Teddi Riner

Vikipediya, açıq ensiklopediya
Keçid et: naviqasiya, axtar
Judo pictogram.svg Teddi Riner
fr. Teddy Riner
Teddy Riner Cannes 2016.jpg
Riner 2016-cı il Kann kinofestivalında.
Tam adı Teddi Pyer-Mari Riner
Ləqəbi Ayı Ted, Böyük Ted
Doğum tarixi 7 aprel 1989 (1989-04-07) (28 yaş)
Doğum yeri Lez-Abim, Qvadelupa, Fransa
Boyu 2.4 sm[1]
Çəкisi 140 kq[1]
Vətəndaşlıq Fransız
Ölkə Flag of France.svg Fransa
İdman növü Cüdo
Ağırlıq dərəcəsi + 100 kq
Məşqçisi Kristian Şomon, Benua Kamparq
Komandası Pari Sen-Jermen[2]

Teddi Pyer-Mari Riner (fr. Teddy Pierre-Marie Riner; 7 aprel 1989) — 100 kq-dan yuxarı çəki dərəcəsində çıxış edən fransalı cüdoçu. İkiqat olimpiya, onqat dünya, beşqat Avropa və dəfələrlə Fransa çempionu. Cüdo üzrə dünya çempionatları tarixində ən titullu idmançı. O, 2016-cı ildə Rio-de-Janeyro şəhərində keçirilmiş XXXI Yay Olimpiya Oyunlarının açılış mərasimində Fransa bayrağını daşıyıb.[3][4] "Pari Sen-Jermen" idman klubunun üzvüdür.[2]

Riner cüdo aləmi üçün unikal sayıla biləcək nəticəyə malikdir. Belə ki, o, bu günədək peşəkar səviyyədə yalnız iki dəfə:[5] 15 avqust 2008-ci ildə Pekin Olimpiadasının yarımfinalında Özbəkistanlı Abdulla Tanqriyevə və 13 sentyabr 2010-cu ildə Tokio mundialının finalında yerli Dayki Kamikavaya məğlub olub. 2010-cu ildən tatamidə məğlubiyyətlə qarşılaşmayıb.[5]

Riner Fransa dövləti tərəfindən 2008-ci ildə "Xidmətlərə görə" ordeni ilə,[5] 2013-cü ildə isə “Fəxri legion” ordeni ilə təltif olunub.[6] 2012-ci ildə Fransada ilin idmançısı seçilib.[7]

Şəxsi həyatı[redaktə | əsas redaktə]

Teddi Riner 7 aprel 1989-cu ildə Qvadelupa adasının Puent-a-Pitr şəhərinin yaxınlığında yerləşən Lez-Abim kommunasında doğulub. Onun doğumundan az sonra ailəsi Parisə,[8][9] XVIII-ci dairədə yerləşən La-Şapel məhəlləsinə köçüb.[10] 5 yaşında olarkən valideynləri onu XV-ci dairədə yerləşən "Akvabulvar" (fr. Aquaboulevard) idman klubuna yazdırırlar. 13 yaşında [11] basketbolafutbola da marağının olmasına baxmayaraq, həyatını cüdoya həsr etmək qərarına gəlib.[12]

Riner 2.04 sm boya və 134 kq çəkiyə malikdir.[1][13] İdmançının "Ayı Ted"[14] və "Böyük Ted"[15] kimi ləqəbləri var. Riner Lütna Plokus ilə vətəndaş nikahındadır. 2014-cü ilin aprel ayında onların Eden adlı oğulları dünyaya gəlib.[16]

Cüdo karyerası[redaktə | əsas redaktə]

Riner Fransanın "Pari Sen-Jermen" idman klubunun üzvüdür. Onun məşqçiləri Kristian Şomon və Benua Kamparqdır.[15] Riner 2006-cı ildə yeniyetmələr arasında dünya və Avropa çempionu titullarını qazanıb.[9] 2007-ci ildə, 18 yaşı olarkən Serbiyanın paytaxtı Belqrad şəhərində keçirilmiş cüdo üzrə böyüklər arasında Avropa çempionatında qızıl medal qazanıb.[17] Həmin il Braziliyanın Rio-de-Janeyro şəhərində baş tutmuş böyüklər arasında cüdo üzrə dünya çempionatının yarımfinalında 2000-ci il Sidney Olimpiadasının qızıl medalçısı və üç qat dünya çempionu yaponiyalı Koseyi İnoyeyə, finalda isə rusiyalı Tamerlan Tmenova qalib gələrək kişilər arasında cüdo tarixində ən gənc dünya çempionu adını qazanıb (18 yaş 5 ay).[9][17]

