Nobel Oil Group

Vikipediya, azad ensiklopediya
Jump to navigation Jump to search
Nobel Oil Group
Loqonun şəkli
Ümumi məlumatlar
Tipi neft və qaz
Sənaye Neft sənayesi üçün texniki xidmət provayderi
Təsis tarixi Bakı, Azərbaycan
Baş qərargahın yeri
İqtisadi göstəriciləri
Ümumi gəliri Açıqlanmayıb
Xalis mənfəəti Açıqlanmayıb
Əməliyyat mənfəəti Açıqlanmayıb

Nobel Oil Group - əsasən Azərbaycan Respublikasında fəaliyyət göstərən və sonradan beynəlxaq miqyasa çıxaraq ABŞ, Böyük Britaniya və Rumıniya bazarına daxil olan şirkətlər qrupudur. Qrup, neft-qaz sektorunda kompleks istismar xidmətləri göstərir, həmçinin özünün kəşfiyyat və hasilat üzrə imkan, bacarıq və potensialını inkişaf etdirir.

Tarix və inkişaf[redaktə | mənbəni redaktə et]

“Nobel Oil Ltd” şirkəti ilk olaraq, Xəzər regionunda neft-qaz sənayesi üçün xidmətlər təklif edən texniki xidmət təchizatçısı kimi 2005[1]-ci ildə Nəsib Həsənov[2] tərəfindən yaradılmışdır. Sözü gedən xidmətlərə quyuların əsaslı təmiri, qazma, quraşdırma, tikinti, mühəndis-layihələndirmə və texniki xidmət, təmir və istismar xidmətləri daxildir.[3]

2013-cü ildə Nobel Oil şirkəti öz fəaliyyətinin, həmçinin təşkilati bacarıqların, strateji məqsədlərin, fəaliyyət göstərdiyi bazarların, regional və qlobal miqyasda inkişaf istiqamətlərinin, qiymətləndirilməsini hərtərəfli əhatə edən strateji araşdırma həyata keçirmişdir. Nəticədə, 2014-cü ildə şirkətin biznes proseslərinin beynəlxalq standartlara uyğun təşkil etmək məqsədi ilə korporativ strukturu yenidən təşkil edilmişdir. Beləliklə, neft-qaz sənayesinin bütün xidmət seqmentləri Nobel Oil Services (UK) Limited şirkəti altında birləşdirilmişdir[4], neft yataqlarının kəşfiyyatlı və neft-qaz hasilatı fəaliyyəti isə ayrıca Nobel Oil E&P (UK) Limited şirkəti (Nobel Upstream ticarət nişanı) altında təşkil edilmişdir[5].

Nobel Oil Services (UK) Limited 25 iyun 2014-cü il tarixində Birləşmiş Krallıqda qeydiyyatdan keçirilərək yaradılmışdır. Nobel Oil Services (UK) Limited şirkəti Global Energy Solutions MMC, Prokon MMC, Abşeron Qazma MMC, Llamrei DMCC və sair şirkətlərin ana şirkətidir[6].

2014-cü ildə Birləşmiş Krallıqda Nobel Upstream ticarət nişanı altında Nobel Oil E&P (UK) Limited şirkəti yaradılmışdır. Nobel Oil E&P (UK) Limited şirkəti isə, Nobel Oil E&P Caspian Limited, Nobel Oil E&P North Sea Limited, Nobel Oil E&P North America (UK) Limited və Nobel Oil E&P North America LLC-nin ana şirkətidir.

“Nobel Upstream” Azərbaycanda və Şimali Amerikada (Texas) neft və qaz layihələrində iştirak edir. 2016-cı ildə “Nobel Upstream”, “Shell” şirkətindən “Malcure” yatağındakı 7.59% pay almaqla Birləşmiş Krallığın Şimal Dənizinə sərmaye yatırmışdır.[7]

“Nobel Upstream” şirkəti, perm hövzəsindəki (Şimali Amerika) böyük yataq sahəsinin ən iri səhmdarıdır. Əməliyyat tərəfdaşı olan “Three Span Oil & Gas” şirkəti ilə “Nobel Upstream” şirkəti, 2014-cü ilin avqust ayından neft və qaz hasilatına başlamışdır.[8]

Səhmdar və rəhbərlik[redaktə | mənbəni redaktə et]

Azərbaycan əsilli sahibkar Nəsib Həsənov, hər ikisi Birləşmiş Krallıqda qeydiyyatdan keçmiş Nobel Oil Services (UK) Limited və Nobel Oil E&P (UK) Limited şirkətlərinin təsisçisi və səhmdarıdır. [9]

Ümid qaz yatağının istismara hazırlanması[redaktə | mənbəni redaktə et]

Həmçinin bax: Ümid qaz yatağı

2008-ci ildən etibarən Qrup, Azərbaycanın paytaxtı Bakı şəhərindən 75 km cənubda, dənizdə yerləşən Ümid qaz-kondensat yatağının kəşfiyyatında iştirakı vasitəsilə özünün kəşfiyyat və hasilat üzrə imkan, bacarıq və potensialını inkişaf etdirir.[10]

