Beyhan Sultan (Sultan İbrahimin qızı)

Beyhan Sultan
بيحان بن ابراهيم
Şəxsi məlumatlar
Doğum tarixi	1645
Doğum yeri	İstanbul, Osmanlı imperiyası
Vəfat tarixi	15 dekabr 1700
Vəfat yeri	İstanbul, Osmanlı İmperiyası
Atası	Sultan İbrahim
Anası	Turhan Xədicə Sultan
Həyat yoldaşları	Kiçik Həsən Paşa Həzərparə Əhməd Paşa Uzun İbrahim Paşa Mustafa Paşa

Beyhan Sultan (Osmanlıca: بيحان بن ابراهيم) (d. 1645 - ö. 15 dekabr 1700) — 18-ci Osmanlı sultanı Sultan İbrahimin qızı.

Həyatı

Beyhan Sultan 1645-ci ildə İstanbulda dünyaya gəlmişdir. Atası Sultan İbrahim, anası isə Turhan Xədicə Sultandır. Hələ 1 yaşında ikən atası onu Kiçik Həsən Paşayla nigahlamışdı. Bu tamamilə siyasi bir evlilik idi və məqsəd paşanı özünə tabe etmək idi. Ancaq olduqca yaşlı olan Həsən Paşa bir il sonra vəfat etdi və Beyhan Sultan hələ 2 yaşında ikən "dul" qaldı. Ardından atası Sultan İbrahimin məcburiyyəti ilə öz xanımından ayrılan sədrəzəm Həzərparə Əhməd Paşa ilə evləndirildi. Ancaq 1 il sonra ərinin edam edilməsiylə yenidən dul qaldı. Atası Sultan İbrahimin taxtdan endirilməsi və ardından edam edilməsi ilə qardaşı IV Mehmed taxta çıxdı. Nəhayət 1669-cu ildə 24 yaşında ikən öz istəyilə Uzun İbrahim Paşa ilə evləndi.

Bu dəfə də ərinin 1683-cü ildə edam edilməsinin ardından 1689-cu ildə Mustafa Paşa ilə evləndi. 1699-cu ildə əri, bir il sonra 15 dekabr 1700-cü ildə isə özü vəfat etdi. Məzarı Sultan Süleyman türbəsindədir.

Mənbə

• Necdet Sakaoğlu, Bu Mülkün Kadın Sultanları, 4. baskı, s. 261