Riner olimpiada öncəsi zədə ala biləcəyindən ehtiyat edərək 2008-ci il aprelin 11-dən 13-dək Portuqaliyanın paytaxtı Lissabon şəhərində təşkil olunmuş Avropa çempionatında titulunu qorumaqdan imtina etmişdir.[18][19] O, Pekində keçirilən XXIX Yay Olimpiya Oyunlarında ağır çəkidə mübarizəyə qoşulub.[8] İlk görüşündə tunisli Anis Çedliyə ikinci görüşündə isə qazaxıstanlı Eldos İxsanqaliyevə qalib gələrək 1/4 final mərhələsinə vəsiqə qazanıb.[8] 1/4 final mərhələsində isə gözlənilmədən Özbəkistandan olan cüdoçu Abdulla Tanqriyevə məğlub olub.[8] Bu məğlubiyyətdən sonra Riner bürünc medal uğrunda təsəlliverici görüşlərə qatılıb. İlk təsəlliverici görüşlərində AlmaniyaBraziliyadan olan rəqiblərini üstələməyi bacarıb. Bürünc medal uğrunda son görüşdə onun rəqibi Gürcüstan idmançısı Laşa Quceciani olub. Bir ippon, bir yuka və bir koka xalları hesabına görüşü öz xeyrinə tamamlayan Riner, Yay Olimpiya Oyunlarının bürünc medalına yiyələnib.[8] Riner 2008-ci ilin dekabrında Fransanın Levallois-Perret şəhərində mütləq çəki dərəcəsində cüdo üzrə keçirilmiş ilk dünya çempionatında (mütləq çəki dərəcəsindəki turnirlər buna qədər ümumi dünya çempionatları çərçivəsində keçirilirdi) iştirak edib. O, finalda rusiyalı üçqat dünya çempionu Aleksandr Mixaylini məğlub edərək qızıl medal qazanıb.[20][21]

Riner Gürcüstanın paytaxtı Tbilisi şəhərində 24-26 aprel 2009-cu il tarixləri arasında keçirilimiş Avropa çempionatına bir neçə gün qalmış məşq zamanı sağ bazunun ikibaşlı əzələsindən zədə alaraq turnirdən kənar qalıb.[22] O, 2009-cu ilin iyulunda İtaliyanın Peskara şəhərində təşkil olunmuş Aralıq dənizi Oyunlarının finalında Tunisli Anis Çedliyə qalib gələrək qızıl medal qazanıb.[23] 30 avqust 2009-cu ildə Niderlandın Rotterdam şəhərində baş tutmuş dünya çempionatında ardıcıl olaraq amerikalı Daniel Makkormikə, latviyalı Vladimir Osniçə, bolqarıstanlı İvan İliyevə, estoniyalı Martin Padara və litvalı Marius Paskeviçiusa qalib gələrək finala adlayıb. Final görüşündə kubalı Oskar Braysonu məğlub edərək üçqat dünya çempionu olub.[24][25] Riner bu dünya çempionatında medal qazanmış yeganə Fransalı kişi cüdoçu olmuşdur (Fransalı qadın cüdoçular 2 medal qazanıblar).[26]

Riner (göy geyimdə) 2010-cu il dünya çempionatının finalında Andreas Tyolser üzərində qələbə qazanır.
Ağır çəkidə 2010-cu il dünya çempionatının mükafatçıları. Soldan sağa: Andreas Tyolser, Teddi Riner, Metyu Batay və İslam El Şehabi

Riner 2010-cu il dünya çempionatına daha yaxşı hazırlaşmaq məqsədilə 2010-cu ilin aprelində Avstriyanın paytaxtı Vyana şəhərində təşkil olunmuş Avropa çempionatında iştirakdan imtina etmişdir.[27] O, 2010-cu ilin sentyabrında Yaponiyanın paytaxtı Tokio şəhərində baş tutmuş dünya çempionatında bir qızıl və bir gümüş medal əldə edib. 100 kq-dan yuxarı çəki dərəcəsində ardıcıl olaraq Cənubi Koreya, Tayvan, Rusiya, BraziliyaYaponiya təmsilçilərini məğlub edərək finala adlayıb. Final görüşündə Rinerin rəqibi almaniyalı Andreas Tyolser olub. Əsas vaxtda bərabərlik qeydə alındığından, "qızıl xal"adək əlavə vaxt təyin olunub. Əlavə vaxtda rəqibindən yuka xalı ilə üstün olan Riner dördüncü dəfə dünya çempionu adını qazanıb.[28][29] Rinerin mütləq çəki dərəcəsinin finalındakı rəqibi isə yaponiyalı Dayki Kamikava olub. Görüşün əsas və əlavə vaxtları 0:0 hesabı ilə bitib. Yekunda hər şeyi hakimlərin verdiyi qərar həll edib. Hakimlər isə qələbəni yerli idmançıya veriblər – 1:2.[30] Riner görüşdən sonra haqsız yerə məğlub olduğunu iddia edərək Kamikavanın əlini sıxmaqdan imtina edib.[31] Bu məğlubiyyət hələlik Rinerin peşəkar səviyyədə sonuncu məğlubiyyəti sayılır.[5]

