Dövlət Xatun
| Dövlət Xatun | |
|---|---|
.jpg) Dəfn edildiyi Dövlət Xatun türbəsi, Bursa | |
| Əvvəlki | Gülçiçək Xatun |
| Sonrakı | Əminə Xatun |
| Şəxsi məlumatlar | |
| Doğum tarixi | 1361 və ya 1365 |
| Doğum yeri | |
| Vəfat tarixi | 23 yanvar 1414[1] və ya 1411 |
| Vəfat yeri | |
| Dəfn yeri | Dövlət Xatun türbəsi, Bursa |
| Fəaliyyəti | əsilzadə |
| Həyat yoldaşı | İldırım Bəyazid |
| Uşaqları | I Mehmed, Mustafa Çələbi |
| Dini | islam |
 Vikianbarda əlaqəli mediafayllar | |
Dövlət Xatun (1361 və ya 1365, Kütahya – 23 yanvar 1414[1] və ya 1411, Ədirnə) — 4-cü Osmanlı sultanı İldırım Bəyazidin xanımı və Çələbi Mehmedin anası, Validə sultan.[2]
Həyatı
[redaktə | mənbəni redaktə et]1361-ci ildə dünyaya gəldiyi ehtimal olunur. İldırım Bəyazidin Kütahya sancaqbəyi olduğu illərdə saraya alındığı və yeganə övladını da burada dünyaya gətirdiyi bilinir. Saraya necə alındığı bilinməsə də, vəqf sənədlərində "Abdullah qızı" olaraq anılır və bu səbəblə saraya cariyə olaraq alındığı anlaşılır.
1386-cı ildə yeganə övladı olan Mehmed Çələbini dünyaya gətirdi. Bəzi mənbələrdə İsa Çələbinin də anasının Dövlət Xatun olduğu qeyd edilsə də, bu məlumat yanlışdır. Belə ki, İsa Çələbi İldırım Bəyazidin xanımlarından və Gərmiyanoğlu Süleyman bəyin qızı olan Dövlətşah Xatundan dünyaya gəlmişdir.
1393-cü ildə Amasya sancaqbəyi təyin edilən oğlu Mehmed Çələbiylə birlikdə Amasyaya yollandı və 1402-ci ilədək burada qaldı. Ankara döyüşü və ardından başlayan taxt mübarizəsi illərində Bursada yaşayan Dövlət Xatun oğlunun 1413-cü ildə hakimiyyəti ələ almasıyla Ədirnə sarayına gətirildi. Burada sultanın anası olaraq nüfuz qazandı. Ancaq çox keçmədən 23 yanvar 1414-cü ildə Ədirnədə vəfat etdi. Cənazəsi oğlu tərəfindən Bursada inşa olunan Dövlət Xatun türbəsinə dəfn edildi.
Mənbə
[redaktə | mənbəni redaktə et]- Sakaoğlu, Necdet, Bu mülkün kadın sultanları: Vâlide sultanlar, hâtunlar, hasekiler, kadınefendiler, sultanefendiler, Oğlak Yayıncılık. (2008) ISBN 978-9-753-29623-6
- Bahadıroğlu, Yavuz, Resimli Osmanlı Tarihi, Nesil Yayınları, 15. Baskı, 2009, ISBN 978-975-269-299-2
İstinadlar
[redaktə | mənbəni redaktə et]- ↑ 1 2 Sakaoğlu, Necdet. Bu mülkün kadın sultanları. — İstanbul: Oğlak Yayıncılık, 2015. — 574 p. // (unspecified title).
- ↑ Peirce, Leslie P., The Imperial Harem: Women and Sovereignty in the Ottoman Empire, Oxford University Press, 1993, ISBN 0-19-508677-5
 | ||
|---|---|---|
| Ailəsi | Dövlət Xatun • Şahzadə Qumru Xanım • Əminə Xatun • II Murad • Mustafa Çələbi • Mehmed Çələbi • Əhməd Çələbi • Qasım Çələbi • Mahmud Çələbi • Yusif Çələbi • Orxan Çələbi • Səlcuq Xatun • Sultan Xatun • Sitti Xatun • Hafsa Xatun • İlaldi Xatun • İnci Xatun • Ayşə Xatun |  |
| Sədrəzəmlər | ||
| Kaptan-ı dəryalar | Çavlı bəy | |