Bakıdan 75 km cənubda və dənizdə, 40-80 m aralıqda dəyişən dərinlikdə yerləşən Ümid qaz-kondensat yatağında kəşfiyyat işləri, ARDNŞ və “Nobel Oil Exploration and Production Ltd.” şirkəti arasında imzalanmış müqaviləyə əsasən aparılır. Tərəflərin Ümid layihəsindəki iştirak payları aşağıda göstərilib: ARDNŞ – 80%, “Nobel Oil Exploration and Production Ltd.” – 20%. [11]

Azərbaycan Prezidenti İlham Əliyev 2010-cu ildə “bu yatağın böyük gələcəyi vardır”[12] fikrini söyləməklə və 2012-ci ildə yenidən oxşar qeydlər etməklə Ümid qaz yatağına çox böyük ümidlər bəslədiyini bildirmişdir.[13]

Nobel Oil Qrupu ilə olan birgə müəssisə, 2012-ci ildən etibarən Ümid qaz yatağında üç quyu qazmışdır. İlk quyu uğursuz olmuş, lakin digər iki quyudan, getdikcə azalan miqdarda təbii qaz hasil edilmişdir: 2012-ci ildə – gündə 1,500 min kub metr qaz, 2013-cü ildə – gündə 638,000 kub metr, 2014-cü ildə isə - gündə 630,000 kub metr qaz. Plan, gündə bir milyondan 1,5 milyon kub metrə qədər təbii qaz hasil edən ümumilikdə altı quyunun qazılmasından ibarət idi. [14][15]

Lakin 2014-cü ilin oktyabr ayından Nobel Oil Qrupu və onun tərəfdaşı, “hasilat prosesindəki texniki problemlər”[16] səbəbindən bütün qazma işlərini dayandırmaq qərarına gəlmiş və yeni strategiya formalaşdırmaq məqsədi ilə tamamilə yeni xarici tərəfdaşın cəlb edilməsi üçün yeni beynəlxalq tender elan etmişdir.[17][18] 2016-cı ilin yanvar ayına qədər tender reallaşmamışdır.

2015-ci il mart ayından etibarən Nobel Oil Qrupu və onun tərəfdaşı, Ümid yatağındakı qaz ehtiyatlarının daha dəqiq müəyyənləşdirilməsi üçün yeni qiymətləndirmə quyusunun qazılmasına qərar verdi və bu qazma xərclərinin gələcək xarici tərəfdaş tərəfindən öz üzərinə götürüləcəyinə ümid edirdi.[19][20] Nobel Oil Qrupunun və onun tərəfdaşının istəklərinə görə, yeni xarici tərəfdaşın həm dənizdə, suyun dərin hissəsində qazma işlərinin aparılmasına dair bilik, bacarıq və təcrübəsi, həm də sərbəst pul vəsaiti olmalıdır.[21]

İşlənməsini həyata keçirən iki şirkət üçün Ümid qaz yatağı texnoloji cəhətdən həddindən artıq mürəkkəb bir yataq olmuşdur, hərçənd 2010-cu ilədək təqribən 5 milyard ABŞ dolları xərclənmişdir və qazın qiyməti yüksək olduğu vaxtda mütəxəssislərin qənaətinə görə xalis əməliyyat gəliri təqribən 45 milyard ABŞ dolları məbləği təşkil etməli idi.[22] 2010-cu ildən etibarən xərclər yalnız artmış, təbii qazın bazar qiymətləri isə aşağı düşmüşdür. [23]

Xidmətlər[redaktə | mənbəni redaktə et]

“Nobel Oil” şirkətinin, müxtəlif törəmə və birgə müəssisələri tərəfindən göstərilən bir sıra xidmətləri vardır.[24]

  • Abşeron Qazma: Kompleks qazma və quyuların idarə edilməsi xidmətlərini göstərir. Həmin xidmətlərə quyuların layihələndirilməsi, qazma əməliyyatları, qoruyucu kəmərlərin layihələndirilməsi, quyuların qurtarılması, quyuların əsaslı təmiri və s. daxildir.
  • Global Energy Solutions: Əsasən Azərbaycanın enerji sənayesində fəaliyyət göstərən müştərilər üçün avadanlıqlara texniki qulluq və avadanlıqların təmiri xidmətlərini göstərir.
  • Prokon: Layihələrin idarə edilməsi və tikinti xidmətlərini təklif edir.
  • LLAMREİ: Satınalma, təchizat, loqistika və anbar fəaliyyətini təklif edir.
  • Nobel Oil Downstream: Rumıniyada yerləşən yanacaqdoldurma məntəqələri fəaliyyət göstərir.
  • SDL-Nobel: Denholm Oilfield Services və Nobel Oil Services şirkətləri tərəfindən təsis olunan birgə dəmir/polad konstruksiyaların istehsalı xidmətləri göstərir.

