Qəşəm Nəcəfzadə

Vikipediya, azad ensiklopediya
Jump to navigation Jump to search
Qəşəm Nəcəfzadə
Nəcəfov Qəşəm Mirzə oğlu
Qəşəm Nəcəfzadə
Qəşəm Nəcəfzadə
Doğum adı Qəşəm
Təxəllüsü Nəcəfzadə
Doğum tarixi (63 yaş)
Doğum yeri Əliqulular, İmişli rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Həyat yoldaşı Nəcəfova Tabəs
Uşaqları Kəramət Böyükçöl
Sevinc Nəcəfzadə
Tural Nəcəfzadə
Atası Mirzə Hüseynqulu oğlu
Anası Tamara Sərdar qızı
Təhsili Kirovabad Dövlət Pedaqoji İnstitutu
İxtisası filoloq
Fəaliyyəti yazıçı, şair, söz yazıçısı[d]
Əsərlərinin dili Azərbaycanca
Janr şeir
Üzvlüyü
Mükafatları Azərbaycan Respublikasının əməkdar mədəniyyət işçisi
qeshemnecefzade.net
Vikianbarın loqosu Vikianbarda əlaqəli mediafayllar

Qəşəm Nəcəfzadə (Nəcəfov Qəşəm Mirzə oğlu; 1 aprel 1959, İmişli rayonu) — Azərbaycan şairipublisisti. Azərbaycan Yazıçılar Birliyinin üzvü (1986), Azərbaycanın əməkdar mədəniyyət işçisi (2018).

Həyatı[redaktə | mənbəni redaktə et]

Qəşəm Nəcəfzadə 1959-cu il aprel ayının 1-də Azərbaycan SSR-in İmişli rayonunun Əliqulular kəndində anadan olub. 1976-cı ildə İmişli rayon Əliqulular kənd orta məktəbini, 1981-ci ildə Kirovabad Dövlət Pedaqoji İnstitutunun Ədəbiyyat fakültəsini bitirib.

Uzun illər orta məktəbuniversitetlərdə ali kateqoriyalı ədəbiyyat müəllimi işləyib. Təfəkkür Universitetində baş müəllim olmuşdur.

Azərbaycan Yazıçılar Birliyinin "Azərbaycan" jurnalında poeziya söbəsinin müdiri, uşaq ədəbiyyatı seksiyasının rəhbəri, Azərbaycan Respublikası Milli Radio və Televiziya Şurasının ekspert şurasının və Azərbaycan Yazıçılar Birliyinin üzvüdür.[1]

2007-ci ildə Avropada keçirilən 38-ci Beynəlxalq Poeziya Festivalının iştirakçısı olub.

Mükafatları[redaktə | mənbəni redaktə et]

2007-ci ildə şeirləri beynəlxalq "Rəsul Rza" mükafatına layiq görülüb.

Yaradıcılığı[redaktə | mənbəni redaktə et]

Qəşəm Nəcəfzadənin şeirləri Azərbaycanda və xarici ölkə mətbuat orqanlarında mintəzəm çap olunur. Əsərləri türk, rus, gürcü, ingilis, polyak, özbək, alman və başqa dillərə tərcümə edilib.[4]

Şairin indiyə kimi 19 şeir, 1 hekayə və 2 elmi-publisistik kitabı işıq üzü görüb. Şairin Hollandiyada ingilisholland, Tehranda farsAzərbaycan (ərəb qrafikası ilə), Türkiyədə türkKolumbiyada ispan dillərində kitabları nəşr olunub.

Tənqidcilər onun yaradıcılığını realist üsluba aid edirlər. Şairin son illər yaradıcılığında epik, modern və metofizik şeirlər də üstünlük təşkil edir.[5]

Əsərləri[redaktə | mənbəni redaktə et]

  1. Sevginin sonunu deməyin mənə. Bakı: Yazıçı, 1986.
  2. Yatmış dəniz şəkli. Bakı: Gənclik, 1990.
  3. Bir gəlin dalğa ilə yan-yana. Bakı: Göytürk, 1994.
  4. Gülümsəyən ağac. Bakı: Göytürk, 1995.
  5. Şeirimin bəxti. Bakı: Göytürk, 1995.
  6. Sevmək istəyirəm təzədən. Bakı: Göytürk, 1996.
  7. Sarı sim. Bakı: Göytürk, 1997.
  8. Sən yadıma düşəndə. Bakı: Qanun, 1997.
  9. Özümə doğru. Bakı: Azərnəşr, 1998.
  10. Ömür kitabıma düzəliş. Bakı: Azərnəşr, 2001.
  11. Və sairə. Bakı: Nurlar, 2004.
  12. Hüseynbala Mirələmovun ədəbi həqiqətləri. Bakı: Şəms, 2005.
  13. The Evening Stories (Axşam hekayələri) İngilis dilində. Bakı: Şəms, 2007.
  14. Prebraşenie (Çevrilmə). Rus dilində. Bakı: Araz, 2007.
  15. EENWORDING (Birləşmə). Holland dilində. Amsterdam: 2007.
  16. SKETCHES OF PRISON (Həbsxana etüdləri). İngilis dilində. Amsterdam, 2007.
  17. Qadının ölümü. Bakı: Vektor, 2008.
  18. Savaş, ayakkabı, ölüm. Ankara: Bengü, 2008.
  19. Ölülər bizə gülür. Tehran, 2008.
  20. Oğlum qapını aç, qapıda bir külək ölür. Şirvannəşr, 2009.
  21. Barmaqların öpüşü. Fars dilində. Tehran: 2009.
  22. Şeirin içindəki adam. Esselər, məqalələr. Bakı: Yazıçı, 2010.
  23. Adı Qəşəm. şeirlər. Bakı, Vektor, 2014.
  24. "Vecerinie liyudi" (Axşam adamları) Moskva −2014
  25. "Bir dəli şeytan deyir"- Tehran −2015

İstinadlar[redaktə | mənbəni redaktə et]

  1. Zərəngiz Mansurova. "Bakı Dövlət Universitetində şair Qəşəm Nəcəfzadə ilə görüş" (az.). AzərTAc. 06.04.2016. İstifadə tarixi: 22 aprel 2016.
  2. President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. İstifadə tarixi: 2018-05-27.
  3. Şair Qəşəm Nəcəfzadə "Xüsusi Xidmətlərə görə" Ordeni ilə təltif edildi
  4. "Qəşəm Nəcəfzadə". azerbaijans.com (az.). Azerbaijans.com. 2011. İstifadə tarixi: 22 aprel 2016.
  5. "Dörd şairin Qəşəm Nəcəfzadə haqqında düşündükləri" (az.). 525-ci qəzet. 30 yanvar 2010. İstifadə tarixi: 22 aprel 2016.

Xarici keçidlər[redaktə | mənbəni redaktə et]