Sultanbud döyüşü

Vikipediya, açıq ensiklopediya
Keçid et: naviqasiya, axtar
Flag of Russia.svg I Rusiya-İran müharibəsinin Flag of Agha Mohammad Khan.svg
xronologiyası
Battle Between Persians and Russians - State Hermitage Museum.jpg

Gəncə qalasının işğalı (1804)
Sultanbud döyüşü (1812)
Aslandüz döyüşü (1812)
Lənkəran qalasının işğalı (1813)
Gülüstan müqaviləsi (1813)

Sultanbud döyüşü1 fevral 1812-ci ildə İranRusiya qoşunları arasında baş verən döyüş.

Tarixi[redaktə | əsas redaktə]

1812-ci ilin əvvəllərində 20 minlik İran ordusu Qarabağa yürüş etdi. O, ŞahbulaqSultanbud tərəfə irəlilədi. Böyük miqdarda artilleriyaya malik olan şah qoşunların İngilis zabitlərinin komandanlığı altında azsaylı rus qarnizonunu mühasirəyə aldılar və asan qələbə çaldılar.

Abbasqulu ağa Bakıxanov bu barədə yazır:

"Həmin ilin axırında, İrana tərəfdar olması qəti zənn edilən polkovnik Cəfərqulu ağa Məhəmmədhəsən ağa oğlu həbsə alınıb, ruslardan bir dəstə piyada və bir neçə nəfər kazakla Tiflisə göndərildi. Tərtər çayından keçərkən, Cəfərqulu ağa atının cilovunu saldatın əlindən qapdı, özü ilə bərabər atın sağrısında oturan o biri saldatı suya salaraq, Cəbrayıllı elinin arasına qaçdı. Bu xəbər Naibüssəltənəyə çatan kimi Qarabağa gəldi. Əmir xan Qacarı, Cəfərqulu ağa ilə Cəbrayıllı elini və Qarabağın sair elatını köçürməyə məmur etdi. Özü isə, topxana və sərbazla Sultanbud səngəri üzərinə gəldi. Burada qarabağlı Mehdiqulu xanla bir rus batalyonu var idi. Bunları məğlub edib bir çoxunu öldürdü və sağ qalanlarını əsir aldı. Mehdiqulu xan isə qaçıb qurtardı. Əmir xan və Cəfərqulu ağa beş-altı min ailəni Arazdan keçirib, Naibüssəltənə ilə birləşdilər. Naibüssəltənə Qarabağ elatını yerbəyer edib, Qaradağ kəndlərinin hökumətini xanlıq ləqəbilə Cəfərqulu ağaya verdi. Özü də Təbrizə qayıtdı".[1]

İstinadlar[redaktə | əsas redaktə]

  1. Abbasqulu ağa Bakıxanov, Gülüstani-İrəm, Bakı, 2001.