Mark Zukerberq

Mark Zukerberq
ing. Mark Elliot Zuckerberg
Doğum tarixi	14 may 1984(1984-05-14) (38 yaş)
Doğum yeri	Uayt-Pleyns[d], Vestçester[d], Nyu-York ştatı, ABŞ
Vətəndaşlığı	ABŞ
Həyat yoldaşı	Priscilla Chan
Uşağı	Maxima Chan Zukerberq
Atası	Edvard Zukerberq
Anası	Karen Kempner
Milliyyəti	Amerikalı
Təhsili	Harvard Universiteti (sentyabr 2002–), Fillips Ekseter Akademiyası[d]
Fəaliyyəti	proqramçı, sahibkar, informatik, mesenat[d], baş icraçı direktor, xeyriyyəçi
Fəaliyyət illəri	2004-cü ildən
Üzvlüyü	Tsinxua Universiteti
Vikianbarda əlaqəli mediafayllar

Mark Elliot Zukerberq (14 may 1984, Uayt-Pleyns^[d], Nyu-York ştatı) — ictimai paylaşma saytı, sosial şəbəkə olan Facebook-un qurucusu Amerikalı sahibkar.

Zukerberq 2004-cü ildə Harvard Universitetindən olan yoldaşları Dastin Moskovits, Eduardo Sovarın və Kris Hyuces ilə birlikdə ictimai paylaşma saytı Facebooku quraraq dünyanın ən gənc milyarderi olmasıyla tanınır.

Həyatı

Mark Zukerberq 14 may 1984-cü ildə Nyu-York şəhərində doğulmuşdur. Atası Edvard diş həkimi, anası Karen psixiatr olmuşdur. Yəhudi olaraq böyüdülməsinə baxmayaraq ateist olduğunu demişdir.

Universitet illəri və Facebook

Liseydə oxuyarkən elm sahələrində bir çox mükafat alan Mark Zukerberq, ABŞ-ın ən nüfuzlu universitetlərindən biri olan Harvard Universitetinə daxil oldu. Universitetin ilk illərində ən yaraşıqlı və ən gözəl tələbələrinin seçildiyi www.facemash.com saytını düzəltdi. Saytda Harvard Universitetinin bütün tələbələrinin şəkilləri vardı. Ancaq fotoşəkilləri tapmaq üçün universitetin məlumat bölməsinə girmək lazım idi. Məlumat bölməsinə icazəsiz daxil olduğu bilinən Mark, cəza verildiyi üçün təhsilini yarımçıq qoyaraq Harvard universitetini tərk etmişdir. Bundan sonra Harvard Universitetinin tələbələrinin internet üzərində görüşdürmək üçün ikinci saytı olan Facebook saytını yaratdı. Facebook 18 ayda ABŞ-ın ən böyük ünsiyyət saytlarından biri oldu. Tezliklə facebook sərmayəçilərin çox böyük marağına səbəb olur və bu gün sahib olduğu 13 milyard 500 milyon dollarlıq büdcəyə malik olur. Mark Zukerberqin Facebook saytı 2011-ci ilin The Brand Finance Global 500 siyahısına görə dünyanın ən dəyərli 281-ci markası olur.

Maraqlı faktlar

• O, 2009-cu ildən qalstuk taxdığını deyir.
• O, həmişə futbolka geyinir. Çünki çox rahatdır, praktikdir, tez geyinmək və səhərlər vaxta qənaət etmək olur.
• Mark vegeteriandır. Amma bir müsahibəsində deyib ki, ancaq özünün kəsdiyi heyvanların ətini yeyəcək.
• Onun "Beast" ləqəbli itinin Facebook səhifəsinin 2 milyon izləyicisi var.
• Markı tənqid edirdilər ki, 19 milyard dolları olmağına baxmayaraq toyda öz həyat yoldaşına cəmi 25 min dollarlıq üzük taxıb.
• 2010-cu ildə Markı "Time" jurnalı ilin adamı seçib.
• "Simpsonlar" multserialında Mark Zukerberq özünü səsləndirib.
• Zukerberq daltonikdir. O yaşıl və qırmızı rəngləri seçə bilmir. Amma göy rəngi çox yaxşı görür. Ona görə də Facebookda göy rəng üstünlük təşkil edir. "Göy rəngi mənim üçün ən zəngin rəngdir. Mən göyün bütün çalarlarını görə bilirəm"- o deyir.

Xarici keçidlər

• http://bizplus.az/mark-zuckerberg-haqqinda/
• Vikianbarda Mark Zukerberq ilə əlaqəli mediafayllar var.
• Mark Zukerberq, Facebook (ing.)
• Mark Zukerberq, video-müsahibə Arxivləşdirilib 2011-10-20 at the Wayback Machine (ing.)
• Mark Zukerberq, video-müsahibə Arxivləşdirilib 2013-08-24 at the Wayback Machine jurnal "Time" (ing.)
• Mark Zuckerberg — Forbes