Məzmuna keç

Ohrili Hüseyn Paşa

Vikipediya, azad ensiklopediya
Ohrili Hüseyn Paşa
أوهريد مع حسين باشا
Osmanlı sədrəzəmi
9 mart 1621 – 17 sentyabr 1621
Əvvəlkiİstanköylü Çələbi (Gözəlcə) Əli Paşa
SonrakıDilavər Paşa
Osmanlı sədrəzəmi
Vəzifədədir
20 may 1622 (1 günlük)
    ƏvvəlkiDilavər Paşa
    SonrakıQara Davud Paşa
    Şəxsi məlumatlar
    Doğum tarixi XVI əsr
    Doğum yeri Oxrid
    Vəfat tarixi
    Vəfat yeri
    Dəfn yeri
    Fəaliyyəti siyasətçi
    Dini islam

    Ohrili Hüseyn Paşa (XVI əsr, Oxrid, Oxrid bələdiyyəsi[d] – 20 may 1622, Konstantinopol və ya İstanbul) —  II Osman dönəmində 9 mart 1621 – 17 sentyabr 1621 tarixlərində və 20 may 1622 tarixində bir günlük, ümumilikdə 6 ay 9 gün Osmanlı imperiyasının sədrəzəmi olmuş dövlət adamıdır.

    Hal-hazırda Makedoniya ərazisində yerləşən Ohri şəhərində alban əsilli bir ailədə dünyaya gəlmişdir.[1] Bostancılar ocağında təhsil almış və bostancıbaşı olmuşdur. 1617-ci ildə baş tutan İrəvan səfərinə qatılmış və səfər əsnasında yeniçəri ağalığına yüksəldi. Ardından Rumeli bəylərbəyi və qübbə vəziri seçildi. 1621-ci ilin mart ayında vəfat edən sədrəzəm Əli Paşanın yerinə sədarətə gətirildi.

    II Osmanın Lehistan səfərinə qatıldı və bu səfər əsnasında Qaraqaş Mehmed Paşaya kömək etməmiş və paşanın şəhid olmasına səbəb olmuşdur. Buna görə də vəzifədən alınaraq yerinə Dilavər Paşa sədarətə gətirilmişdir.[1]

    Sədarətdə ikən II Osmana yeniçəriləri təhrik etməməsi barədə Ohrili Hüseyn Paşanın verdiyi nəsihətlər nəticəsiz qaldı. 19 may 1622 tarixində başlanan üsyanın ilk günü üsyançılar tərəfindən edam olunan sədrəzəm Dilavər Paşanın yerinə sədarətə gətirildi. Yeni sədrəzəm və yeniçəri ağası Qara Əli ağa üsyançılarla razılığa gəlmək üçün Şahzadəbaşı məscidinə gəldilər. Bu əsnada II Osman Ağaqapısına sığındı.[2] Ancaq üsyançılar sakitləşmirdi. 20 may tarixində bura hücum edən üsyançılar II Osmanı ələ keçirib təhqir edərək küçələri gəzdirməyə başladı. Bu əsnada qaçmağa çalışan Ohrili Hüseyn Paşa üsyançılar tərəfindən ələ keçirildi və oradaca qətlə yetirildi. Beləliklə, Ohrili Hüseyn Paşanın ikinci sədarəti yalnız bir gün davam etdi.[2] Paşanın məzarı Beşiktaş səmtindəki Yəhya Əfəndi türbəsinə dəfn olundu.

    1. 1 2 Uzunçarsılı, İsmail Hakkı, (1954) Osmanlı Tarihi III. Cilt, 2. Kısım , XVİ. Yüzyıl Ortalarından XVII. Yüzyıl Sonuna kadar), Ankara: Türk Tarih Kurumu (Altıncı Baskı 2011 İŞBN:978-975-16-0010) say.374-375
    2. 1 2 Sakaoğlu, Necdet (1999), Bu Mülkün Sultanları', İstanbul:Oğlak. say.191
    Mənbə — "https://az.wikipedia.org/w/index.php?title=Ohrili_Hüseyn_Paşa&oldid=7491971"