Elçin Quliyev (general-polkovnik)

Vikipediya, azad ensiklopediya
(Elçin Quliyev (general) səhifəsindən istiqamətləndirilmişdir)
Jump to navigation Jump to search
Vikipediyada bu ad-soyadlı digər şəxslər haqqında da məqalələr var; bax: Elçin Quliyev.
Elçin Quliyev
Elçin Quliyev.jpg
bayraqAzərbaycan Dövlət Sərhəd Xidmətinin rəisibayraq
Vəzifədədir
31 iyul 2002-ci ildən
Prezident Heydər Əliyev
İlham Əliyev
Sələfi vəzifə təsis edilib
bayraqAzərbaycan Dövlət Sərhəd Xidmətinin Sərhəd Qoşunlarının komandanıbayraq
27 mart 2001 — 5 iyun 2017
bayraqAzərbaycan milli təhlükəsizlik nazirinin müavinibayraq
27 mart 2001 — 31 iyul 2002
Nazir Namiq Abbasov
Sələfi Abbasəli Novruzov
Şəxsi məlumatlar
Doğum tarixi (54 yaş)
Doğum yeri Sumqayıt, Azərbaycan SSR, SSRİ
Vətəndaşlığı Azərbaycan Azərbaycan
Təhsili Heydər Əliyev adına Azərbaycan Ali Hərbi Məktəbi
Hərbi xidmət
Xidmət illəri 1984—h. h.
Mənsubiyyəti Azərbaycan Azərbaycan Silahlı Qüvvələri
Qoşun növü Azerbaijan Border Guards seal.svg Sərhəd Qoşunları
Rütbəsi
Azərbaycan Silahlı Qüvvələrinin Quru Qoşunlarının general-polkovniki.png General-polkovnik
Təltifləri
"Zəfər" ordeni — 2020 "Azərbaycan Bayrağı" ordeni — 2002 "Azərbaycan Bayrağı" ordeni — 2017 1-ci dərəcəli "Rəşadət" ordeni
1-ci dərəcəli "Vətənə xidmətə görə" ordeni "Hərbi xidmətdə fərqlənməyə görə" 1-ci dərəcəli medalı "Hərbi xidmətdə fərqlənməyə görə" 2-ci dərəcəli medalı "Hərbi xidmətdə fərqlənməyə görə" 3-cü dərəcəli medalı
"Hərbi əməkdaşlıq sahəsində xidmətlərə görə" medalı "Azərbaycan Respublikası Silahlı Qüvvələri Veteranı" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı
"Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı "Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı
"Qüsursuz xidmətə görə" 3-cü dərəcəli medalı "Azərbaycan Polisinin 90 illiyi (1918–2008)" yubiley medalı "Azərbaycan Polisinin 95 illiyi (1918–2013)" yubiley medalı "Azərbaycan Polisinin 100 illiyi (1918-2018)" yubiley medalı
"Azərbaycan Respublikası milli təhlükəsizlik orqanlarının 90 illiyi (1919-2009)" yubiley medalı "Azərbaycan Respublikası milli təhlükəsizlik orqanlarının 95 illiyi (1919-2014)" yubiley medalı "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı "Azərbaycan Sərhəd Mühafizəsinin 90 illiyi (1919-2009)" yubiley medalı
"Azərbaycan Sərhəd Mühafizəsinin 95 illiyi (1919-2014)" yubiley medalı "Azərbaycan Sərhəd Mühafizəsinin 100 illiyi (1919-2019)" yubiley medalı "Azərbaycan Respublikası Fövqəladə Hallar Nazirliyinin 5 illiyi (2005–2010)" yubiley medalı "Azərbaycan Respublikası Fövqəladə Hallar Nazirliyinin 10 illiyi (2005–2015)" yubiley medalı
"Azərbaycan Respublikası Dövlət Gömrük Komitəsinin 20 illiyi (1992–2012)" yubiley medalı "Azərbaycan Respublikası Dövlət Gömrük Komitəsinin 25 illiyi (1992–2017)" yubiley medalı "Azərbaycan Respublikası Xüsusi Dövlət Mühafizə Xidmətinin 20 illiyi (1993-2013)" yubiley medalı "Azərbaycan Respublikası Xüsusi Dövlət Mühafizə Xidmətinin 25 illiyi (1993–2018)" yubiley medalı
Vikianbarın loqosu Vikianbarda əlaqəli mediafayllar

