Səlcuq Xatun

Səlcuq Xatun
سلجوق بن جلبي محمد
Şəxsi məlumatlar
Doğum tarixi	1407(1407)
Doğum yeri	Ədirnə, Osmanlı imperiyası
Vəfat tarixi	25 oktyabr 1485
Vəfat yeri	Bursa, Türkiyə
Atası	I Mehmed
Anası	Qumru Xatun
Həyat yoldaşları	Candaroğlu İbrahim bəy Qaraca Paşa
Uşaqları	Xədicə Xatun (ö. 1502) Əmir Yusif bəy Hafsa Xatun İshaq Bali bəy

Səlcuq Xatun (Osmanlıca: سلجوق بن جلبي محمد) (d. 1407 - ö. 25 oktyabr 1485) — 5-ci Osmanlı sultanı Çələbi Mehmedin qızı. Bibi Sultan olaraq anılır.

Həyatı

Səlcuq Xatun 1407-ci ildə Ədirnədə dünyaya gəldi. Atası Sultan Çələbi Mehmed, anası isə onun kənizlərindən Qumru Xatundur. 1425-ci ildə Candaroğlu İsfəndiyar bəyin oğlu İbrahim bəylə evləndirildi. Ərinin vəfatından sonra 1443-cü ildə Anadolu bəylərbəyi Qaraca Paşa ilə evləndi. Ancaq bir il sonra ərinin vəfat etməsinin ardından Bursaya qayıtdı və qalan ömrünü burada keçirdi.

II Bəyazid və Cem Sultan arasında başlayan taxt mübarizəsində Böyük bibi ünvanıyla sülh danışıqları apardı. Cem Sultanın 1481-ci ildə Bursadakı 22 günlük səltənəti əsnasında onun tərəfində durdu. Səlcuq Xatunun köşkü Bursadakı Cem Sultan tərəfdarlarının mərkəzi iqamətgahına çevrilmişdi. II Bəyazidin orduyla Bursaya irəliləməsini eşidən Cem Sultan böyük bibisi Səlcuq Xatunu bir qrup üləma ilə birlikdə qardaşının yanına göndərdi. Səlcuq Xatun qardaşı nəvəsinə qardaş qanı axıtmamasını və ölkə torpaqlarının bölüşdürülməsini məsləhət gördü. Ancaq dövlət adamlarının buna qarşı çıxması nəticəsində Bibi Sultanın bu təklifi rədd edildi.

Ardından Bursaya qayıdan Səlcuq Sultan 2 qardaş arasındakı bu müharibəyə son qoya bilmədi və 1485-ci ildə Bursada vəfat etdi. Cənazəsi Yaşıl türbədə dəfn edilmişdir.

Mənbə

• Necdet Sakaoğlu, Bu Mülkün Kadın Sultanları, 4. baskı