İlqar Məcidov

İlqar Məcidov
Şəxsi məlumatlar
Doğum tarixi	10 fevral 1971(1971-02-10)
Doğum yeri	Bakı, Azərbaycan SSR, SSRİ
Vəfat tarixi	7 sentyabr 1992(1992-09-07) (21 yaşında)
Vəfat yeri	Füzuli rayonu, Azərbaycan
Dəfn yeri	Gürgan
Vətəndaşlığı	SSRİ  Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1989-1991; 1992
Rütbə	Əsgər
Döyüşlər	Qarabağ müharibəsi

İlqar İzayəddin oğlu Məcidov (10 fevral 1971, Bakı – 7 sentyabr 1992, Füzuli rayonu) – Azərbaycan Silahlı Qüvvələrinin əsgəri, Qarabağ müharibəsinin şəhidi.

Həyatı

İlqar Məcidov 1971-ci il fevralın 10-da Bakı şəhərinin Pirallahı rayonunda anadan olub.

1978-1986-cı illərdə N.S.Teymurov adına 231 saylı Gürgən qəsəbə tam orta məktəbində təhsil alıb. Daha sonra 60 saylı texniki peşə məktəbində “Radiotexnika” ixtisasına yiyələnib.

“28 May” neft-qaz çıxarma idarəsində çalışırdı. Subay idi.

Hərbi xidməti

İlqar Məcidov Çita şəhərində hərbi kurs keçib.

1989-1991-ci illərdə Monqolustanda həqiqi hərbi xidmətdə olub.

İlqar Məcidov 1992-ci ildə Azərbaycan Silahlı Qüvvələrinin sıralarına cəlb olunub və Qarabağ müharibəsində iştirak edib.

Mahir ovçu olan İlqar Məcidov qısa müddət ərzində döyüşlərdə fərqlənməyi bacarır. Onun yüksək atıcılıq qabiliyyəti var idi.

İlqar Məcidov 1992-ci il sentyabrın 7-də Füzuli rayonunun Qacar kəndi istiqamətində gedən döyüşlər zamanı şəhid olub.

Pirallahı rayonunun Gürgən qəsəbəsində torpağa tapşırılıb.

Gürgən qəsəbəsinin ilk şəhididir.

Ölümündən sonra Gürgən qəsəbəsinin bir küçəsinə adı verilib.