Qoçhisar döyüşü (1516)

Vikipediya, azad ensiklopediya
(Qoçhisar döyüşü səhifəsindən istiqamətləndirilmişdir)
Naviqasiyaya keçin Axtarışa keçin
Qoçhisar döyüşü
Səfəvi-Osmanlı münasibətləri
Tarix 1516
Yeri Qoçhisar
Səbəbi Səfəvi-Osmanlı münasibətləri
Nəticəsi Osmanlı İmperiyası qalib gəldi
Münaqişə tərəfləri

Səfəvilər İmperiyası

Osmanlı İmperiyası

Komandan(lar)

Qara xan Ustaclı

Xədim Sənan Paşa

Tərəflərin qüvvəsi

40000

100000

Qoçhisar və ya Dədə Qarkın döyüşü[1]1516-cı il 25 may tarixində Səfəvi-Osmanlı dövlətləri arasında baş verən döyüş.

Çaldıran vuruşmasından sonra Diyarbəkir əhalisi Sultan Səlimə itaətini bildirdiyinə görə I Şah İsmayıl şəhəri geri almaq üçün Qara xanı (Çaldıran yaxınlığında həlak olmuş Məhəmməd xan Ustaclının qardaşı) ora göndərdi. Lakin qızılbaşlar qiyamçıların müqavimətini heç cür qıra bilmədilər. Mühasirə bir ildən artıq çəkdi. İdris Bidlisinin başçılığı altında kürd dəstələri ilə möhkəmləndirilmiş Bıyıklı Məhəmməd paşanın qoşunlarının yaxınlaşması Qara xanı məcbur etdi ki, mühasirədən əl çəksin və Mardinə geri çəkilsin.[2] 1516-cı ilin mayında Mardinin cənubunda Koçhisarın yaxınlığında tərəflər arasında baş verən qəti döyüş Osmanlı türklərinin xeyrinə qurtardı. Qara xan tüfəngdən açılan atəş ilə öldürüldü. Səfəvi ordusu məğlub edildi. Qara xanın qardaşı Süleyman Xan Mardin qalasında aprelin 7-si 1517-ci ilə qədər mübarizəni davam etdirdi.[3] Buna baxmayaraq qala Osmanlı dövlətində qaldı. Nəticədə, şimalda HarputdanBidlisdən başlayan, cənubda isə RəqqəMosula qədər uzanan geniş ərazi Osmanlı türklərinin əlinə keçdi.

İstinadlar[redaktə | mənbəni redaktə et]

  1. Əliyarlı, Süleyman. Azərbaycan tarixi (Uzaq keçmişdən 1870-ci illərə qədər. Bakı: Azərbaycan nəşriyyatı. 1996.
  2. Əfəndiyev, Oqtay. Azərbaycan Səfəvilər dövləti. Bakı: Şərq-Qərb. 2007.
  3. Öztuna, Yılmaz. Yavuz Sultan Selim. İstanbul: Babıali yayıncılık.