Riner dörd il fasilədən sonra 2011-ci ildə yenidən Avropa çempionatında iştirak edib. O, çempionat öncəsi Cənubi KoreyadaAlp dağlarında təlim-məşq toplantısı keçib. 2011-ci ilin aprel ayında Türkiyənin İstanbul şəhərində baş tutmuş Avropa birinciliyində ardıcıl olaraq Gürcüstan, Azərbaycan, İsrailEstoniya təmsilçilərinə qalib gələrək finala yüksəlib. Finalda macarıstanlı rəqibi Barna Bora ippon fəndi ilə qalib gələrək ikiqat Avropa çempionu olub.[32] Riner 2011-ci ilin avqustunda Fransanın paytaxtı Paris şəhərində keçirilmiş dünya çempionatında iki qızıl medal qazandı — 100 kq-dan yuxarı çəki dərəcəsində və kişilərdən ibarət Fransa komandasının heyətində.[33][34] 100 kq-dan yuxarı çəki dərəcəsində ardıcıl olaraq braziliyalı Daniel Hernandesi, almaniyalı Robert Zimmermannı, monqolustanlı Namsrayav Bastuurini, macarıstanlı Barna Boru və cənubi koreyalı Kim Son Mini mübarizədən kənarlaşdıraraq finala yüksəlib. Final görüşündə rəqibi ötən ildə olduğu kimi yenə də almaniyalı Andreas Tyolser olmuşdur.[35] Bu mundialda beşinci qızıl medalını qazanan Riner, kişi cüdoçular arasında beşqat dünya çempionu olmuş ilk cüdoçu kimi adını tarixə yazdırdı.[36][37]

Riner 2012-ci il London Yay Olimpiya Oyunlarında ölkəsini 100 kq-dan yuxarı çəki dərəcəsində təmsil edib.[14] Görüşlər avqustun 3-də Londondakı “ExCel” sərgi mərkəzində baş tutub.[38] Riner 1/16 finalda polşalı Yanuş Voynaroviçə, 1/8 finalda isə tunisli Faicel Caballaha qalib gəlib. 1/4 finalda kubalı Oskar Braysonla qarşılaşan Riner, görüşün son dəqiqəsində rəqibinə ippon fəndi ilə qalib gələrək Yay Olimpiya Oyunlarının yarımfinal mərhələsinə adlayıb. Yarımfinal mərhələsində cənubi koreyalı Kim Son Min üzərində qələbə qazanaraq finala yüksəlib. Finalda rəqibi rusiyalı Aleksandr Mixaylin olub. Final görüşündə passiv mübarizə səbəbindən hakim tərəfindən Riner bir,[39] Mixaylin isə üç[39] xəbərdarlıq alıb. Rəqibinin üç xəbərdarlığı hesabına vazari xalı qazanaraq qələbə əldə edən Riner[40] karyerasında ilk dəfə Yay Olimpiya Oyunlarının qızıl medalını qazandı.[41]

Riner 25-28 aprel 2013-cü il tarixləri arasında Macarıstanın paytaxtı Budapeşt şəhərində keçirilimiş Avropa çempionatında bütün rəqiblərinə qalib gələrək üçqat Avropa çempionu olub (həlledici görüşdə Gürcüstandan olan cüdoçu Adam Okruaşviliyə qalib gəlib).[42][43] Riner 2013-cü ildə Braziliyanın Rio-de-Janeyro şəhərində baş tutmuş dünya çempionatında +100 kq çəki dərəcəsində mübarizəyə qoşulub. O, ilk olaraq Tacikistan nümayəndəsi Məhəmmədmurad Əbdülrəhmanova qalib gəlib. Daha sonra ardıcıl olaraq, belaruslu Aleksandr Vahovyakı, kubalı Oskar Braysonu və gürcüstanlı Adam Okriaşvilini ipponla məğlubiyyətə uğradaraq finala adlayıb. Final görüşündə yerli idmançı Rafael Silvaya qalib qələrək ağır çəkidə beşqat, ümumilikdə isə altıqat dünya çempionu olub.[44]

