Ramin Əhmədov

Vikipediya, azad ensiklopediya
Jump to navigation Jump to search
Ramin Əhmədov
Əhmədov Ramin Sərdar oğlu
Ramin Əhmədov.JPG
Doğum tarixi 15 iyul 1977 (1977-07-15) (43 yaş)
Doğum yeri Vərməziyar, Şərur rayonu
Azərbaycan Azərbaycan SSR
SSRİ SSRİ
Vətəndaşlığı Azərbaycan Azərbaycan
Milliyyəti Azərbaycanlı
Atası Sərdar Əhmədov
Təhsili Azərbaycan Dövlət İqtisad Universiteti
Fəaliyyəti jurnalist
publisist
Fəaliyyət illəri 2006 – indi
Əsərlərinin dili Azərbaycan dili

Ramin Əhmədov (azərb. Ramin Sərdar oğlu Əhmədov‎; d. 15 iyul 1977, Şərur r., NMR) — "Türk dünyası ağsaqqalları" qəzetinin baş redaktoru, Yeni Azərbaycan Partiyası Nizami rayon Təşkilatının sədr müavini[1].

Həyatı[redaktə | əsas redaktə]

Təhsili[redaktə | əsas redaktə]

Ramin Sərdar oğlu Əhmədov 15 iyul 1977-ci ildə Naxçıvan Muxtar Respublikasının Şərur rayonunun Vərməziyar kəndində doğulmuşdur.[2] 1984-1994-ci illər arasında Naxçıvan Muxtar Respublikası Şərur rayonunun Vərməziyar kəndində olan orta məktəbdə orta təhsil almışdır. 1995-ci ildə ailəsi ilə birgə Bakıya köçmüşdür. 1999-cu ildə isə Azərbaycan Dövlət İqtisad Universitetini bitirmişdir. Hərbi Dəniz Qüvvələrində hərbi xidmətdə olmuşdur.

Ailəsi[redaktə | əsas redaktə]

Ailəlidir, iki övladı var.

Fəaliyyəti[redaktə | əsas redaktə]

2000-ci il “Konokon TT” – Kik – Boksinq üzrə II dərəcəli idmançı, atıcı idmançıdır. Ramin Əhmədov biznes sahəsinə maraq göstərərək “Sərdaroğulları” MMC-ni təsis etmişdir. Bununla yanaşı, ictimai həyatda da fəal iştirak etmişdir. Mətbuatla sıx əməkdaşlıq imkanları yaradaraq müxtəlif publisistik və siyasi məzmunlu yazılara müəlliflik etmişdir. 2005-ci ildə Azərbaycan Ağsaqqallar Şurasının orqanı olan “Türk Dünyası Ağsaqqalları” qəzetinin baş redaktoru vəzifəsinə təyin olunmuşdur. 2007-ci ildə Şuranın Məclis üzvü, 2012-ci ildə isə İdarə Heyətinə üzv seçilmişdir. 2015-ci ildə “Missiya.Az İnformasiya Portalını yaratmışdır. Hazırda həm böyük oxucu kütləsinə malik olan Missiya.Az portalına, həm də “Türk Dünyası Ağsaqqalları” qəzetinə rəhbərlik edir. Dövlət maraqlarını əhatə edən, aktual ictimai-siyasi mövzularda yazılmış məqalələri hazırda da müxtəlif KİV orqanlarında yayımlanır.

2006-cı ildən “Yeni Liqa” həftəlik ictimai-siyasi qəzetində baş redaktor müavini kimi fəaliyyətə başlayan Ramin Əhmədov ədəbiyyatda da öz sözünü demişdir. Bir neçə kitabın, yüzlərlə məqalə və oçerklərin müəllifi olmaqla yanaşı, bir çox mükafatlara layiq görülən və Yeni Azərbaycan Partiyasının üzvü olan bu gənc partiya ideyalarına sadiq qalaraq dövlətçiliyə xidmət edir, bir çox layihə, tədbir və görüşlərə təşkilatçılıq edir.

2009-cu ildən Azərbaycan Yazıçılar Birliyinin üzvüdür. 7 kitabın müəllifidir. Sonuncu kitabı, “Heydər Əliyev və antiterror siyasəti” adlanır. Ölkənin ictimai həyatında və mətbuatdakı fəaliyyətinə görə dəfələrlə müxtəlif diplomlara və fəxri fərmanlara layiq görülmüşdür. 2005-ci ildən Yeni Azərbaycan Partiyasının üzvüdür.

Hazırda YAP Nizami rayon Təşkilatında sədr müavini vəzifəsində çalışır. Aktiv ictimai-siyasi fəaliyyətinə görə, həm YAP Nizami rayon Təşkilatı, həm də rayon İcra Hakimiyyəti tərəfindən fəxri fərmanlarla təltif olunmuşdur.

Rayonda gənclərin idmana marağını artırmaq məqsədilə “RX” Boks və Kikboksinq klubu yaratmışdır. Hazırda həmin klubda gənclərimiz məşq edir, müxtəlif yarışlara hazırlaşırlar.

Həm Nizami rayonu ərazisində, həm də ölkəmizin ayrı-ayrı bölgələrində çoxsaylı humanitar aksiyalar təşkil etmiş və həmin layihələrə bilavasitə rəhbərlik etmişdir. Sosial yönümlü layihələrini hazırda da davam etdirir.

Kitabları[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Ramin Əhmədov sədr müavini seçildi
  2. |"Hamımız bir olub, dövlətçiliyimizin və vətənimizin güclənməsi üçün çalışmalıyıq" - MÜSAHİBƏ - FOTOLAR