Elçin İsaağa oğlu Quliyev (22 sentyabr 1967, Sumqayıt) — Azərbaycan hərbi və dövlət xadimi, Azərbaycan Silahlı Qüvvələrinin general-polkovniki, Dövlət Sərhəd Xidmətinin rəisi (2002—h. h.), Sərhəd Qoşunlarının komandanı (2001–2017), Azərbaycan milli təhlükəsizlik nazirinin müavini (2001–2002).

Həyatı[redaktə | mənbəni redaktə et]

Elçin Quliyev 1967-ci il sentyabrın 22-də Sumqayıt şəhərində anadan olmuşdur.[1]

Elçin Quliyev 1974–1978-ci illərdə Sumqayıt şəhərində 20 nömrəli tam orta məktəbdə, 1978–1982-ci illərdə isə Sumqayıt şəhərində 23 nömrəli tam orta məktəbdə təhsil almışdır. Daha sonra o, 1982–1984-cü illərdə Cəmşid Naxçıvanski adına Hərbi Liseydə təhsil almışdır. 1984-cü ildə isə Bakı Ali Birləşmiş Komandalıq Məktəbinə (BABKM) qəbul olunmuş və 1988-ci ildə həmin təhsil müəssisəsini bitirmişdir.[1]

Fövqəladə hallar naziri Kəmaləddin Heydərovun qudasıdır.[2]

Fəaliyyəti[redaktə | mənbəni redaktə et]

Elçin Quliyev 1988–1992-ci illərdə Sovet Ordusunun Polşada yerləşən Şimal Qrupunda bir sıra vəzifələrdə xidmət etmişdir.[1]

1992-ci ildə isə Azərbaycan Ordusunun sıralarında xidmət etməyə başlamışdır.[1] 1992–1996-cı illərdə Xudat Əlahiddə Nəzarət Buraxılış Məntəqəsinin rəisi, 1996–2001-ci illərdə isə Xudat Sərhəd Dəstəsinin rəisi vəzifələrində xidmət etmişdir.[1]

Azərbaycan Prezidenti Heydər Əliyevin 27 mart 2001-ci il tarixli 450 nömrəli Fərmanına əsasən Elçin Quliyev Azərbaycan milli təhlükəsizlik nazirinin müavini — Sərhəd Qoşunlarının Komandanı təyin edilmişdir.[3]

2001-ci il avqustun 15-də isə Elçin Quliyevə Azərbaycan Prezidenti Heydər Əliyevin Fərmanına əsasən "general-mayor" hərbi rütbəsi vermilmişdir.[4]

Azərbaycan Prezidenti Heydər Əliyevin 27 mart 2002-ci il tarixli 680 nömrəli Fərmanına əsasən Elçin Quliyev "Azərbaycan Bayrağı" ordeni ilə təltif edilmişdir.[5]

Azərbaycan Prezidenti Heydər Əliyevin 31 iyul 2002-ci il tarixli 742 nömrəli Fərmanına əsasən Elçin Quliyev Azərbaycan milli təhlükəsizlik nazirinin müavini — Sərhəd Qoşunlarının Komandanı vəzifəsindən azad edilmişdir və Dövlət Sərhəd Xidmətinin rəisi — Sərhəd Qoşunlarının Komandanı təyin edilmişdir.[6][7]

2003-cü il mayın 17-də Elçin Quliyevə Azərbaycan Prezidenti Heydər Əliyevin Fərmanına əsasən "general-leytenant" hərbi rütbəsi verilmişdir.

2014-cü il avqustun 15-də isə Elçin Quliyevə Azərbaycan Prezidenti İlham Əliyevin Sərəncamına əsasən "general-polkovnik" hərbi rütbəsi verilmişdir.

Azərbaycan Milli Olimpiya Komitəsinin 2009-cu il martın 5-də baş tutan növbəti hesabat yığıncağında Elçin Quliyev Azərbaycan Atçılıq Federasiyasının (ARAF) Prezidenti seçilmişdir.