Riner 2014-cü ildə Fransanın Monpelye şəhərində təşkil olunmuş Avropa çempionatında ardıcıl olaraq, azərbaycanlı Uşangi Kokaurini, ukraynalı Stanislav Bondarenkonu və litvalı Marius Paskeviçiusu üstələyərək finala adlayıb. Final görüşündə rəqibi ötən il olduğu kimi yenə də Gürcüstan cüdoçusu Adam Okruaşvili olub. Həlledici görüşdə rəqibini yenidən məğlubiyyətə uğradan Riner, dördüncü dəfə qitənin birincisi olub.[45][46] Riner avqust ayında Rusiyanın Çelyabinsk şəhərində keçilmiş dünya çempionatında iştirak edib. O, ilk görüşlərində ardıcıl olaraq, israilli Or Sassonu 49 saniyəyə,[47] çexiyalı Mihal Horakı 37 saniyəyə,[47] rusiyalı Renat Saidovu isə 1 dəqiqə 22 saniyəyə ipponla məğlub edərək yarımfinala adlayıb.[47] Rinerin yarımfinal mərhələsində rəqibi braziliyalı Rafael Silva olub. Lakin o da Rinerə ciddi müqavimət göstərə bilməyib. Riner onu cəmi 50 saniyəyə ipponla məğlub edərək finala adlayıb.[47] Final görüşündə Yaponiya cüdoçusu Rü Sitinoheyə qalib gələn Riner, ağır çəki dərəcəsində altıncı qızıl medalını qazanıb.[48]

Riner 2015-ci ilin avqustunda Qazaxıstanın paytaxtı Astana şəhərində keçirilmiş dünya çempionatında iştirak edib. O, yarımfinala gedən yolda estoniyalı Yuhan Mettis, qırğızıstanlı Yuri Krakovetski və almaniyalı Andre Braytbard üzərində qələbə qazanıb. Yarımfinalda Cənubi Koreya təmsilçisi Kim Son Minə qalib gəlib. Final görüşündə rəqibi ötən ildə olduğu kimi yenə də Yaponiya cüdoçusu Rü Sitinohe olub. Bu dəfə də finalda rəqibinə qalib gələn Riner, ağır çəki dərəcəsində yeddiqat, ümumilikdə isə səkkizqat dünya çempionu olub.[49][50]

Ağır çəkidə 2012-ci il London Yay Olimpiya Oyunlarının mükafatçıları. Soldan sağa: Hisayosi Harasava, Teddi Riner, Rafael Silva və Or Sasson.

Riner 2016-cı ildə Rusiyanın Kazan şəhərində təşkil olunmuş Avropa çempionatında iştirak edib. +100 kq çəki dərəcəsində mübarizə aparan Riner, ardıcıl olaraq belaruslu Aleksandr Vahovyakı, almaniyalı Andre Braytbardı və gürcüstanlı Levan Matiaşvilini üstələyərək finala adlayıb. Final görüşündə İsrail təmsilçisi Or Sassonu məğlubiyyətə uğradaraq Avropa çempionatının fəxri kürsünün ən yüksək pilləsinə qalxıb.[51][52] Riner 5 avqust 2016-cı il tarixində Marakana stadionunda baş tutmuş XXXI Yay Olimpiya Oyunlarının açılış mərasimində Fransanın bayraqdarı olmuşdur.[3][4] Kişilər arasında ağır çəkidə cüdo üzrə görüşlər, avqustun 12-də, Rio-de-Janeyro şəhərinin cənub-qərbində, Atlantik okeanı sahilində yerləşən və qapalı stadion olan “Karioka Arena 2”də baş tutub.[53][54] Riner mübarizəyə 1/8 final mərhələsindən başlayıb. O, bu mərhələdə tunisli Məhəmməd-Əmin Tayebi 1 dəqiqə 4 saniyəyə ipponla məğlub edib.[55] 1/4 finalda braziliyalı Rafael Silva ilə qarşılaşıb və rəqibini vazari xalı ilə məğlub edərək yarımfinala adlayıb.[56] Yarımfinal mərhələsində rəqibi 3 ay qabaq Avropa çempionatının finalında məğlub etdiyi israilli Or Sasson olub. Sassonu da vazari xalı ilə məğlub etməyi bacaran Riner finala adlayıb.[57] Final görüşündə rəqibi çox da ciddi nailiyyətləri olmayan 24 yaşlı Yaponiya cüdoçusu Hisayosi Harasava olub. Həlledici görüşdə passiv mübarizə səbəbindən hakim tərəfindən Riner bir,[58] Harasava isə iki[58] xəbərdarlıq alıb. Rəqibinin bir xəbərdarlıq daha çox alması hesabına qələbə qazanan Riner, karyerasında ikinci dəfə Yay Olimpiya Oyunlarının qızıl medalını qazanıb.[59][60][61] Riner qələbə qazandıqdan sonra verdiyi müsahibədə Rioda yenidən kürsüyə qalxa bildiyinə görə xoşbəxt olduğunu bildirib.[62]