İstinadlar[redaktə | mənbəni redaktə et]

  1. ↑ "Azerbaijan 2020". Foreign Affairs Magazine. 94: 8. Jan–Feb 2015.
  2. ↑ "Azerbaijani oil company acquires stake in UK field from Shell". intellinews.com. February 12, 2016. 6 April 2022 tarixində arxivləşdirilib. İstifadə tarixi: 30 December 2016.

    Nobel Upstream, a UK company “with a best practice governance framework and sound risk management and internal control systems”, is owned by Nasib Hasanov, a “private oil and gas entrepreneur and philanthropist” from Azerbaijan, who is the sole shareholder of the Nobel Upstream group and Nobel Oil Services group of companies...
  3. ↑ "About Company". Nobel Oil. 11 September 2014 tarixində arxivləşdirilib. İstifadə tarixi: 22 July 2014.
  4. ↑ "Nobel Oil Services (UK) Limited, Companies House". icpcredit.com. İstifadə tarixi: 12 mart 2018.
  5. ↑ "About Nobel Upstream". icpcredit.com. 2022-04-03 tarixində arxivləşdirilib. İstifadə tarixi: 12 mart 2018.
  6. ↑ "Our Business, Nobel Oil". icpcredit.com. 2015-04-02 tarixində orijinalından arxivləşdirilib. İstifadə tarixi: 12 mart 2017.
  7. ↑ Findlay, Keith. "Azeri oil tycoon takes his first stake in the UK North Sea". energyvoice.com. 11/02/2016. 2021-05-12 tarixində arxivləşdirilib. İstifadə tarixi: 12 mart 2017.
  8. ↑ "Portfolio". nobelupstream.com. 2022-04-03 tarixində arxivləşdirilib. İstifadə tarixi: 12 mart 2017.
  9. ↑ "bne intellnews, last updated in 21 December 2016". BNEIntellnews. 6 April 2022 tarixində arxivləşdirilib. İstifadə tarixi: 12 March 2017.
  10. ↑ "SOCAR set up a joint venture with Nobel Oil for works at Umid field". Bank of Baku. 2014-07-29 tarixində orijinalından arxivləşdirilib. İstifadə tarixi: 2017-03-12.
  11. ↑ "SOCAR Umid LLC". SOCAR. 2022-04-03 tarixində arxivləşdirilib. İstifadə tarixi: 12 mart 2017.
  12. ↑ "Месторождение "Умид" увеличит газовый потенциал Азербайджана - президент". Azertaj. İstifadə tarixi: 12 mart 2017.[ölü keçid]
  13. ↑ "President Ilham Aliyev speech (09.10.2012)". Government of Azerbaijan. 6 April 2022 tarixində arxivləşdirilib. İstifadə tarixi: 30 December 2015.
  14. ↑ "На морском газовом месторождении "Умид" сдана в эксплуатацию новая высокодебитная скважина (Бахрам Рустамбеков, В.Т.)". 1news.az. 30 January 2014 tarixində arxivləşdirilib. İstifadə tarixi: 12 mart 2017.
  15. ↑ "IN THE PIPELINE". thebusinessyear.com. 2014. 2021-10-26 tarixində arxivləşdirilib. İstifadə tarixi: 12 mart 2017.
  16. ↑ "Azerbaijan's SOCAR issues tender for two Caspian Sea gas deposits". REUTERS. 2016-12-20 tarixində arxivləşdirilib. İstifadə tarixi: 12 mart 2017.
  17. ↑ "SOCAR отказалась от бурения новых скважин на газоконденсатном месторождении Умид". ABC.az. İstifadə tarixi: 12 mart 2017.[ölü keçid]
  18. ↑ "МЕСТОРОЖДЕНИE "УМИД" ОКАЗАЛСЯ SOCAR НЕ ПО СИЛАМ?". Haqqin.az. 2016-12-20 tarixində arxivləşdirilib. İstifadə tarixi: 12 mart 2017.
  19. ↑ "SOCAR продолжает буровые работы на месторождении Умид". 1News.az. 2015-10-15 tarixində arxivləşdirilib. İstifadə tarixi: 12 mart 2017.
  20. ↑ "SOCAR возобновляет бурение на месторождении Умид". Interfax. İstifadə tarixi: 12 mart 2017.
  21. ↑ "SOCAR объявила тендер на совместную разработку газовых месторождений на Каспии". Caspian Oil & Gas. 2016-03-04 tarixində orijinalından arxivləşdirilib. İstifadə tarixi: 12 mart 2017.
  22. ↑ "Umid gas field to bring $45bn of net income, expert (by Akper Hasanov, 06 December 2010)". News.az. 20 December 2016 tarixində orijinalından arxivləşdirilib. İstifadə tarixi: 12 mart 2017.
  23. ↑ "SOCAR'S GAS EXPORT PRICE PLUNGES BY CUTTING DELIVERIES TO RUSSIA". Azerbaijan Centre for Oil Studies. 2016-03-05 tarixində arxivləşdirilib. İstifadə tarixi: 12 mart 2017.
  24. ↑ "Our Business". Nobel Oil. 2015-04-02 tarixində orijinalından arxivləşdirilib. İstifadə tarixi: 12 mart 2017.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Nobel_Oil_Group&oldid=6673381"