Fatma Nəslişah Sultan

Vikipediya, azad ensiklopediya
Jump to navigation Jump to search
Fatma Nəslişah Sultan
فاطمة نسليشة سلطان
Princess Fatma Neslişah.jpg
Şəxsi məlumatlar
Doğum tarixi 4 fevral 1921
Doğum yeri İstanbul, Osmanlı imperiyası
Vəfat tarixi 2 aprel 2012 (91 yaşında)
Vəfat yeri
Dəfn yeri Aşiyan məzarlığı
Atası Ömər Fərrux Əfəndi
Anası Sabiha Sultan
Həyat yoldaşı Məhəmməd Əbdül Moneim
Uşaqları Şahzadə Abbas Hilmi
İqbal Sultan
Commons-logo.svg Vikianbarda əlaqəli mediafayllar

Fatma Nəslişah Sultan (d. 4 fevral 1921 - ö. 2 aprel 2012) — son Osmanlı padşahı VI Mehmed Vahidəddin və son xəlifə II Əbdülməcidin nəvəsi. Osmanlı Xanədan dəftərinə adı yazılan son Osmanlıdır. Misir kral naibi Məhəmməd Əbdül Moneimin xanımıdır.

Həyatı[redaktə | əsas redaktə]

4 fevral 1921-ci ildə anası Sabiha Sultanın Nişandaşındakı köşkündə dünyaya gəlmişdir. Atası son Osmanlı xəlifəsi Əbdülməcid Əfəndinin oğlu Ömər Fərrux Əfəndi, anası son Osmanlı sultanı VI Mehmed Vahidəddinin qızı Sabiha Sultandır. Dünyaya gəlişi 121 top atəşi və sultanın onun adına kəsdirdiyi sikkələrlə qeyd edildi. Daha sonra XanzadəNəcla adlı iki bacısı dünyaya gəldi. Osmanlı ailəsinin sürgünə gedişinə qədər Dolmabağça sarayında yaşadılar.

3 yaşında ikən 3 mart 1924 tarixli qanunla sürgünə göndərilənlər arasında yer aldı. Ailəsi sürgünün ilk illərini Fransanın Nitsa şəhərində keçirdi. Burada ilk təhsilini aldı. Daha sonra ailəsiylə birlikdə Misirə getdi. Fransızca, almanca, ingiliscəərəbcə öyrəndi. 1940-cı ilin sentyabrında Misirin son hidivi Abbas Hilmi Paşanın oğlu Şahzadə Məhəmməd Əbdül Moneimlə evləndi. Bu nigahdan Şahzadə Abbas Hİlmi və İqbal Sultan adlı 2 övladı dünyaya gəldi.

Misirdəki 1952 tarixli çevrilişdən sonra əri "kral naibi" və Nəslişah Sultan Misirin "first lady"si oldu. Krallığın ləğvinə qədər bu vəzifədə qaldı. Ancaq cumhuriyyətin elanından sonra əri ilə birlikdə bəzi çevriliş cəhdlərinə adı qarışdı və aylarla davam edən məhkəmə prosesinin ardından Misirdən çıxmalarına icazə verildi. İkinci dəfə sürgün olunan Nəslişah Sultan əri ilə birlikdə Fransaya getdi və 1963-cü ilədək burada yaşadı.

1952-ci ildə TürkiyəOsmanlı ailəsinə mənsub qadınların ölkəyə qayıtması barədə verilən qanundan sonra tez-tez vətənə gələn Nəslişah Sultan 1963-cü ildən Türkiyədə yaşamağa başladı. Yenidən türk vətəndaşlığına keçən Nəslişah Sultan "Osmanoğlu" soyadını aldı. Əri Məhəmməd Əbdül Moneim 2 dekabr 1980-ci ildə vəfat etdi və Misir hökumətinin icazəsiylə Qahirədə dəfn olundu.

Nəslişah Sultan isə 2 aprel 2012-ci ildə 91 yaşında vəfat etdi. Cənazəsi anası və qardaşının yanında Aşiyan məzarlığına dəfn olundu.

Övladları[redaktə | əsas redaktə]

Qalereya[redaktə | əsas redaktə]

Mənbə[redaktə | əsas redaktə]