Duayt Eyzenhauer

Duayt Devid Eyzenhauer ing. Dwight David Eisenhower
Amerika Birləşmiş Ştatlarının 34-cü prezidenti
20 yanvar 1953 — 20 yanvar 1961
Vitse-prezident:	Riçard Nikson
Sələfi:	Harri Trumen
Xələfi:	Con Kennedi
Partiya:	Respublikaçılar partiyası
İxtisası:	Hərbçi
Dini:	Presviterian
Təvəllüdü:	14 oktyabr 1890-cı il(1890-10-14) Denison, Texas, ABŞ
Vəfatı:	28 mart 1969-cu il (78 yaşında) Vaşinqton Kolumbiya Federal Dairəsi, ABŞ
Atası:	Devid Ceykob Eyzenhauer
Anası:	İda Elizabet Stover
Həyat yoldaşı:	Meymi Deud Eyzenhauer
Uşaqları:	Deud Duayt Eyzenhauer Con Şeldon Devid Deud Eyzenhauer
Hərbi xidmət
Mənsubiyyəti:	Amerika Birləşmiş Ştatları
Qoşun növü:	ABŞ ordusu
Rütbəsi:	Ordu generalı
Rəhbərlik edib:	Avropadakı əməliyyatların baş komandanı Şimali Afrikadakı əməliyyatların baş komandanı Aralıq dənizi hövzəsindəki əməliyyatların baş komandanı Normandiyaya desantçıxarma əməliyyatının rəhbəri
Döyüşlər:	II Dünya müharibəsi
İmzası:

Duayt Devid Eyzenhauer, "Ayk" ləqəbi ilə tanınır (ing. Dwight David "Ike" Eisenhower; 14 oktyabr 1890, Denison, Texas, ABŞ — 28 mart 1969, Vaşinqton Kolumbiya Federal Dairəsi, ABŞ) — Amerika Birləşmiş Ştatlarının 34-cü prezidenti (1953-1961), ordu generalı (20 dekabr 1944). XIX əsrdə doğulmuş və I Dünya müharibəsi veteranı olan son ABŞ prezidenti. NATO Birləşmiş Qüvvələrinin ilk baş komandanı (1950-1952).

II Dünya müharibəsi dövründə 1944-cü il iyunun 6-da tarixdə ən böyük desantçıxarma əməliyyatı olan və ingilis-amerikan birləşmiş qoşunlarının Normandiya sahillərinə çıxarılmasını nəzərdə tutan Overlord əməliyyatına rəhbərlik etmişdir.

Onun hakimiyyət dövrü Koreya müharibəsində atəşkəs əldə olunması, SSRİ-yə təzyiqlərin güclənməsi, atom silahına böyük üstünlük verilməsi, kosmik yarışın başlaması, sosial müdafiə proqramının genişləndirilməsi, Ştatlararası Avtomagistral Sisteminin yaradılmasının təşkili ilə xarakterizə olunur.