Azərbaycan Prezidenti İlham Əliyevin 5 iyun 2017-ci il tarixli 2960 nömrəli Sərəncamına əsasən Elçin Quliyev Dövlət Sərhəd Xidmətinin rəisi — Sərhəd Qoşunlarının Komandanı vəzifəsindən azad edilmişdir və Dövlət Sərhəd Xidmətinin rəisi vəzifəsinə təyin edilmişdir.

Azərbaycan Prezidenti İlham Əliyevin 21 sentyabr 2017-ci il tarixli 3245 nömrəli Sərəncamına əsasən Elçin Quliyev "Azərbaycan Bayrağı" ordeni ilə təltif edilmişdir.

Elçin Quliyev Azərbaycan Prezidenti İlham Əliyevin Sərəncamlarına əsasən Sərhəd Mühafizəsinin 99 illiyi münasibətilə 16 avqust 2018-ci ildə "Vətənə xidmətə görə" 1-ci dərəcəli ordeni ilə, Sərhəd Mühafizəsinin 100 illiyi münasibətilə isə 16 avqust 2019-cu ildə 1-ci dərəcəli "Rəşadət" ordeni ilə təltif edilmişdir.

Vətən müharibəsi zamanı Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev tərəfindən Dövlət Sərhəd Xidmətinin qarşısında qoyulmuş döyüş tapşırıqları general-polkovnik E.Quliyevin rəhbərliyi altında uğurla icra olunmuş, Füzuli, Cəbrayıl, Zəngilan və Qubadlı rayonlarının, Hadrut qəsəbəsinin və Şuşa şəhərinin azad olunmasında Azərbaycan sərhədçiləri qəhrəmanlıq və igidlik nümunələri göstərmişlər.

Döyüş əməliyyatlarının ilk günündən başlayaraq Azərbaycan sərhədçiləri Füzuli rayonu ərazisindəki təmas xəttindən Ermənistanla dövlət sərhədinədək böyük bir ərazini azad etmişlər. 24 saat ərzində 105 kilometr məsafədə ildırımsürətli hücumla düşmənə sarsıdıcı zərbələr endirərək yüzlərlə canlı qüvvəsini məhv etmiş, Qədim Xudafərin körpüsündə, Zəngilan rayonunun Ağbənd qəsəbəsində və Zəngilan şəhərində Dövlət bayrağını sancmış, qızğın döyüşlər nəticəsində Ermənistanla dövlət sərhədində "Bartaz" və "Şükürataz" strateji yüksəkliklərini azad etmişlər. Məhz DSX-nın uğurlu taktikası nəticəsində AN-2 təyyarələrinin pilotsuz uçuş aparatları kimi modernləşdirilərək müasir döyüş elementləri sırasına əlavə edilməsi və xüsusi tətbiqi nəticəsində düşmənin hava hücumundan müdafiə sistemlərinin və digər strateji hədəflərinin aşkarlanaraq məhv edilməsinə nail olunmuşdur.

Dövlət Sərhəd Xidmətinin "Harop", "Quzğun" pilotsuz uçuş aparatlarının peşəkar tətbiqi nəticəsində düşmənin strateji əhəmiyyətli hədəfləri, o cümlədən "Toçka-U", "Elbrus" (SKAD) operativ–taktiki raket kompleksləri, "S-300", "KRUQ", "OSA" "KUB", "TOR" zenit-raket kompleksləri, radio elektron-mübarizə stansiyaları, tankları, zirehli döyüş maşınları və digər texnikası, komanda idarəetmə məntəqələri məhv edilmiş, ümumilikdə 290 düşmən hədəfi, çoxsaylı canlı qüvvəsi zərərsizləşdirilmişdir.

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Elçin Quliyev "Zəfər" ordeni ilə təltif edildi.[8]

Təltifləri[redaktə | mənbəni redaktə et]

Elçin Quliyev Azərbaycan Prezidenti İlham Əliyevi yeni inşa edilən "Tufan" tipli sərhəd gözətçi gəmisi ilə tanış edən zaman (10.01.2019)

Elçin Quliyev Azərbaycan Prezidentlərinin Fərmanlarına və Sərəncamlarına əsasən 5 dəfə Azərbaycanın ordenləri ilə təltif edilmişdir.