2017-ci ildə Macarıstanın paytaxtı Budapeşt şəhərində təşkil olunmuş dünya çempionatında ardıcıl olaraq Misir, Monqolustan, Kolumbiya, BraziliyaGürcüstan təmsilçilərini üstələyərək finala yüksəlib. Final görüşündə braziliyalı David Mouraya qalib gələrək doqquzqat dünya çempionu olub.[63] Eyni ilin noyabrında Mərakeşin Marrakeş şəhərində keçirilmiş mütləq çəki dərəcəsində dünya çempionatının qızıl medalına yiyələnib. Riner həlledici görüşdə Belçika idmançısı Toma Nikiforova qalib gəlib.[64]

Nəticələri[redaktə | əsas redaktə]

Ağır çəkidə[redaktə | əsas redaktə]

Turnir 2005 2006 2007 2008 2009 2010 2011 2012 2013 2014 2015 2016 2017
Olimpiya oyunları
3. 1. 1.
Dünya çempionatı
1. 1. 1. 1. 1. 1. 1. 1.
Avropa çempionatı
1. 1. 1. 1. 1.
Yeniyetmələr arasında DÇ
1. 1.
Yeniyetmələr arasında AÇ
3. 1.

Mütləq çəkidə[redaktə | əsas redaktə]

Turnir 2005 2006 2007 2008 2009 2010 2011 2012 2013 2014 2015 2016 2017
Dünya çempionatı
1. 2. 1.
1qızıl medal
2gümüş medal
3bürünc medal

Mükafatları və ordenləri[redaktə | əsas redaktə]

Mükafatları[redaktə | əsas redaktə]

  • Qızıl kimono, Fransa Cüdo Federasiyası tərəfindən ötən ilin ən yaxşı cüdoçusuna verilən mükafat: 2007, 2008, 2009
  • Fransada ilin idmançısı: 2012

Ordenləri[redaktə | əsas redaktə]

Xidmətlərinə görə ordeni “Xidmətlərə görə” ordeni kavalyeri: 2008
Fəxri Legion ordeni “Fəxri Legion” ordeni kavalyeri: 2013

İstinadlar[redaktə | əsas redaktə]

