Azpetrol

Vikipediya, açıq ensiklopediya
Jump to navigation Jump to search
"Azpetrol Ltd." MMC
Azpetrol logo.gif
Tipi: Yanacaq şirkəti
Təsis edilib: 15 iyul 1997
Yerləşməsi: Azərbaycan
Hakim simaları: Ceyhun Məmmədov
Sahəsi: Avtoyanacaq doldurma stansiyaları
Məhsulu: Avtomobil yanacaqları
Veb-saytı: azpetrol.az

"Azpetrol Ltd." MMC — Azərbaycanda 1997-ci ildən fəaliyyət göstərən neft-qaz şirkəti.

Ümumi məlumat[redaktə | əsas redaktə]

Azpetrol yanacaqdoldurma stansiyası

1997-ci il iyulun 15-də Bakı şəhərində ilk yanacaqdoldurma məntəqəsinin istismara verilməsi ilə Azərbaycanın iqtisadi məkanına daxil olan "Azpetrol Ltd." MMC-nin əsas fəaliyyəti yanacağın pərakəndə və topdan satışını yanacaqdoldurma və qazdoldurma məntəqələri şəbəkəsi vasitəsilə həyata keçirməkdən ibarətdir.

Hazırda Şirkətin Azərbaycanın əksər iqtisadi zonalarını əhatə etməklə ən müasir avadanlıqlarla təchiz olunmuş 83 yanacaqdoldurma (YDM) və 5 qazdoldurma məntəqəsi (QDM) fəaliyyət göstərir.

Yanacağın keyfiyyətinin yaxşılaşdırılması və məntəqələrin fasiləsiz yanacaqla təmin edilməsi məqsədilə, 1999-cu ildə "Azpetrol"un müasir standartlara cavab verən Neftbazası istifadəyə verilmişdir. Neftbaza Avropanın qabaqcıl ölkələrində istehsal olunmuş elektron avadanlıqlarla, yanğından mühafizə, təhlükəsizlik və yanacağın keyfiyyətinə nəzarət sistemləri ilə təchiz edilmişdir.

Şirkət yanacağın YDM və QDM-lərə fasiləsiz olaraq və vaxtında çatdırılması məqsədi ilə 1999-cu ildə yanacaqdaşıyan maşınların Avtoparkını istismara vermişdir. Beynəlxalq standartlara uyğun təşkil olunmuş həmin Avtoparkda 120 yanacaq daşıyan avtomobil istənilən vaxt yola çıxmağa hazırdır.

Həmçinin "Azpetrol"un Azərbaycanın ən iri işəgötürənlərindən biri olduğunu xüsusi ilə qeyd etmək vacibdir. Belə ki, hazırda Şirkətdə çalışan işçilərin ümumi sayı 3200 nəfərdən çoxdur.[1]

Missiya və məqsədi[redaktə | əsas redaktə]

Yüksək keyfiyyət, halallıq, müştəri məmnunluğunun təmin edilməsi kimi keyfiyyətləri "Azpetrol" şirkəti yarandığı gündən özünün başlıca amalı hesab etmişdir. "Azpetrol" Şirkəti xüsusi ilə də regionlarda iş yerlərinin açılması hesabına əhalinin məşğulluğunun təmin edilməsini özünün prioritet istiqaməti kimi müəyyənləşdirmişdir. Tutduğu vəzifədən, malik olduğu səlahiyyətdən asılı olmayaq əməkdaşlarımızın qarşısında qoyulan başlıca tələb - ciddi nizam-intizam, qarşılıqlı etimad və tələbkarlıq, peşə bilik və bacarıqlarıının daim təkmilləşdirilməsi, müştəri məmnunluğunun təmin edilməsini gündəlik işin şüarına çevrilməsidir.

Azərbaycan və "Azpetrol" şirkətinin bayraqları. (Bakı)

Loqosu[redaktə | əsas redaktə]

Hər hansı bir şirkət və ya müəssisənin özünəməxsus və onu fərqləndirən xarici atributu onun loqotipidir. Loqotip - malların fərqləndirilməsi və onların reklam olunması üçün nəzərdə tutulan, orijinal tərtib olunan, bədii təsvirin müəyyən edilmiş və rəsmi qəbul olunmuş nişanıdır.

Orijinallıq, fərdilik, proporsionallıq (mütənasiblik), yadda saxlanılma və tanınma kimi keyfiyyətlərə malik olan loqotip şirkətin spesifik cəhətlərini özündə dolğun əks etdirməlidir. Bu baxımdan, loqotipə xüsusi önəm verən "Azpetrol" uzun müddət davam edən seçimdən sonra özünün mənsubiyyətini, məqsəd və məramını qabarıq şəkildə çatdıra bilən loqosu üzərində dayandı. Belə ki, Şirkət əvvəllər sadəcə klassik şriftlə şirkətin adının yazılmasından, daha sonralar isə üç damladan ibarət neftin fontan vurduğu neft buruqlarının üslublaşdırılmış təsvirindən ibarət olan kompozisiya kimi istifadə etdiyi loqotiplərdən imtina edərək, 2004-cü ildə yeni rəsmi emblemini - milli ornament olan buta fiqurunu seçdi.

