Dəmirçilər türbələri

Vikipediya, azad ensiklopediya
Naviqasiyaya keç Axtarışa keç
Dəmirçilər türbələri
Ölkə
Yerləşir Dəmirçilər
Tikilmə tarixi XIV əsr
Vikianbarın loqosu Vikianbarda əlaqəli mediafayllar

Dəmirçilər türbələri — Azərbaycanın Qubadlı rayonunun Dəmirçilər kəndində yerləşən, XIV əsrə aid iki qülləvari türbə.[1][2]

Türbələrdən biri Ağaçayın sağ sahilində yerləşir. Türbə planda səkkizbucaqlı formadadır. İçəridə qapı gözü qarşısındakı üzdə kiçik mehrab tağçası quraşdırılmışdır. İç divarlar yaxşı yonulmuş daşlarla üzlənmişdir. Səkkizüzlü günbəzin dairəvi əsasına keçid künclərdə bütöv daşdan yonulmuş tromplar qoymaqla yerinə yetirilmişdir. Trompların üstündəki karnizə sferik günbəz söykənir.[3] Türbənin tavanının forması Macar şəhərindəki türbələrin formasına bənzəsə də, tamamilə fərqli tərtibatda, eləcə də fərqli formalı baraban ilə kəskin şəkildə fərqlənir.[2] Türbələrin pərvazları sadə pərvaz növlərinə aiddir.[3]

2001-ci ildə Azərbaycan Respublikası Nazirlər Kabinetinin 132 nömrəli sərəncamı ilə hər iki türbə dövlət tərəfindən mühafizə olunan obyektlər siyahısına daxil edilmiş və "respublika əhəmiyyətli memarlıq abidələri" elan edilmişdir.[1]

İstinadlar[redaktə | mənbəni redaktə et]

  1. ↑ 1 2 "Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında Azərbaycan Respublikası Nazirlər Kabinetinin Qərarı (Распоряжение Кабинета Министров Азербайджанской Республики об исторических и культурных памятниках)" (az.). e-qanun.az. 2017-04-12 tarixində arxivləşdirilib. İstifadə tarixi: 12 yanvar 2023.
  2. ↑ 1 2 Ртвеладзе Э. В. Мавзолеи Маджара // Советская археология. № 1. 1973. 274.
  3. ↑ 1 2 Мамед-заде К. М. Строительное искусство в Азербайджане (IV — XVI вв.). Б.: Элм. 1983. 202.
Mənbə — "https://az.wikipedia.org/w/index.php?title=Dəmirçilər_türbələri&oldid=7359606"