  1. 1,0 1,1 1,2 "Teddy Riner trivia". The Telegraph. http://www.telegraph.co.uk/sport/olympics/international-athletes/9427381/Teddy-Riner.html. İstifadə tarixi: 31 August 2014.
  2. 2,0 2,1 "Teddy Riner signe au PSG et relance la section judo du club parisien !". 20 Minutes. 30/08/2017. http://www.20minutes.fr/sport/2123639-20170830-teddy-riner-signe-psg-relance-section-judo-club-parisien.
  3. 3,0 3,1 "Reigning Olympic judo champion Teddy Riner named France's flag bearer". Nbcolympics.com. http://www.nbcolympics.com/news/reigning-olympic-judo-champion-teddy-riner-named-frances-flag-bearer. İstifadə tarixi: 11 Oktyabr 2016.
  4. 4,0 4,1 "TEDDY RINER FLAG BEARER FOR FRANCE AT THE OLYMPIC GAMES". Judoinside.com. http://www.judoinside.com/news/1538/Teddy_Riner_flag_bearer_for_France_at_the_Olympic_Games. İstifadə tarixi: 11 Oktyabr 2016.
  5. 5,0 5,1 5,2 5,3 "Непобедимый «Медвежонок Тедди»". sportarena.com. https://sportarena.com/2016/08/13/nepobedimyj-medvezhonok-teddi/. İstifadə tarixi: 14 Oktyabr 2016.
  6. "Légion d'honneur: oui pour Agnel et Riner, non à Lavillenie et Karabatic qui ne remplissent pas les conditions requises". Huffingtonpost.fr. http://www.huffingtonpost.fr/2013/01/01/legion-dhonneur-oui-pour-agnel-riner-non-lavillenie-karabatic-remplissent-pas-conditions-requises_n_2392757.html. İstifadə tarixi: 17 Oktyabr 2016.
  7. "Riner champion des champions France". Lequipe.fr. Arxivləşdirilib: [1] saytından 20 Noyabr 2013 tarixində. http://archive.wikiwix.com/cache/?url=http%3A%2F%2Fwww.lequipe.fr%2FJudo%2FActualites%2FRiner-champion-des-champions-france%2F333353.
  8. 8,0 8,1 8,2 8,3 8,4 "Teddy Riner Biography". Sports Reference. http://www.sports-reference.com/olympics/athletes/ri/teddy-riner-1.html. İstifadə tarixi: 18 İyul 2012.
  9. 9,0 9,1 9,2 Creighton, Jessica (11 Fevral 2012). "London 2012: Is Teddy Riner a judo legend at just 22?". BBC. http://www.bbc.co.uk/sport/0/judo/16493233. İstifadə tarixi: 18 July 2012.
  10. Benoît Baume, « Teddy, tatami au top », dans Libération, 10 Fevral 2007.
  11. Vincent Melosci, « Le phénomène Teddy Riner », dans Le Parisien qəzeti, 7 Aprel 2007, səh 21
  12. Ollivier Bienfait, « Entre David et Goliath », dans L'Équipe qəzeti, 8 aprel 2007, səh. 17
  13. "50 worldwide contenders for 2012: Teddy Riner". BBC Sport. 7 October 2011. http://www.bbc.co.uk/sport/0/olympics/15198942. İstifadə tarixi: 18 July 2012.
  14. 14,0 14,1 "Guide to judo at the Olympics". RTÉ Sports. 28 June 2012. http://www.rte.ie/sport/olympics/2012/0628/326944-guide-to-judo-at-the-olympics/. İstifadə tarixi: 18 July 2012.
  15. 15,0 15,1 "Teddy Riner". The London Organising Committee of the Olympic Games and Paralympic Games Limited. http://www.london2012.com/athlete/riner-teddy-1102342/. İstifadə tarixi: 8 September 2012.
  16. Teddy Riner papa pour la première fois
  17. 17,0 17,1 "Who is… Teddy Riner". nbcolympics. http://www.nbcolympics.com/news/who-is-teddy-riner-france-judo-olympics. İstifadə tarixi: 18 July 2012.
  18. Ollivier Bienfait, « « Mon judo est plus complet » », dans L'Équipe qəzeti, 12 yanvar 2008, səh16.
  19. Anouk Corge, « Pas d’Euro pour Riner », dans L'Équipe qəzeti, 13 fevral 2008, səh 13.
  20. "World Open Championships 2008" (pdf). European Judo Union. http://www.eju.net/?action=calendar&mode=downloadExternalResultFile&id=518. İstifadə tarixi: 18 July 2012.
  21. "Japan out to hunt Teddy Riner at World Championships". European Judo Union. 19 August 2011. http://www.eju.net/news/?mode=showNewsItem&id=1155. İstifadə tarixi: 18 July 2012.
  22. Vincent Melosci, « Teddy Riner au tapis », dans Le Parisien, qəzeti 21 aprel 2009, səh 21.
  23. "Results of the 2009 Mediterranean Games". JudoInside.com. http://www.judoinside.com/uk/?factfile/tournament/5867/mediterranean_games_pescara. İstifadə tarixi: 16 Oktyabr 2016.
  24. "Riner a remis ça !". Eurosport.fr. http://www.eurosport.fr/judo/mondiaux-rotterdam/2009/riner-a-remis-ca_sto2046472/story.shtml. İstifadə tarixi: 16 Oktyabr 2016.
