının ən parlaq zirvəsi 1974-cü ildə - Almaniya Milli komandası dünya çempionu adını qazananda olmuşdur.
Məşqçi karyerası [redaktə]
Məşqçi karyerasına, 1979-cu ildə Almaniyanın milli gənclər komandasında başlayan Foqst, 1986-cı ildən etibarən əsas millidə baş məşqçinin köməkçisi, 1990-cı ildən etibarən isə Almaniya Milli futbol komandasının baş məşqçisi olmuşdur.
Onun başçılığı altında Almaniya millisi 1996-cı ildə İngiltərədə keçirilən Avropa çempionatının qalibi adını qazanmışdır. Lakin 1998-ci ildə, dünya çempionatının 4/1 finalında Xorvatiya millisinə böyük hesabla uduzuduqdan sonra, Berti Foqst millinin baş məşqçisi vəzifəsindən uzaqlaşdırılmışdır.
Daha sonralar Foqst Leverkuzenin "Bayer" klubunun, Küveyt, Şotlandiya, Nigeriya milli yığma komandalarının baş məşqçisi olmuşdur. Foqst 2008-ci ilin mart ayından Azərbaycan Milli Futbol Komandasının baş məşqçisidir.[1][2]
İstinadlar [redaktə]
- ↑ Berti Foqtsla müqavilənin müddəti 2 il uzadılıb
- ↑ AFFA Berti Foqtsla yeni müqavilə imzaladı Qol.az tarixi:2009.11.10
