Arif Heydərov

Arif Heydərov
Arif Nəzər oğlu Heydərov
Azərbaycan SSR daxili işlər naziri
24 mart 1970 – 29 iyun 1978
Sonrakı	Cəfər Vəliyev
Şəxsi məlumatlar
Doğum tarixi	28 iyun 1926(1926-06-28)
Doğum yeri	Ağdaş rayonu
Vəfat tarixi	29 iyun 1978 (52 yaşında)
Vəfat yeri	Bakı şəhəri
Vəfat səbəbi	qətlə yetirilib
Dəfn yeri	Fəxri Xiyaban
Partiya	Sovet İttifaqı Kommunist Partiyası
Təhsili	Bakı Dövlət Universiteti
Fəaliyyəti	hərbi lider[d]
Atası	Nəzər Heydərov
Rütbəsi	general-leytenant
Vikianbarda əlaqəli mediafayllar

Arif Heydərov (d.28 iyun 1926, Ağdaş ş. – ö.29 iyun 1978, Bakı şəhəri) — 1970-1978-ci illərdə Azərbaycan SSR-nin Daxili İşlər naziri, general-leytenant.

Həyatı

Arif Nəzər oğlu Heydərov 1926-cı ilin 28 iyununda Ağdaş şəhərində dünyaya gəlib. Əslən Qubadlı rayonunun Gürcülü kəndindəndir. Bakı Dövlət Universitetinin tarix fakültəsini bitirib. Əmək fəaliyyətinə 1942-ci ildə başlayıb, Əzizbəyov neft trestində çilingər işləyib. 1943-cü ildə Moskvaya xüsusi təhsil məktəbinə oxumağa göndərilib. 1944-1945-ci illərdə İkinci Dünya müharibəsinin iştirakçısı olub, Berlinə hücum əməliyyatında iştirak edib. 1945-1947-ci illərdə Polşada və Almaniyada müttəfiqlərin qoşunlarının heyətində xidmət keçib. 1949-1970-ci illərdə Azərbaycan Dövlət Təhlükəsizlik Komitəsinin kəşfiyyat şöbəsində işləyib. Bu dövrdə operativ tapşırıqlarla əlaqədar dəfələrlə xarici ölkələrə gedib və uzun müddət Almaniya Demokratik Respublikasında və Türkiyədə daimi işdə çalışıb. 1967-1970-ci illərdə Türkiyədə konsul, 1970-1978-ci illərdə Azərbaycan SSR Daxili İşlər Naziri işləyib. Azərbaycan SSR Ali Sovetinin deputatı idi.

Alman, ingilis, türk, fars dillərini bilirdi. SSRİ-nin Qırmızı Bayraq, "Şərəf nişanı" ordenləri və bir çox sovet və xarici ölkə medalları ilə təltif olunmuşdu.

Arif Heydərov 1978-ci il 29 iyunda iş yerində qətlə yetirilib.

Adına Bakıda tanker, küçə, hospital və məktəb vardır.

Həmçinin bax

• Nəzər Heydərovun