  25. "Judo - 2009 World Championships - Results Men". The-sports.org. http://www.the-sports.org/judo-world-championships-results-2009-men-epm13001.html. İstifadə tarixi: 16 Oktyabr 2016.
  26. "Judo - 2009 World Championships - Results Women". The-sports.org. http://www.the-sports.org/judo-world-championships-results-2009-women-epf13001.html. İstifadə tarixi: 16 Oktyabr 2016.
  27. Brève par Ollivier Bienfait, dans L'Équipe qəzeti, 15 Oktyabr 2009, səh 9.
  28. Ollivier Bienfait, « Riner au panthéon », dans L'Équipe qəzeti, 10 Sentyabr 2010, səh 3.
  29. "Tokyo 2010 - +100 kg". Judobase.org. http://www.judobase.org/#/competition/profile/1008/results/7. İstifadə tarixi: 17 Oktyabr 2016.
  30. "Judo: France's Riner cries after world championship defeat". Nation.com.pk. 15 Sentyabr 2010. http://nation.com.pk/sports/15-Sep-2010/Riner-cries-after-worlds-defeat. İstifadə tarixi: 18 Oktyabr 2016.
  31. "Riner only sees gold". Skysports.com. http://www.skysports.com/olympics/news/15234/7665027/riner-only-sees-gold. İstifadə tarixi: 18 Oktyabr 2016.
  32. "Istanbul 2011 - +100 kg". Judobase.org. http://www.judobase.org/#/competition/profile/967/results/7. İstifadə tarixi: 20 Oktyabr 2016.
  33. "Olympic sport this week". BBC Sport. 30 August 2011. http://www.bbc.co.uk/sport/0/olympics/14718499. İstifadə tarixi: 18 July 2012.
  34. "French hosts seal record medal haul with team double". France 24. 28 August 2011. http://www.france24.com/en/20110828-france-secures-double-judo-world-championships-riner. İstifadə tarixi: 19 September 2012.
  35. "Paris 2011 - +100 kg". Judobase.org. http://www.judobase.org/#/competition/profile/956/results/7. İstifadə tarixi: 20 Oktyabr 2016.
  36. "France's Riner wins record fifth Judo world title". France24.com. http://www.france24.com/en/20110827-france-teddy-riner-wins-record-fifth-judo-world-title. İstifadə tarixi: 20 Oktyabr 2016.
  37. "Французский дзюдоист Тедди Ринер (+100 кг) - пятикратный чемпион мира". Rru.rfi.fr. http://ru.rfi.fr/sport/20110827-frantsuzskii-dzyudoist-teddi-riner-100-kg-pyatikratnyi-chempion-mira. İstifadə tarixi: 20 Oktyabr 2016.
  38. "Men's +100kg". Official site of the London 2012 Olympic and Paralympic Games. http://www.london2012.com/judo/event/men-more-than-100kg/index.html. İstifadə tarixi: 18 July 2012.
  39. 39,0 39,1 "Teddy Riner Wins Men's Judo +100 kg Gold - London 2012 Olympics". Official youtube channel of International Olympic Committee. https://www.youtube.com/watch?v=gokGHvPj1Vk. İstifadə tarixi: 23 Oktyabr 2016.
  40. "Olympic Judo: Riner wins +100kg gold at London 2012". BBC. http://www.bbc.com/sport/olympics/19119033.
  41. "JO : Teddy Riner en or massif". Tempsreel.nouvelobs.com. http://tempsreel.nouvelobs.com/sport/jeux-olympiques-de-londres-2012/20120803.OBS8917/jo-teddy-riner-en-or-massif.html.
  42. "Budapest 2013 - +100 kg". Judobase.org. http://www.judobase.org/#/competition/profile/1103/results/7. İstifadə tarixi: 25 Oktyabr 2016.
  43. Ouest-France "Judo. Euro 2013 : Teddy Riner champion d'Europe pour la 3e fois", mis en ligne le 27/04/2013, consulté le 25/09/2016
  44. L'équipe.fr "Teddy Riner, 6e titre mondial historique", mis en ligne et consulté le 31/08/2013
  45. "Teddy Riner conserve son titre de champion d'Europe". Liberation.fr. http://www.liberation.fr/sports/2014/04/26/teddy-riner-conserve-son-titre-de-champion-d-europe_1005250. İstifadə tarixi: 26 Oktyabr 2016.
  46. "Euro de judo à Montpellier : Teddy Riner champion d'Europe des +100 kg". Midilibre.fr. http://www.midilibre.fr/2014/04/26/euro-de-judo-a-montpellier-teddy-riner-champion-d-europe-des-100-kg,853619.php. İstifadə tarixi: 26 Oktyabr 2016.
  47. 47,0 47,1 47,2 47,3 "Riner n'a pas le temps !". Canalplus.fr. http://www.canalplus.fr/c-sport/cid1123694-riner-n-a-pas-le-temps.html. İstifadə tarixi: 26 Oktyabr 2016.
  48. "Teddy Riner, France’s unstoppable judo champion". France24.com. http://www.france24.com/en/20140901-teddy-riner-profile-france-judo-champion-douillet. İstifadə tarixi: 26 Oktyabr 2016.
