Nağı bəy Şeyxzamanlı
| Nağı bəy Şeyxzamanlı azərb. Nağı bəy Saleh bəy oğlu Şeyxzamanlı |
||||
 |
||||
|
||||
|---|---|---|---|---|
| avqust, 1919 — mart, 1920 | ||||
| Sələfi: | Məmmədbağır Şeyxzamanlı | |||
| Xələfi: | vəzifə ləğv edilib | |||
| Təvəllüdü: | 1883-cü il Gəncə, Yelizavetpol quberniyası, Rusiya İmperiyası |
|||
| Vəfatı: | 1967-ci il ABŞ |
|||
| Atası: | Saleh bəy | |||
Şeyxzamanlı Nağı bəy Saleh bəy oğlu – Azərbaycan Demokratik Respublikasının xüsusi xidmət orqanı olan "Əksinqilab ilə mübarizə təşkilatının" rəisi.
[redaktə] Həyatı
Nağı bəy Şeyxzamanlı 1883-cü ildə Gəncə şəhərində anadan olmuşdur. Gənc yaşlarından Azərbaycanın ictimai-siyasi həyatında yaxından iştirak etmiş, əvvəlcə Gəncədə əsası 1905-ci ildə Əhməd bəy Ağayev tərəfindən qoyulan "Difai", 1917-ci ildən isə Nəsibbəy Yusifbəyli tərəfindən təsis edilən "Türk Ədəmi-Mərkəziyyət" partiyasının üzvü olmuşdur.
1917-ci ilin may ayında "Müsəlman Demokratik Müsavat" partiyası ilə birləşərək "Müsavat" adını almış həmin partiyanın üzvü kimi Nağı Şeyxzamanlı ölkənin ictimai-siyasi həyatında fəal iştirak etmişdir. N.Şeyxzamanlı 1919-cu ilin avqust ayında "Əksinqilab ilə mübarizə təşkilatının" rəisi təyin edilmiş (qardaşı Məmmədbağır Şeyxzamanlı öz ərizəsi ilə bu vəzifədən istefa verdikdən sonra) və 1920-ci ilin mart ayında təşkilat buraxılana qədər onun rəhbəri kimi fəaliyyət göstərmişdir.
1920-ci il aprel ayının 28-də Azərbaycanın Rusiya tərəfindən istilasından sonra mühacir həyatı keçirməyə məcbur olan N.Şeyxzamanlı bir müddət Türkiyədə, sonralar isə Almaniya və ABŞ-da yaşamışdır. Mühacirətdə olarkən Azərbaycanda baş verən ictimai-siyasi hadisələrlə bağlı fikirlərini və xatirələrini əks etdirən bir sıra əsərləri nəşr edilmişdir. Həmin əsərlərini Keykurun imzası ilə yazan N.Şeyxzamanlının İstanbulda 1957-ci ildə "Böyük xeyriyyəçi Hacı Zeynalabdin Tağıyev", 1963-cü ildə "Dərdləşmə" və 1964-cü ildə "Azərbaycan istiqlal mücadiləsi xatirləri" adlı kitabları çapdan çıxmışdır. N.Şeyxzamanlının sonuncu iki kitabında toplanmış əsərləri 2004-cü ildə Milli Təhlükəsizlik Nazirliyi tərəfindən təkrar nəşr edilmişdir.
Nağı bəy Şeyxzamanlı 1967-ci ildə ABŞ-da vəfat etmişdir.
[redaktə] Mənbə
[redaktə] Həmçinin bax
|
|
||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
| Azərbaycan Xalq Cümhuriyyəti (1918-1920) |
Məmmədbağır Şeyxzamanlı (1919 iyun-avqust) • Nağı bəy Şeyxzamanlı (1919 avqust - 1920 mart) |
 |
||||||||||||||||
| Azərbaycan Sovet Sosialist Respublikası (1920-1991) |
|
|||||||||||||||||
| Azərbaycan Respublikası (1991-dən sonra) |
|
|||||||||||||||||
