Sultan Baysunqur

Sultan Baysunqur
Əbülfəth Sultan Baysunqur
Sultan Baysunqur dövrünə aid sikkə
Ağqoyunlu dövlətinin IV Sultanı
1490 – 1492
Əvvəlki	Sultan Yaqub
Sonrakı	Sultan Rüstəm
Şəxsi məlumatlar
Doğum tarixi	1481
Vəfat tarixi	5 iyun 1492
Vəfat yeri	Bərdə ilə Gəncə arasında
Atası	Sultan Yaqub
Anası	Gövhər sultan

Sultan Baysunqur — 1490–1492-ci illərdə Ağqoyunlu dövlətinin hökmdarı.

Hakimiyyəti

Atasının ölümündən sonra, 9 yaşında Sufi xəlil Mosullu tərəfindən taxta çıxarılmışdı. Hakimiyyət faktiki olaraq Sufi Xəlilin əlində idi. Tezliklə 1492-ci ildə Sufi Xəlil Süleyman bəy Bicənoğlu tərəfindən məğlub edildi və hakimiyyət onun əlinə keçdi.

Hakimiyyətə iddialar və ölümü

Hakimiyyətə qarşı ilk iddia 1490-cı ildə əmisi Məsih Mirzədən gəldi. Lakin Sufi Xəlilin orduları Məsih Mirzəni məğlub edərək öldürdü. Rüstəm bəy də həmin döyüşdə həbs olunaraq Əlincə qalasına salındı.

1492-ci ildə isə Ayba Sultan Rüstəm bəyi həbsdən azad etdi və taxta iddia etməyə başladı. Rüstəmə Ayba Sultan başçılığındakı Bayandur, Pörnək və Qacar tayfaları dəstək verirdi. Təbrizdən qaçmağa məcbur olan Baysunqur əvvəlcə Diyarbəkirə, oradan da babası Fərrux Yassardan kömək almaq üçün Şirvana qaçmışdı. Şirvan qoşunlarının köməyi ilə öz hüquqlarını bərpa etməyə cəhd göstərsə də, 1492-ci ildə Bərdə ilə Gəncə arasında Rüstəmlə vuruşmada həlak oldu.

Xarici keçidlər

Sultan Baysunqur Bayandur tayfası Ağqoyunlu sülaləsi Doğum: 1481 Vəfat: 5 iyun 1492
Hakimiyyət titulları
Sələfləri  Sultan Yaqub	Ağqoyunlular dövləti(آق‌قویونلو) sultanı 1490-1492	Xələfləri  Sultan Rüstəm
Azərbaycan hökmdarı
Sələfləri  Sultan Yaqub	Azərbaycan Türkü - Ağqoyunlular sülaləsi 1490-1492	Xələfləri  Sultan Rüstəm