Keşişkənd rayonu

Vikipediya, açıq ensiklopediya
Keçid et: naviqasiya, axtar
Keşişkənd rayonu
Yeghegnadzor District (1989).png
Əhali 36 443[1] (1989) nəfər
Yaranma tarixi 15.10.1931

Keşişkənd rayonu, Mikoyan rayonu, Yeğeqnadzor rayonuQərbi Azərbaycanın (indiki Ermənistan Respublikası) Dərələyəz mahalı ərazisində rayon. Mərkəzi Keşişkənd şəhəridir.

Tarixi[redaktə | əsas redaktə]

1931-ci il oktyabrın 15-də yaradılıb. 1935-ci il yanvarın 3-nə kimi Keşişkənd rayonu, həmin tarixdən 1957-ci il dekabrın 6-na kimi Mikoyan rayonu, ondan sonra isə Yeğeqnadzor rayonu adlandırılıb. Ərazisi 1134 kv km-dir. Rayon mərkəzi Keşişkənddir. Rayon mərkəzindən İrəvan şəhərinə olan məsafə 122 km-dir.

Keşişkənd rayonunu Göyçə mahalından Səlim kəndi ayırır. Rayon ərazisindən Arpa və Herher çayları axır. Bir tərəfdən Basarkeçər yaylağı, digər tərəfdən isə Dərələyəz dağ silsiləsi ilə əhatələnmişdir.

1905, 1916-1918-i illərdə rayon ərazisi erməni daşnaklarının hücumlarına məruz qalıb. 1918-ci ilin yazında daşnaq Yaponun hücumlarından yaxa qurtarmaq üçün dinc əhali Vedibasar özünümüdafiə dəstələrinin komandanı Abbasqulu bəy Şadlinskinin mühafizəsi ilə müvəqqəti olaraq Güney Azərbaycanda sığınacaq tapdılar və sonradan həmin əhali Naxçıvandan keçərək öz yurdlarına qayıtmışdı. 1920-ci ildə rayon ərazisində 66 sırf azərbaycanlı kəndi olduğu halda 1988-ci ildə bu rəqəm 7-yə endirilmişdi: Ələyəz, Aysəsi, Qovuşuq, Qabaxlı, Gülüdüzü, Qaraqaya, Qoturvan.

1988-ci ilə qədər azərbaycanlıların yaşamaqda davam etdikləri və həmin il tərk etməyə məcbur olduqları yaşayış məntəqələri: Aysəsi, Qovuşuq, Qabaxlı, Gülüdüzü, Qaraqaya, Qoturvan, Ələyəz, Qalasər, Əmağu, Sallı, Hors, Ağkənd, Civə və s.

Ermənistan SSR Ali Soveti Rəyasət heyətinin müxtəlif fərmanları ilə rayon üzrə dəyişdirilmiş tarixi yer adları:

Qədim türk adı İndiki adı Dəyişdirilmə tarixi
Ardaraz
Göytürk (Qoytur) Getap 03.01.1935
Keşişkənd Mikoyan 03.01.1935
Mikoyan Yeğenadzor 06.12.1957
Keşişkənd rayonu Mikoyan rayonu 03.01.1935
Mikoyan rayonu Yeğenadzor rayonu 06.12.1957
Həsənkənd Şatin 03.01.1935
Qoturvan Qoduxvəng ...
Qoduxvəng Gadikvəng ...
Aysəsi Qızılgül 10.09.1946
Əyənzur Axavnadzor 10.09.1946
Arpa Areni 10.09.1946
Əyar (Ağyar) Aqarakadzor 10.09.1946
Başkənd Varnaşen 10.09.1946
Yengicə Qandzak 10.09.1946
Qurdqulax Bolorabed 10.09.1946
Ortakənd Qladzor 10.09.1946
Erdapin Yeğegis 10.09.1946
Ağkənd Ağncadazor 03.07.1968
Gülüdüzü Vardohovit 1987-ci il
Qızılgül Arates 1987-ci il

İstinadlar[redaktə | əsas redaktə]

  1. "Всесоюзная перепись населения 1989 г. Численность населения союзных республик СССР и их территориальных единиц по полу: Армянская ССР (по переписи 1989 года) — Еженедельная демографическая газета Демоскоп Weekly". http://demoscope.ru/weekly/ssp/sng89_reg1.php. İstifadə tarixi: 29 iyul 2015. Arxivləşdirilib.

Xarici keçidlər[redaktə | əsas redaktə]

Həmçinin bax[redaktə | əsas redaktə]