  49. "France’s Riner wins record gold at world judo championships". France24.com. http://www.france24.com/en/20150829-judo-france-riner-teddy-wins-gold-world-championship. İstifadə tarixi: 26 Oktyabr 2016.
  50. "World Championships 2015, Astana". Worldjudoday.com. http://www.worldjudoday.com/en/IJF-News-201-World-Championships-2015-Astana-DAY-6-399.html?nc=309&e=Y2hhcmxlcy5tZWRhbmlAZ21haWwuY29t#o100. İstifadə tarixi: 26 Oktyabr 2016.
  51. "Чемпион ОИ француз Ринер победил на ЧЕ по дзюдо в Казани в категории свыше 100 кг". Rsport.ru. http://rsport.ru/fights/20160423/915907569.html. İstifadə tarixi: 26 Oktyabr 2016.
  52. "Championnats d'Europe : Teddy Riner décroche une cinquième couronne à Kazan". Lequipe.fr. http://www.lequipe.fr/Judo/Actualites/Championnats-d-europe-teddy-riner-decroche-une-cinquieme-couronne-a-kazan/655038. İstifadə tarixi: 26 Oktyabr 2016.
  53. "Arena Carioca 2" (Portuguese). globoesporte. http://app.globoesporte.globo.com/olimpiadas/instalacoes-olimpicas/arena-carioca-2.html. İstifadə tarixi: 27 Oktyabr 2016.
  54. "Carioca Arena 2". Rio 2016. https://www.rio2016.com/en/venues/carioca-arena-2. İstifadə tarixi: 27 Oktyabr 2016.
  55. "FRA - ALG Men +100 kg Elimination Round of 16". Rio2016.com. https://www.rio2016.com/en/judo-men-100-kg-elimination-round-of-16-ju-9. İstifadə tarixi: 27 Oktyabr 2016.
  56. "FRA - BRA Men +100 kg Quarterfinal". Rio2016.com. https://www.rio2016.com/en/judo-men-100-kg-quarterfinal-ju-5. İstifadə tarixi: 27 Oktyabr 2016.
  57. "FRA - ISR Men +100 kg Semifinal of Table A". Rio2016.com. https://www.rio2016.com/en/judo-men-100-kg-semifinal-of-table-a-ju-2. İstifadə tarixi: 27 Oktyabr 2016.
  58. 58,0 58,1 "Rio Replay: Men's Judo 100kg Contest for Gold". Official youtube channel of International Olympic Committee. https://www.youtube.com/watch?v=w84H1S2SPgw. İstifadə tarixi: 26 Oktyabr 2016.
  59. "Teddy Riner remporte sa 2e médaille d'or olympique chez les +100 kg !". Eurosport. Arxivləşdirilib: [2] saytından 12 Avqust 2016 tarixində. http://archive.wikiwix.com/cache/?url=http%3A%2F%2Fwww.eurosport.fr%2Fjudo%2Frio%2F2016%2Fteddy-riner-remporte-sa-2e-medaille-d-or-olympique-chez-les-100-kg_sto5719744%2Fstory.shtml.
  60. "D'un doublé à l'autre, Riner et Douillet ont écrit la légende du judo!". Eurosport. Arxivləşdirilib: [3] saytından 12 Avqust 2016 tarixində. http://archive.wikiwix.com/cache/?url=http%3A%2F%2Fwww.eurosport.fr%2Fjudo%2Frio%2F2016%2Fteddy-riner-dans-les-pas-de-david-douillet_sto5719874%2Fstory.shtml.
  61. "Seul, tout là-haut, Riner est "passé dans les étoiles"". Eurosport. Arxivləşdirilib: [4] saytından 13 Avqust 2016 tarixində. http://archive.wikiwix.com/cache/?url=http%3A%2F%2Fwww.eurosport.fr%2Fjudo%2Frio%2F2016%2Fseul-tout-la-haut-riner-est-passe-dans-les-etoiles_sto5719946%2Fstory.shtml.
  62. "Тедди Ринер: время праздновать, только не слишком сильно". İpponline.org. http://www.ipponline.org/single-post/2016/08/19/Тедди-Ринер-время-праздновать-только-не-слишком-сильно. İstifadə tarixi: 27 Oktyabr 2016.
  63. "Teddy Riner sacré champion du monde de judo pour la 9e fois". Huffingtonpost.fr. http://www.huffingtonpost.fr/2017/09/02/teddy-riner-sacre-champion-du-monde-pour-la-9e-fois_a_23194789/. İstifadə tarixi: 2 Sentyabr 2017.
  64. "Mondiaux de judo : c’est bien parti pour Teddy Riner". Leparisien.fr. http://www.leparisien.fr/sports/mondiaux-de-judo-c-est-bien-parti-pour-teddy-riner-11-11-2017-7386975.php. İstifadə tarixi: 11 Noyabr 2017.

Ədəbiyyat[redaktə | əsas redaktə]

  • Riner, Teddy (2012). Se dépasser, toujours,. Plon. ISBN 2-259-21851-2.
  • Dr Alexandra, Dalu (2015). Préface du livre Les 100 idées reçues qui vous empêchent d'aller bien,. Leduc.s Editions. ISBN 979-10-285-0115-0.

Xarici keçidlər[redaktə | əsas redaktə]

Vikianbarda Teddi Riner ilə əlaqəli mediafayllar var.

İdman titulları
Əvvəlki:
Nikola Karabatiç
Fransada ilin idmançısı
2012
Sonrakı:
Toni Parker