Məmmədağa Muradov
 |
Bu məqaləni vikiləşdirmək lazımdır |
| Məmmədağa Muradov | |
 |
|
| Doğum tarixi: | 19 fevral 1921-ci il |
|---|---|
| Doğum yeri: | Bakı,  Azərbaycan SSR |
| Vəfatı: | 14 noyabr 1969-cu il (48 yaşında) |
| Həyat yoldaşı: | Anaxanum Muradova |
| Uşaqları: | Cahid Muradov, Zahid Muradov |
| Peşəsi: | Tarzən |
Məmmədağa Muradov - Azərbaycan tarzəni.
[redaktə] Həyat və yaradıcılığı
Azərbaycan ifaçılıq məktəbinin parlaq nümayəndəsi, xalq musiqisinə dərindən bələd olan, Azərbaycanın əməkdar artisti Məmmədağa Muradovun 19 Fevral 2011-ci Ildə 90 illik yubileyi qeyd edilmişdir.
Mlli tar məktəbinin nümayəndələri arasında özünə layiqli yer tutmuş, həm Azərbaycanda, həm də bir sıra xarici ölkələrdə muğam sənətini sevənlar arasında sevgi və hörmət qazanmışdır. M.Muradov 1921-ci ildə Bakı şəhərində anadan olmuşdur. Qədim klassik janr olan muğamın görkəmli ustadları Mansur Mansurov, Qurban Pirimov, Bəhram Mansurov bu şəhərdə yaşayıb yaradır, gənc tarzənin yaradıcılığının inkişafına, onun mahir tarzən kimi yetişməsinə müsbət təsir göstərirdilər.
M.Muradov gənc yaşlarından ifaçılığa başlamış və o, 1937-ci ildə M. Maqomayev adına Azərbaycan Dövlət Filarmoniyasının xalq çalğı alətləri orkestrinə qəbul olunmuşdur. O, tez bir zamanda orkestrin solisti olmuş, daha sonra isə konsertmeyster vəzifəsində çalışmışdır.
M.Muradov eyni zamanda Bakının bir sıra musiqi məktəblərində, o cümlədən A.Zeynallı adına musiqi məktəbində uzun müddət müəllim işləmiş, istedadlı gənc tar ifaçılarının yetişməsində böyük rolu olmuşdur.
Məmmədağa Muradov özünün incə ifaçılıq texnikası, muğamları özünəməxsus işləməsi, solist müğənnilərin virtuoz müşayəti ilə dinləyicilərin qəlblərinə yol tapır, xalq musiqisi sevərlərin hörmətini qazanırdı.
Klassik muğamlarımızın sirlərinə dərindən bələd olan tarzən həm solo çalmaqda, həm də xanəndələri müşayət etməkdə xüsusi istedada malik idi. O, müqənniçilik məktəbinin korifeyləri Seyid Şuşinski, Xan Şuşinski, Zülfü Adıgözəlov, habelə Şövkət Ələkbərova, Rübabə Muradova, Əbülfət Əliyev, Sara Qədimova ilə birqə çıxışlar edir, onları müşayət edirdi.
 |
|
| Bu faylın oxunmasında problem var? Bax media kömək. | |
Məmmədağa Muradovun ifaçılıq bacarıği xarici ölkə dinləyiciləri tərəfindən də yüksək qiymətləndirilmişdir. Onun sənəti Misirdə, Tunisdə, Almaniyada, Bolqarıstanda, İranda, Çində, Mərakeşdə, Sudanda və digər ölkələrdə özünə pərəstişkarlar qazanmış, alqışlara layiq olmuşdur. Həbəşistanda iki dəfə müvəffəqiyyətli qastrol çıxışlarının yuksək qiyməti olarag o, bu ölkənin imperatoru Hayle Selasiye tərəfidən qızıl imperator ordeni ilə iki dəfə təltif olunmuş və bu mükafatlar ona ölkənin başçısı tərəfindən şəxsən təqdim olunmuşdur.
M.Muradovun milli musiqimizin inkişafı və təbliği sahəsindəki xidmətləri yüksək qiymətləndirilmiş, ona Azərbaycanın əməkdar artisti fəxri adı, bır sıra hökümət mükafatları verilmişdir.
Məmmədağa Muradov yaradıcılığının çiçəkləndiyi bir dövrdə, ömrünün qirx səkkiz yaşinda vaxtsız vəfat etmişdir.
Gözəl tarzənin çaldığı tarın sədası ürəklərdə yurd salıb, qədim muğamlarımızın, gözəl xalq havalarımızın mahir ifaçısı kimi yaddaşlarda həmişəlik qalmışdır. [1][2]
