Ceff Bezos

Vikipediya, açıq ensiklopediya
Keçid et: naviqasiya, axtar
Ceff Bezos
ing. Jeffrey Preston "Jeff" Bezos
Jeff Bezos' iconic laugh.jpg
Doğum tarixi: 12 yanvar 1964 (1964-01-12) (53 yaş)
Doğum yeri: Flag of the United States.svg ABŞ, Nyu-Meksiko, Albukerke
Atası: Ted Jorgensen
Anası: Jacklyn Bezos
Peşəsi: [Amazon.com]un sahibi və dünyanın ən varlı adamı (27 iyul 2017 dən etibarən)
Milliyyəti: Amerikan

Ceff Bezos (ing. Jeffrey Preston "Jeff" Bezos; d. 12 yanvar 1964, Albukerke, Nyu-Meksiko, ABŞ) — "Amazon.com" şirkətinin qurucusu, rəhbəri, baş icraçı direktoru.

Həyatı[redaktə | əsas redaktə]

Ceff Bezos 12 yanvar 1964-cü ildə Nyu-Meksiko ştatının Albukerke şəhərində dünyaya gəlib. Valideynlərinin evliliyi bir ildən artıq davam etməyib. Ceff doğulandan sonra onlar boşanıblar. 5 yaşı olarkən anası ABŞ-a təhsil almağa gələn kubalı Migel Bezos ilə ailə qurub. Ona görə də Ceff ögey atasının soyadını daşıyır.

O, uşaqlıqdan texniki elmlərə maraq göstərib, iti zəkaya və güclü yaddaşa malik olub. Onda mühəndis-konstruktor istedadı daha güclü idi. Belə ki, altı yaşı olarkən buterbrod hazırlamaq üçün folqadan və çətirdən "günəş mikrodalğalı soba" düzəldib.

Ceff gənc yaşlarında olarkən ailəsi Mayamiyə köçür. Prinston Universitetində elektron mühəndisliyi üzrə təhsil alır. Universiteti bitirənə yaxın, Ceff proqramçı kimi çalışmağa başlayır. O, "Wall Street", "Fitel", "Bankers Trust" və "Shaw" şirkətlərində işləyib.

O, bir onlayn mağaza yaratmaq arzusunda idi. Ancaq bu layihə üçün maliyyə lazım idi. Ceff onun layihəsi ciddi qarşılanmadığından investor tapa bilmirdi. Yalnız valideynləri ona görə risk etmiş oldular. Beş il sonra Bezos artıq dünyanın zəngin insanlarından biri idi.

Bezos işə başlamamışdan öncə satış bazarını analiz edir və bu qənaətə gəlir ki, poçt vasitəsilə satılan mallar arasında kitabların satışı zamanı kiçik tələbatdan istifadə edilir. Çünki böyük kataloqları göndərmək baha başa gəlirdi. Bu tip informasiyaları internetdə yerləşdirərək asanlıqla geniş auditoriyaya çatdırmaq mükəmməl bir iş idi.

Amerikalı sahibkar, Amazon İnternet-mağazasının yaradıcısı Cefri Bezos (Jeffrey Bezos) 2000-ci ildə “Blue Origin” şəxsi aerokosmik şirkətini yaratmış və hal-hazırda bu şirkətin rəhbəri vəzifəsində işləyir.

27 iyun 2017 tarixində Amazon-un 2-ci rüblük gəlirlərinin 1.46% qalxmasından sonra Ceff Bezos dünyanın ən varlı adamı, Microsoftun sahibi Bill Geytsi keçərək bu ünvanı əla aldığı açıqlandı. Onun əsas sərvəti Amazonun payına düşür. Ceff Amazonun 16.7% yəni, 81 milyon səhmə malikdir. Hal hazırda onun sərvəti 91.89 milyard ABŞ dolları təşkil edir. Bill Geyts isə 90.8 milyard dollar ilə ikinci yerdərir.[1]

"Amazon.com"[redaktə | əsas redaktə]

1994-cü ildə şəxsi şirkətini – "Amazon.com"u təsis edir. Onda Ceff öz qərarını belə xarakterizə edir:

"Mən həqiqətən bu ağılsızlığı etməyə hazırlaşıram. Mən internet vasitəsilə kitabların satışı ilə məşğul olacaq şirkətin əsasını qoymaq niyyətindəyəm".

Qısa zaman ərzində "Amazon.com" artıq ABŞ-ın "Barnes & Noble" kimi ən böyük ənənəvi kitab satışı şirkətilə müvəffəqiyyətlə rəqabət aparırdı. Bu səbəbdən “Barnes & Noble” şəxsi internet mağazaları açır. Ceff Bezosun əsas uğuru müştərilərə fərdi yanaşmasında idi.

1999-cu ildə "Amazon.com"un satış həcmi 8 milyard dollara çatır. Həmin il "The Times" jurnalı onu "ilin adamı" adlandırıb.

Ceff Bezos əldə etdiyi uğurlarla kifayətlənməyib. XXI əsrin başlanğıcında o, yeni şirkət yaradıb: "Blue Origin". Şirkət zamanla kosmik nəqliyyat vasitələrinin və texnologiyaların hazırlanması ilə məşğul olur.

Mənbə[redaktə | əsas redaktə]

  • Cahangir Atakişiyev. "Rabitə dünyası" qəzeti. № 2 (749), 18 yanvar 2014, səh.27.  (azərb.)
  • Əliquliyev R.M., Salmanova P.M. İnformasiya cəmiyyəti: maraqlı xronoloji faktlar. Bakı: “İnformasiya Texnologiyaları” nəşriyyatı, 2013, 169 səh.

Xarici keçidlər[redaktə | əsas redaktə]