Zübeydə Sultan

Vikipediya, açıq ensiklopediya
Jump to navigation Jump to search
Zübeydə Sultan
زبيدي بن أحمد - ساليس
Şəxsi məlumatlar
Doğum tarixi 29 mart 1728(1728-03-29)
Doğum yeri İstanbul, Osmanlı imperiyası
Vəfat tarixi 4 iyun 1756 (28 yaşında)
Vəfat yeri
Dəfn yeri
Atası III Əhməd
Anası Əminə Müsəllin Qadınəfəndi
Həyat yoldaşı Numan Paşa

Zübeydə Sultan (Osmanlıca: زبيدي بن أحمد - ساليس) (d. 29 mart 1728 - ö. 4 iyun 1756) — 23-cü Osmanlı sultanı III Əhmədin qızı.

Həyatı[redaktə | əsas redaktə]

Zübeydə Sultan 1728-ci ildə İstanbulda dünyaya gəlmişdir. Atası III Əhməd, anası isə xanımlarından Əminə Musəllin Qadınəfəndidir. Hələ 2 yaşında atası taxtdan endirilmiş, bu səbəblə bütün bacı-qardaşları kimi Köhnə sarayda yaşamağa başlamışdır. Buna baxmayaraq atasından sonra taxta çıxan əmisi oğlu Sultan Mahmud ona qarşı olduqca mülayim olmuşdur. Hətta 1747-ci ilin avqustunda onun adına sahildə bir köşk də inşa etdirmişdi.

6 yanvar 1748-ci ildə Anadolu bəylərbəyi Süleyman Paşa ilə nişanlansa da, nişandan bir neçə ay sonra paşa vəfat etdi. Daha sonra 6 yanvar 1749-cu ildə qapıçılar kəndxudası Numan ağa ilə evləndirildi. Bu səbəblə ona vəzirlik ünvanı verildi və Saloniki sancaqbəyi oldu. Əri uzun müddət müxtəlif əyalətlərdə xidmət etdi.

Sultan Əhmədin digər qızları kimi Zübeydə Sultan da gənc yaşda 1756-cı ildə vəfat etdi. Cənazəsi Yeni məsciddə dəfn olundu.

Mənbə[redaktə | əsas redaktə]

  • Sakaoğlu, Necdet (2008). Bu mülkün kadın sultanları: Vâlide sultanlar, hâtunlar, hasekiler, kadınefendiler, sultanefendiler. Oğlak Yayıncılık. p. 303. ISBN 978-9-753-29623-6
  • Târîh-i Râşid ve Zeyli (Râşid Mehmed Efendi ve Çelebizâde İsmaîl Âsım Efendi) (1071-1141/1660-1729) Cilt I-III. 2013. ISBN 978-6-055-24512-2
  • Haskan, Mehmed Nermi (2008). Eyüp Sultan tarihi – Volume 1. Eyüp Belediyesi Kültür Yayınları. ISBN 978-9-756-08704-6
  • Uluçay, Mustafa Çağatay (1985). Padışahların kadınları ve kızları. Türk Tarihi Kurumu Yayınları. p. 220.
  • Şemʼdânî-zâde Fındıklılı, Süleyman Efendi (1976). Aktepe, M.Münir, ed. Şemʼdânî-zâde Fındıklılı Süleyman Efendi târihi Mürʼiʼt-tevârih-Volume 1. Edebiyat Fakültesi Matbaası