Ailəsi[redaktə | mənbəni redaktə et]

Elçin Quliyev Nailə Quliyeva ilə ailəlidir. Salehə və Aliyə adında 2 qızı, Məhəmməd və Əli adında isə 2 oğlu var.[1]

Qızı 2017-ci ilin iyulunda Azərbaycan Respublikasının Baş nazirinin sabiq müavini Əli Həsənovun nəvəsi ilə ailə həyatı qurmuşdur.

İstinadlar[redaktə | mənbəni redaktə et]

  1. ↑ 1 2 3 4 5 6 Dövlət Sərhəd Xidməti. "Dövlət Sərhəd Xidmətinin rəisi Elçin İsaağa oğlu Quliyevin tərcümeyi-halı". www.dsx.gov.az ( (az.)). 02.05.2021. 2021-05-03 tarixində arxivləşdirilib. İstifadə tarixi: 02.05.2021.
  2. ↑ "Arxivlənmiş surət". 2022-07-17 tarixində arxivləşdirilib. İstifadə tarixi: 2022-07-17.
  3. ↑ Normativ hüquqi sənədlərin vahid internet bazası. "Elçin İsaağa oğlu Quliyevin Azərbaycan milli təhlükəsizlik nazirinin müavini — Sərhəd Qoşunlarının Komandanı təyin edilməsi haqqında Azərbaycan Prezidentinin Fərmanı". www.e-qanun.az ( (az.)). 02.05.2021. 2021-05-02 tarixində arxivləşdirilib. İstifadə tarixi: 02.05.2021.
  4. ↑ Normativ hüquqi sənədlərin vahid internet bazası. "Elçin İsaağa oğlu Quliyevə general-mayor hərbi rütbəsinin verilməsi haqqında Azərbaycan Prezidentinin Fərmanı". www.e-qanun.az ( (az.)). 02.05.2021. 2021-05-02 tarixində arxivləşdirilib. İstifadə tarixi: 02.05.2021.
  5. ↑ 1 2 Normativ hüquqi sənədlərin vahid internet bazası. "Azərbaycan Milli Təhlükəsizlik Nazirliyinin bir qrup hərbi qulluqçusunun təltif edilməsi haqqında Azərbaycan Prezidentinin Fərmanı". www.e-qanun.az ( (az.)). 02.05.2021. 2021-05-03 tarixində arxivləşdirilib. İstifadə tarixi: 02.05.2021.
  6. ↑ Normativ hüquqi sənədlərin vahid internet bazası. "Elçin İsaağa oğlu Quliyevin Azərbaycan milli təhlükəsizlik nazirinin müavini — Sərhəd Qoşunlarının Komandanı vəzifəsindən azad edilməsi haqqında Azərbaycan Prezidentinin Fərmanı". www.e-qanun.az ( (az.)). 02.05.2021. 2021-05-03 tarixində arxivləşdirilib. İstifadə tarixi: 02.05.2021.
  7. ↑ Normativ hüquqi sənədlərin vahid internet bazası. "Elçin İsaağa oğlu Quliyevin Azərbaycanın Dövlət Sərhəd Xidmətinin rəisi — Sərhəd Qoşunlarının Komandanı təyin edilməsi haqqında Azərbaycan Prezidentinin Fərmanı". www.e-qanun.az ( (az.)). 02.05.2021. 2021-05-03 tarixində arxivləşdirilib. İstifadə tarixi: 02.05.2021.
  8. ↑ Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli Sərəncamı". www.president.az ( (az.)). 09.12.2020. 2021-01-24 tarixində arxivləşdirilib. İstifadə tarixi: 09.12.2020.
  9. ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli Sərəncamı". www.e-qanun.az ( (az.)). 09.12.2020. 2021-01-16 tarixində arxivləşdirilib. İstifadə tarixi: 09.12.2020.
Mənbə — "https://az.wikipedia.org/w/index.php?title=Elçin_Quliyev_(general-polkovnik)&oldid=6539015"