Riad Əhmədov

Vikipediya, açıq ensiklopediya
Keçid et: naviqasiya, axtar
Riad Əhmədov
Riad Fikrət oğlu Əhmədov
Riad Əhmədov.jpg
Doğum tarixi: 20 dekabr 1956(1956-12-20)
Doğum yeri: Bakı, Azərbaycan
Vəfatı: 25 yanvar 1992(1992-01-25)
Vəfat yeri: Şuşa
Vəfat səbəbi: itkin düşüb
Atası: Fikrət Həmid oğlu Əhmədov
Milliyyəti: azərbaycanlı
Mükafatları: Azərbaycanın Milli Qəhrəmanı

Riad Əhmədov (1956 - 1992) — Azərbaycanın Milli Qəhrəmanı; Qarabağ müharibəsi şəhidi.

Həyatı[redaktə]

Riad Fikrət oğlu Əhmədov Azərbaycan Respublikası Prezidentinin 7 iyun 1992-ci il tarixli 833 saylı Fərmanı ilə Azərbaycanın Milli Qəhrəmanı adına layiq görülmüşdür.

Əhmədov Riad Fikrət oğlu 1956-cı il dekabr ayının 20-də Bakıda anadan olub. Riadın ata babası Həmid Əhmədov Qərbi Azərbaycanda anadan olub.

R.Əhmədov 1979-cu ildə Azərbaycan Dövlət Universitetinin hüquq fakültəsini fərqlənmə diplomu ilə bitirmişdir.

1976-1979-cu illərdə Azərbaycan SSR Ədliyyə Nazirliyi yanında Məhkəmə Ekspertizası Institutunda laborant işləyib. 1979-1980-ci illərdə həmin nazirliyin Qanun Layihələrinin Hazırlanması və Qanunvericiliyin Sistemləşdirilməsi idarəsində məsləhətçi, 1980-1981-ci illərdə isə Ədliyyə Nazirliyinin kadrlar şöbəsində baş məsləhətçi vəzifələrində çalışıb. 1981-ci ildə təhlükəsizlik orqanlarında fəaliyyətə başlayan Riad Əhmədov, 1981-1982-ci illərdə DTK-nın Minskdəki Ali Məktəbində təhsil alıb. 1984-cü ildə isə DTK-nın Y.V.Andropov adına institutu nəzdindəki kurslarda dinləyici olub.

1992-ci ildə Azərbaycan Respublikası Müdafiə Nazirliyi Kəşfiyyat İdarəsinin rəis müavini vəzifəsinə irəli çəkilmişdir. Riad Əhmədovun başçılıq etdiyi xüsusi kəşfiyyat dəstəsi Dağlıq Qarabağ uğrunda gedən döyüşlərdə düşmənin xeyli canlı qüvvəsini və hərbi texnikasını məhv etmişdir.

R.Əhmədov 1992-ci il yanvar ayının 25-də «Daşaltı əməliyyatı»nın gedişində itkin düşmüşdür.

Xatirəsi[redaktə]

Azərbaycanın Milli Qəhrəmanı Riad Əhmədovun şərəfli döyüş yolunu əks etdirən "İgidnamə" sənədli filmi çəkilmişdir[1].

Bakı şəhərindəki 203 nömrəli tam orta məktəb onun adını daşıyır[2].

Mənbə[redaktə]

İstinadlar[redaktə]

  1. MTN əməkdaşları Sumqayıta gəldi
  2. Azərbaycanın Milli Qəhrəmanı Riad Fikrət oğlu Əhmədovun xatirəsinin əbədiləşdirilməsi barədə Azərbaycan Respublikası nazirlər kabinetinin qərarı