Müsahib Mustafa Paşa

Vikipediya, azad ensiklopediya
Jump to navigation Jump to search
Müsahib Mustafa Paşa
Osmanlı kaptan-ı dəryası
dekabr 1683 — sentyabr 1685
Sələfi Yozğadlı Mustafa Paşa
Xələfi Misirlizadə İbrahim Paşa
Şəxsi məlumatlar
Doğum tarixi 1640
Vəfat tarixi
Vəfat yeri
Dəfn yeri
Atası şair Süleyman ağa
Həyat yoldaşı Xədicə Sultan
Uşaqları Sultanzadə Mehmed bəy
Sultanzadə Həsən bəy
Hərbi xidmət
Rütbəsi Admiral

Müsahib Mustafa Paşa (ö. sentyabr 1686) — IV Mehmed səltənətində müxtəlif vəzifələrdə xidmət edən Osmanlı dövlət xadimi, kaptan-ı dəryası.[1]

Həyatı[redaktə | əsas redaktə]

Şair Süleyman ağanın oğludur. Əndəruna alınaraq burada tərbiyə edilmiş, ardından qapı ağası, 1663-cü ildə isə padşah müsahibliyinə gətirilmişdir. 1666-cı ilin avqustunda vəzir rütbəsi alaraq divanın ikinci vəziri oldu.

Bu vəzifədə ikən 1675-ci ildə Sultan Mehmedin qızlarından Xədicə Sultanla nigahlandı. Toy mərasimi kiçik qardaşı Şahzadə Əhmədin sünnət mərasimi ilə birlikdə keçirildi. Ədirnədə 14 gün boyunca davam edən bu toy mərasimi o qədər təntənəli keçmişdi ki, Xədicə Sultanın cehizi 86 qatırla daşınmışdı. 11 il davam edən bu evlilikdən Sultanzadə Mehmed Bəy, 7 yaşında vəfat edən Həsən Bəy və kiçik yaşlarında vəfat edən digər övladları dünyaya gəldi.

1683-cü ilin dekabrında padşah müsahibliyindən alınaraq kaptan-ı dərya təyin edildi. Bu vəzifəylə birlikdə 1684-cü ilin dekabrında Mora sərdarı, 1685-ci ilin sentyabrında isə Boğazların mühafizəsi ilə vəzifələndirildi. 1686-cı ilin oktyabrında vəfat etdi. Böyük oğlu Sultanzadə Mehmed bəy də özü kimi Əndərunda tərbiyə almışdır.

Mənbə[redaktə | əsas redaktə]

  • Mustafa Çağatay Uluçay, Padişahların kadınları ve kızları (5 bas.), 2011 Ankara: Ötüken. ISBN 9789754378405.

İstinadlar[redaktə | əsas redaktə]

  1. Sicill-i Osmani IV, səh. 177