Cocuq Mərcanlı
| Kənd | |
| Cocuq Mərcanlı | |
|---|---|
 | |
|
|
|
|
39°23′28″ şm. e. 47°17′53″ ş. u. |
|
| Ölkə |
 Azərbaycan |
| Rayon | Cəbrayıl rayonu |
| Tarixi və coğrafiyası | |
| Saat qurşağı | |
| Əhalisi | |
| Əhalisi | 1428 (2018-ci il)[1] nəfər |
| Milli tərkibi | Azərbaycanlı |
| Rəsmi dili | Azərbaycan |
| Rəqəmsal identifikatorlar | |
| Telefon kodu | +994 |
| Poçt indeksi | AZ5900 |
| Nəqliyyat kodu | 14 |
|
| |
 Vikianbarda əlaqəli mediafayllar | |
Cocuq Mərcanlı — Azərbaycan Respublikasının Cəbrayıl rayonu Çaxırlı inzibati ərazi vahidində kənd. Yerli ləhcədə “Cojux Mərcannı” kimi tələffüz edilir[2].
1993-ci ildə Ermənistan Respublikası Silahlı Qüvvələri tərəfindən işğal edilib. Azərbaycan ordusunun 1994-cü ilin əvvəlində keçirdiyi Horadiz əməliyyatı zamanı kənd erməni işğalından azad olunub.
Tarixi[redaktə | əsas redaktə]
Yaşayış məntəqəsi XIX əsrdə Cavadağa Cavanşirə məxsus ərazidə salınmışdır. Etnotoponimdir. Mərcanlı tayfa adını özündə əks etdirir. Burada cocuq sözü yaşayış məntəqəsini Böyük Mərcanlı kəndindən fərqləndirməyə xidmət edir. Oykonim "kicik Mərcanlı kəndi" mənasındadır.[3].
1993-cü ildə Ermənistan ordusu hücuma keçərək Cəbrayıl rayonunun bütün ərazisini ələ keçirib və kənd tamamilə dağıdılıb. 4 ay sonra Azərbaycan ordusunun əks-hücumu nəticəsində Ermənistan ordusu kənddən çıxmağa məcbur olaraq kəndin ətrafındakı yüksəkliklərdə mövqe tutub. Atəşkəsdən sonrakı dövr ərzində kənd cəbhə zonasına çox yaxın yerləşdiyi üçün əhali ora qayıda bilməyib, burada cəmi bir nəfər – Oqtay Həziyev daimi yaşayıb. 2 aprel 2016-cı ildə Cocuq Mərcanlı kəndinə yaxın yerləşən Lələ təpə yüksəkliyi Dördgünlük müharibə zamanı Azərbaycan Ordusu tərəfindən işğaldan azad edilib.[4]
Əhali[redaktə | əsas redaktə]
Qarabağ müharibəsindən əvvəl kənddə 1075 nəfər – 283 ailə yaşayıb, məktəb, kitabxana, tibb məntəqəsi, poçt, dəyirman, yerli administrasiya fəaliyyət göstərib. Yerli sakinlər taxılçılıq, üzümçülük, heyvandarlıqla məşğul olub.
Aprel döyüşlərindən sonra Cocuq Mərcanlı kəndinə ilkin mərhələdə 50 ailə, ikinci mərhələdə isə 70 ailə köçürülüb. Ümumilikdə, 2018-ci il üçün 1428 nəfərin köçürüldüyü kəndə daha 30 məcburi köçkün ailəsinin köçürülməsi nəzərdə tutulub.
İqtisadiyyatı[redaktə | əsas redaktə]
Əsas təsərrüfatı heyvandarlıq idi.
10 fevral 2017-ci ildə işğaldan azad edilmiş Cəbrayıl rayonunun Cocuq Mərcanlı kəndinə gedən, ümumi uzunluğu 9 km olan avtomobil yolunun tikintisi məqsədi ilə 4,3 milyon (dörd milyon üç yüz min) manatı “Azəravtoyol” Açıq Səhmdar Cəmiyyətinə ayrılmışdır.[5]
Din[redaktə | əsas redaktə]
Kənddə Cocuq Mərcanlı kənd məscidi dini icması fəaliyyət göstərir[6].
İstinadlar[redaktə | əsas redaktə]
- ↑ Cocuq Mərcanlı sakinləri necə yaşayır?
- ↑ Гаджиев Г. И. Восстановление древних морфем в тюркских языках // Этимологические и историко-морфологические исследования тюркских языков. — Б., 1987. — С. 7.
- ↑ "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
- ↑ President (24 yanvar 2017). "İşğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı tədbirlər haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-01-28.
- ↑ "Cəbrayıl rayonunun Cocuq Mərcanlı kəndinə gedən avtomobil yolunun tikintisi ilə bağlı əlavə tədbirlər haqqında Azərbaycan Respublikası Prezidentinin Sərəncamı" (azərb.). president.az. 10 fevral 2017. İstifadə tarixi: 2017-02-11.
- ↑ MÜSƏLMAN DİNİ İCMALAR - 2017-ci ildə qeydiyyatdan keçənlər. scwra.gov.az (azərb.)
Həmçinin bax[redaktə | əsas redaktə]
Xarici keçidlər[redaktə | əsas redaktə]
|
Cəbrayıl rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
|
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
