Xədicə Sultan (V Muradın qızı)

Vikipediya, azad ensiklopediya
Jump to navigation Jump to search
Xədicə Sultan
خديجة خاتون
V-muradin-kizi-hatice-sultan.jpg 1924-cü il, Nitsa
Şəxsi məlumatlar
Doğum tarixi 4 may 1870(1870-05-04)
Doğum yeri İstanbul, Osmanlı imperiyası
Vəfat tarixi 13 mart 1938 (68 yaşında)
Vəfat yeri
Dəfn yeri
Atası V Murad
Anası Şayan Qadınəfəndi
Həyat yoldaşı Əli Vasif Bəy
Rauf Xeyrəddin Paşa
Uşağı Ayşə Xanım
Osman
Xeyri
Səlma

Xədicə Sultan (d. 4 may 1870, İstanbul– ö. 13 mart 1938, Beyrut ) — 33. Osmanlı sultanı V Muradın qızı.

Həyatı[redaktə | əsas redaktə]

V Muradın qızı Xədicə Sultan və nəvəsi Səlma xanım Sultan

1870 tarixində İstanbulda dünyaya gəlmişdir. Anası Şayan Kösəm Sultandır. Dünyaya gəlişindən qısa müddət öncə Əbdüləziz şahzadələrin birdən çox övlad sahibi olmasına qarşı çıxmış, bu səbəbdən gizli olaraq böyüdülmüşdür. Atasının taxtdan endirilməsinin ardından ailəsi ilə birlikdə Çırağan Sarayında həbs həyatı yaşadı. Burada atasının nəzdində mükəmməl təhsil aldı. II Əbdülhəmidə məktub yazaraq evlənmək istəyini bildirdi. 31 yaşında ikən II Əbdülhəmid tərəfindən bacısı Fəhimə Sultanla birlikdə bir daha geri dönməmək üzrə Ulduz Sarayına göndərildi.[1] 12 sentyabr 1901 tarixində Əli Vasif bəylə evləndirildi. Bu cütlük II Əbdülhəmidin hədiyyə etdiyi Ortaköydəki köşkdə yaşadı. Bu evlilikdən bir qız uşaqları dünyaya gəlsə də, 1908-ci ildə bu cütlük boşandı. Xədicə Sultan ikinci evliliyini Xarici işlər katiblərindən olan Rauf Xeyrəddin Paşa ilə həyata keçirdi. Bu evlilik I Dünya Müharibəsi illərində boşanma ilə nəticələndi.[1] Xədicə Sultanın bu evlilikdən iki övladı dünyaya gəldi. 1924-cü ildə qəbul edilən sürgün qərarı ilə Beyruta getdi. 1938-ci ildə Beyrutda yoxluq və səfalət içində həyatını itirdi. Məzarı Şamda Yavuz Sultan Səlim Məscidindəki Osmanlı Xanədan qəbiristanlığındadır.[2] Həyatı Kənizə Murad tərəfindən yazılan "Saraydan sürgünə" adlı kitabda qeyd edilir.

Övladları[redaktə | əsas redaktə]

  • Ayşə xanım Sultan (d. 1902) - Atası Əli Vasif bəydir. 1920 tarixində İşkodralizadə Cəlal ilə evləndirildi.
  • Sultanzadə Osman bəy (1910-1911) - Atası Rauf Xeyrəddin Paşadır.
  • Sultanzadə Xeyri bəy (1912-195?) - Atası Rauf Xeyrəddin Paşadır.
  • Səlma xanım Sultan (1914-1941) - Atası Rauf Xeyrəddin Paşadır. 1938-ci ildə Seyid Hüseyn Kotvara ilə evlənmişdir. 1 övladı olmuşdur.

Mənbə[redaktə | əsas redaktə]

  1. 1 2 http://arsiv.zaman.com.tr//2000/05/24/yazarlar/13.html
  2. http://www.enfal.de/osmanlitarihihasircizade/033.htm