Azərbaycanda ta qədimdən xoşbəxtlik, əmin-amanlıq, firavanlıq rəmzi olan odun dili formasında təsvir edilən buta, eyni zamanda, hərəkət, inkişaf və enerji simvoludur.

Beləliklə, "Azpetrol" şirkətinin rəsmi loqotipinin fəlsəfəsində çoxşaxəli inkişaf və tərəqqi, mənsub olduğu millətin adət-ənənələrinə bağlılıq və ehtiram, xeyirxah niyyət və qarşılıqlı faydalı əməkdaşlıq kimi dəyərlər təsbit olunmuşdur.[2]

Mükafatları[redaktə | əsas redaktə]

  • "Azpetrol" şirkəti 2001-ci ildə "İlin Holdinqi" nominasiyasında "Uğur" mükafatına, 14 iyul 2002-ci ildə Nyu-Yorkda Keyfiyyət üzrə keçirilən XVI Beynəlxalq Konvensiyada Keyfiyyət nişanı və "Biznes Prestij" mükafatlarına layiq görülmüşdür.
  • Azpetrol "Caspian Energy İntegration Award" şirkəti tərəfindən 2008-ci ildə "İlin keyfiyyətli servis xidmətləri" nominasiyası üzrə, 2010-cu ildə isə "İlin ən yaxşı yanacaqdoldurma məntəqələri şəbəkəsi" nominasiyası üzrə "Uğur" mükafatlarla təltif edilmişdir.
  • 6 sentyabr 2010-cu il tarixdə Cenevrədə dünyanın 44 ölkəsinin iştirakı ilə keçirilən Keyfiyyət üzrə BİD (Business İnitiative Directions) Beynəlxalq Konvensiyasında "Azpetrol" şirkəti "Keyfiyyətə Görə Beynəlxalq Qızıl Ulduz" mükafatına layiq görülmüşdür.
  • Bundan əlavə, Azpetrol 2011-ci ilin iyun ayında İngiltərənin Oksford ş. keçirilən "Liderlərin Oksford Sammitində” "Kraliça Viktoriya Xatirə Medalı" və dekabr ayında “İlin yanacaqdoldurma məntəqələri şəbəkəsi” nominasiyasında “Azeri Business Award” mukafatları ilə təltif olunmuşdur.
  • 2012-ci ilin mart ayında şirkət "İlin yanacaqdoldurma məntəqələri şəbəkəsi" nominasiyasında «Caspian Energy İntegration Award» mükafatı ilə təltif edilmişdir, may ayında isə şirkət daha üç mükafat almışdir, belə ki, 4-5 may 2012-ci il tarixində Avropa Biznes Assambleyası (Europe Business Assembly) və İsveçrənin Keyfiyyət Standartları İnstitutunun (SİQS) İsveçrənin Montre şəhərində keçirilən “Montreux Business Matchmaking” tədbirində Azpetrol "Topdan və pərakəndə yanacaq satışı üzrə “Best Enterprise" ("Ən yaxşı müəssisə") mükafatına və diploma layıq görülmüş; B.İ.D. Beynəlxalq Keyfiyyət Konvensiyasının ABŞ-ın Nyu-York şəhərində 27-28 may tarixində dünyanın 76 ölkəsindən olan müxtəlif sahələrdə uğur qazanmış şirkətlərin keyfiyyət və üstünlüyə görə mükafatlandırma mərasimində Azpetrol Şirkəti xidmətdə keyfiyyət, liderlik, yeni texnologiya və innovasiyaların tətbiqinə görə platin kateqoriyasında «İnternational Quality Summit» mükafatına layiq görülmüşdür.
  • 2013-cü il 10-12 aprel tarixində Avropa Biznes Assambleyası (ing. Europe Business Assembly) və Britaniya Direktorlar İnstitutunun London şəhərində keçirilən Liderlər Sammitində (ing. Summit of Leaders) Azpetrol Şirkəti və Şirkətin baş direktoru Hüseynağa Rəhimov fəaliyyətində Avropa standartlarına uyğun intellektual və texnoloji yeniliklər tətbiqinə görə “Avropa keyfiyyəti” Beynəlxalq mükafatlarına (ing. European Quality Award) layiq görülmüşdür. [3]

İstinadlar[redaktə | əsas redaktə]

  1. http://azpetrol.az/az/content/8/
  2. http://azpetrol.az/az/content/11/
  3. http://azpetrol.az/az/content/10/

Xarici keçidlər[redaktə | əsas redaktə]

Vikianbarda Azpetrol ilə əlaqəli mediafayllar var.